السلااام عليكم ….
اشحاااالكم حبيباتي ان شاء الله مستانسين …..
طبعا العيد باقي عليه تقريبا أقل من شهر
اولا كل عام وانتوا بخير
ثانيا في بنات ما يحبون يروحون الصالون
او بعضهم ما الهم بارض يروحون ..
راح اعطيكم طريقة تسوونها في الاسبوع مرة وحده
ويطلع شعرج ان شاء الله لامع وناعم وشكله مسشور بعد …
الله يوفقني اللي فيه الخير لكم ياارب
بس لازم تنفذون كل كلمة عشان تحصلون النتيجة المرضيه …
أولا هالخلطة مرة وحدة في الاسبوع والافضل يكون كل مرة
في نفس اليوم يعني لو بديتي يوم الجمعه ردي حطي يوم الجمعه
من الاسبوع اللي وراه ..
ثانيا قبل ما تبدين سيفضل انج اول شيء تسمين بالرحمن
وتقولين سبحان الله 100 مرة وتنفثين في ايدج وتمسحين على شعرج ..
ثالثا .. الخلطة عباره عن :
– حنه ( سوداني أو عماني ) لأانه احسن انواع الحنه للشعر
– محلب مطحون
– خل ( الأفضل أبيض ) او البديل خل التفاح
– اذا شعرج دهني ضيفي ملعقه سدر مطحون ، اذا شعرج
جاف او عادي لا تضيفين السدر لأنه راح يجفف الشعر اكثر ..
– اذا شعرج جاف ضيفي ربع ملعقة زيت شعر ، اذا شعرج عادي
او دهني لا تضيفين الزيوت ..
– شاي + قهوة ( بنسب متساوية ) == اذا بقيتي اللون البني المحمر
اذا ما بقيتي لون ممكن تستغنين عنهم ..
– ليمون ضروري
– روب ( زبادي ) حسب الرغبة
طبعا قبل ما تبدين اي شغل لازم تسمين بالرحمن ..
تخلطين كل المكونات مع بعض خاصة السوائل انتبهي يكونون بنسب متساوية ما عدا الخل قللي منه ..
وتغطينه بقماش قطن ناشف وتخلينه ليله كامله ..
ثاني يوم وقبل استعمال الخلطة ب5دقائق ضيفي عصير ليمونه وحده
واخلطيه عدل وبعد 5 دقائق استعمليه على الفروة وعلى الشعر
وخاصة الاطراف ..
ممكن تخلينه 5-6 ساعات .. مع عدم لمس الشعر ابداا لما يكون عليه
الحنه ..
وايضا يفضل انج ما تتعرضين للشمس لانه يأكسد بعض المواد اللي
الخلطة ..
ولما تغسلينه اغسليه اول بماء دافئ وبآخر شطفه اغسليه
بماء معدني بارد .. واذا ما كنتي تحبين ريحته بعد الغسل ممكن
تبخرين شعرج وهو رطب يعني قبل ما ينشف شوي .. عشان تتم ريحة
البخور اطول فترة ممكنه ….
أتمنى لكم الفائدة ولاي سؤال حاضره ..
دعوااتكم ,,,,
🙂
عاشقة البحار
عطيات
Um A7md
شاكرة لكم تواجدكم
ويعطيكم العافية ياا رب
واتمنى لكم التوفيق
🙂