ان شاء الله البنات يفيدوكى
وبعد سوي حمام مغربي كل اسبوع.. وبعد سوي كل شهر فيشل لظهرج عشان آثار الحبوب…
وفي معلومة سمعتها في برنامج "The Doctors"اللي يحطونه في ال MBC4 اخصائي التجميل قال عقب ما تتسبحين .. خذي ليفه وحطي عليها شوي خل "أي نوع من الخل".. وافركي المنطقة بيها .. بشويش.. تساعد على منع ظهور حب الشباب في الظهر.. صراحة انا ما واصلت على الخل
بس الاشيا اللي فادتني.. الكريم اللي عطاني اياه دكتور الجلدية والحمام المغربي والفيشل.. وظهري احينه فيه بس كمن حبة.. يعني شبه خالي!!
بخصوص توحيد لون البشرة!! مممممممممممم .. بالنسبة للمنطقة الحساسة فما عندي خلطة.. بس باقي الجسم… علييييج بالحمام المغربي كلللللللل اسبوع مره.. وخليه شي اساسي في حياتج.. وبتلاحظين انه مثلا منطقة اسفل المؤخرة بيستوي لونها مثل باقي الجسم.. انا وصلت لهالنتيجة.. وحتى اسمرار الركب والكوع بيخف… أظمنلج انه بتحصلين نتيجة.. بس استمري عليه.. ولا تتوقعين انه النتايج بتبين بسررررررررعة..
رحت لدكتور بس شوي خف لون الحبوب لكن ما خفت بشكل كبير مع اني استخدم الدوا اكثر من شهر
بس الحمام المغربي بعد رائج جربيه
انا سمعت عن كريم Acretin للاثار ويمدحونه
أنصحج بالاسكنول للرقبة يشيل السواد مع الوقت
خلطة الجولسيليد مع الليمون والجلسرين وزيت اللوز لكل الجسم يمدحونها
فيه خلطة للافخاذ والمنطقة انا جربتها وانفعتني
كوب زيت زيتون
كوب ماء ورد
كوب زيت ذرة مدة شهر وفي الخلطة الاصلية كوب ليمون ولكني ما حطيت
ومع الليمون النتيجة بتكون مضاعفة في شهر المنطقة تصير مثل لون الجسم
الحمام المغربي وازالة الشعر بالحلاوة اول بأول يشيل الجلد الميت ويفتح الجسم
وبس 
اذا نفعج شي لا تنسيني بالدعاء الطيب
فمان الله
حبيبتي هالخلطة لان تظل على الجلد فترة طويلة
يعني مثلا ً لو حطيت منها قبل ما انام بتظل ما يقارب 8 أو 9 ساعات
يعني الليمون على الجلد كل هالوقت وانا اخاف من الليمون
لان يحرق انا ما اتحسس يعني ممكن استخدم لكن ما أخليه فترة طويلة
الطريقة اللي استخدمتها كوب زيت زيتون وكوب زيت ذرة وكوب ماء ورد
و فادتني الحمدلله وخف اللون وايد لان استخدمتها لين خلصت الكمية
واذا بحثتي في ملفي بتشوفين اني كتبت تجربتي مع بعض التجارب الثانية
وهي من ضمنهم .
موفقة