الحلول كتير بس فين النفس؟ -ما علينا- فيه من الحلول دي اللي معروف للكل؛ بس قبل ما نختار حل لازم نعرف إذا كان له أعراض جانبية ولا لأ؛ عشان مانحلش مشكلة العرق بمشكلة تانية أكبر.
وللسبب ده يفضل استخدام الطرق الطبيعية.
1. مزيل العرق (الديودورانت):
مزيلات العرق أشهر وسيلة كلنا بنستخدمها عشان نخلص من رائحة العرق.
لو اخترنا الحل ده لازم ناخد بالنا من حاجات مهمة جداً، أولاً ننقي أنواع كويسة ومعروفة، وثانياً إذا كنت بتستخدمي الشفرة في إزالة الشعر يبقى بلاش تستخدمي الوسيلة دي لأن بعض الأبحاث الأمريكية أكدت إن "الديودورانت" ممكن يسبب أمراض سرطانية في الثدي خصوصاً للسيدات اللي بيستخدموا الشفرة.
2. قشر الرمان:
ودي وصفة بتساعد على التخلص من رائحة العرق تحت الإبطين، وادي الوصفة…. تطحني قشر الرمان الناشف لحد ما يبقى ناعم زي البودرة، وبعدين تفركي المنطقة بالبودرة مرتين في اليوم لمدة 4 أيام وبعدها -إن شاء الله- هتدعيلنا….
3. الشبٌه:
ودي خلطة عند العطار مالهاش رائحة بس مجربة وساعدت ناس كتييييييييييييير.
** والمفاجأة دلوقتي……. عرق برائحة الفواكه والمسك!!!!
4- رائحة الفواكه:
ودي طريقة "لذيذة" قوي، أيوه لذيذة لأنها بتتشرب وبسيطة جداً.
كل اللي عليكِ إنك تشتري من العطار إزازة صغيرة اسمها "رائحة الفواكه" وهتلاقي منها بالبرتقال، التفاح، الفراولة…. إلخ، وممكن كمان تضيفي مسك. هتضيفي الإزازة على المية اللي بتشربيها في العادي لما تعطشي؛ فهتكون النتيجة إنك لما تعرقي هتعرقي برائحة الفواكه.
وعلى فكرة دي مش طريقة جديدة هي بس مُعدلة؛ زمان كانوا بيستخدموا مع المية "ماء الورد" و"ماء الزهر" وهي نفس الفكرة.
وأهم حاجة عشان أي وصفة من اللي قلناهم تجيب نتيجة لازم تداومي على إزالة الشعر باستمرار وممكن ترجعي لأعداد قمر 14 "نعومة الحرير بطرق كتييير".
وبكده نكون اتكلمنا عن كل ما يختص بموضوع العرق اللي كلنا مش بنحبه على الرغم من فوايده……
يـارب يكون الموضوع مفيد ومستنيين رأيكم…
ومشكوووورة وان شاء الله يفيد البنات
سبحان الله وبحمده سبحان الله العظيم