عندي المجلس ابا افرشه ومختار الستاير والكنفات لون ازرق فاتح – وما اعرف اي لون اصبغ الغرفه ؟ شو رايكم اي لون يليق على اثاث ازرق
ولو فيه صور بعد زين
بما ان الأثاث لونه ازرق تقدرين تصبغين الجدار ازرق فاتح جدا ويكون من النوع المطفي
او تصبغينه بيج وتحطين border مشجر وفيه لون أزرق
أو تصبغين بيج ثلاث جدران وجدار واحد يكون لونه أزرق
عندك خيارات كثيرة فكري زين قبل ما تصبغين حتى لا تندمي بعدين
تحياتي لك وكل عام وانتي بخير
توني صبغت حجرة الأولاد لون بطيخي فاتح ، وصارت الحجره روعة مع الأثاث الأزرق. كل من شافها يقول أنها توسع الصدر.
هلا يا الغاليه طبعاً اللون الأبيض وهو سيد الألوان
ولون البيج حلو على اللون الأزرق ولون الكريمى
ولون ازرق فاتح مثل ما قلت الأخت الغاليه رومى
وحتى لون الأصفر الفاتح المطفى يطلع حلو على أثاث لونه
أزرق
ودمتى سالمة
والمعذره الحين ما عندى صور بحاول اشوف لج