ساعدوني .. ما اعرف احط لي ميكب ولا اعرف شنو النوعيات الزينة وريلي كله يبيني احط ميكب واتعدل وانا ما اعرف اشلون
قولوا لي شنو ماركة البودرة الزينة والكحل ووووو
مع العلم اني بشرتي بيضاء .. بس ما اعرف اشلون اختار
ساعدوني بنات بليز لا تخلوني
ما عندي احد غيركم اسأله
ولمى تتعلمين على المكياج اخذي لج من الماركاات المعروفه
انصحج فبوده ماكس فاكتر والكريم الاساس وحتى بعد ريفلون حلوه
والارواج اختاري اللي تبينه من هناك و الشادو من nyx
او تقدرين تاخذين من المحلات العاديه ارواج فلومار حلوين و بلاشر جست قولد حلو
افضل انج دايما تسوين اللوك الناعم يعني كريم اساس وبدره وبلاشر ومسكرا من غير كحل او بالكحل وروج يناسب لبسج
اتمنى اني افاديتج بشي
اكييييد طبعا الرجال يحبون المراه المتزينه بس لهم ..,,
يمكن فيه عنده بالبيت اخواته يحطون مكياج ..,,
اذا فيه ممكن تخبري احد منهم يعلمونك ..,,
او احد من اصحابك او اخواتك لانه بالشرح والنظر ماتتعلمي بسهوووله لازم بالممارسه مع الوقت راح تعرفين ..,,
الله يزيل همك ..,,
عادي ترى ناس وايد مايحطون ميك اب ولا يعرفون له .. بس اذا ريلج يبيج متكشخة ع طول .. وخصوصا ان بشرتج بيضا يعني حلو عليها الميك اب 
اول شي الأساس والبودرة :
روحي سنتر بوينت او دبنهامز و طبعا بقولج افضل الماركات اللي استخدمتها
– برجوا هيلثي مكس ، شي مو طبيعي يخلييج بتنبطيين من النضارة والإشراق وسعره رخيييص
– اذا بشرتج دهنية وايد انصحج تستخدمين مقشر او غسول عشان يطلع عليج الميكب حلو
– عندج بالنسبة للباودر ، ماكس فاكتور miracle touch ، ريفلون هم حلوة
الكحل gosh سواده فحمي
عندج خيارات وايد انتي روحي هالمحل وخصوصا انا مادليتج ع الماركات الغالية مثل شانيل وجيرلان ، حتى تتعودين على أساسيات الميكب وتجربين في الماركات الرخيصة بعدين تتطورين
وبالتوفييق وأي استفسار احنا بالخدمة
F: وبعدين شوي شوي بتصيؤي تتفنني باميك ابF: