اليوم يايبتلكم طريقة باكورة باللبن .. وهي أكلة هندية ..
سامحوني ما صورت جميع المقادير لأن أمي بدأت قبل ما تخبرني ههههههههههه
وخواتي لو سمحتوا لا تاخذون الصور بدون ذكر المصدر 😮
في البداية نخلط طحين الحمص + ماء وقليل من الخميرة
اتضيفين لها الآتي (وهذا حسب الرغبة )
خس مقطع صغار صغار + كزبرة مفرومة + بصل أخضر + بصل عادي ( ويمكن الاستغناء عن أي منهما عادي )
وتخلطينهم كلهم ويا بعض واتخلينه لين ما يتخمر
بعد ما يتخمر تبتدين اتقلينهم على النار
لين ما يصبح بهاللون
بعد ما اتخصلين .. نسوي طبخة اللبن وهي عبارة عن الآتي
اتيبين قدر صغير واتحطين فيه شوية زيت
واتحطين قليل من الخردل والكمون
تخلينهم شوية على النار لين ما اتحسين بدأ لونهم يتغير
اتضيفين ألحين أوراق الدال ( بصراحة ما أعرف شو أسمهم بس الهنود عندنا يسمونه كاريباتا ) ونحنا زارعين الشجرة في البيت .. يعني طاااازج وينباع في الجمعيات ..
المهم اتخلينه شوية على النار وبعدين اتطفين النار ..
بنات مهم إنكم اتطفون النار بعد ما يتغير لون الأوراق
ألحين نظيف اللبن
هاللمرة نحنا استخدمنا لبن أب + رووب
ويستوي تستخدمون لبن طازج ثاخر .. يعني شوي غليظ
ثم اتضيفين الكزبرة المقطعة صغار صغار .. والفلفل الأخضر المقطع صغار صغار .. وتقدرين تستغنين عن الفلفل
وبعدين تسكبين خلطة اللبن في طبق التقديم
وتسقطين فيهم حبات الباكورة واحدة تلو الأخرة 
ولاااااااااااااااااااازم بعد ذلك اتخلينه فترة .. أقل شيء نص سااعة علشان تتشرب كرات الباكورة من اللبن وتاخذ النكهة
وهذا شكلها بعد ما اتشربت
صورة أقرب :tongue:
وبس .. وادعولي الله ينولني إللي في بااااااالي يا رب وييسر أموري 
نهوووووووره فديييييت قلبج تسلميييين يا عمري ..
اذا قدرت اليوم بسويها ولا باجر ان شاااااء الله ..
يالله يارب الله يعطييج اللي في النيه وينولح اللي في بالج ..
اشكريلنا الماما الله يحفظها الكم ويعطيها الصحه والعافيه يارب ..
 |
اقتباس |  |
 |
المشاركة الأساسية كتبها النهر الجاري  |
 |
 |
| السلام عليكم ^______^
اليوم يايبتلكم طريقة باكورة باللبن .. وهي أكلة هندية ..
|
||
 |
 |
يالله صدق شكلها يمي يمي
ان شاءلله بسويها وبشوف كيف بتظهر ويااااي
تسلم ايد امج اللي اطبخت وايدج اللي صورت
والله يسعدج وينولج اللي في بالج وانتي بخير وعافيه
تسلم ايدين الوالدة الله يخليها لكم
وتسلمين نهورة على الطبخه
يعطيج العافية انتي و ماماتج اشكريها واااااااااايد
والله يحقق لج الي في بالج و يرزقج كل خير يارب
والله يسمع منكم يا رب وينولكم بالمثل إللي في بالكم إن شاء الله
والشكر موصووول للماما فدييتها
مشاء الله تسلم ايد ماماتنا الحلوه
احب هالاكله واااااااااااايد
والله ينولج الي في بالج يا نهوره
شكلها يمممممممممممي بطني قام يغني خخخخخخخخخ
تسلم ايدين الماما و تسلم ايديج انتي بعد
و ربي ينولج اللي في بالج يا نهوره ان كان فيه خير لج و ربي اييسر اموورج
يعطيكم العافيه ^^