F:
بالورد الجوري ارحب بكم وبالعطور والدخون نستقبلكم
بنوتات اليوم بانزل ثاني موضوع لي بالقسم
وهوو عن عطوراتي العربيه وفي جم عطر فرنسي عن نفسي اعشق العطور الشرقيه :adore:واتميز بروايحي بكل مكان اروحه ويعرفون انه الترجيه بهالمكان:o
لذلك <<<<<حلوووه 
بانزل لكم اليوم عطوري ودخوني المتواضعين يارب يعجبونكم :!!:
ببدي بعطوراتي ودخوني من الهند
مومباي
بن حر:
دهن عود اميري بنات كثر ماقول روعه ماعطيه حقه اينن وثقيل للمناسبات وماقصر وياي عطاني تست عود vip اينن من قلب
عنفر:
طبعا هالمحل خذنه من عنده جلابيات بالمشامر قطعه حلوه بعد بس المهم خذت من عنده مخلطات اتينن ويا عطر
مخلط سيف الهند
ريحه روعه وهاديه وللحين ماستخذمته للامانه بس ابيه اهو والباقي ياخذون وقتهم عندي عشان تثقل ريحتهم
مخلط مشق الروز
ريحته روز من اسمه روووووووعهF:
عطر
كنت توني واصله اول يوم ورايحه المحل اسمع الناس كل مره يطلبونه قلت خل اشمه الصراحه مو حسافه فيه الفلس الحمر ريحته على عود بس روعه ومميز ويا الدخون وان شاءلله لي رحت او احد من صوبي بيروح باوصي 3 وحدات وباخليه عطري المميز:$:
محمد ايوب:
ماعطيته حقه للاسف رحت له على سرعه بس اضطريت اخذ بس دهن العود تراث توله وزعتهم على ربع ربع ريحته هم عجيبه مو ثقيله وسعره رخيص حده
اجمل:
الصراحه عنده اشيه لايعلى عليها من المخلطات والعود بس يبي لكم همجه فلوس وتروحون له والحلوو ان يعطيج سعر حلوو لما تاخذين كذا شي او يكون عنده تخفيضات باسعار العطور يعني ماتطلعين خاليه مستحيل
مخلط زهره العود
لوشاقول عنه ماوفيه حقه انه صاحبتي اماراتيه هناك الله يذكرها بالخير قالت لي عنه ان اختها تاخذ كميات كبيره وتحسفت قد شعر راسي ان ماخذت كميات منه لانه روووووووووعه زوووغه بكلام خواتنه الكويتيات:adore:
خذت 4 وماتمت الا وحده عندي الباقي وزعتهم
مطلع الشمس
هم حلووو وثابت مايقل عن مستوى الباقي
دهن العود القديم
ريحته روعه وثقيل ويا العطور والمخلطات ياسلااااااااام
دهن العود سيوفي
لايعلى عليه
العووود
خذته من محلين اهم تقريبا يقربون لبعض ناسيه اسمهم للاسف يصيرون صوب سوق كولابا بالتحديد عند اجمل اللي صوب السوق اللي فيه محل ميتروو
رخيص وريحته خيال التوله جنه ب 3 دينار والثاني 3 ونص تقريبا واللي من بينهم تست مال محل بنحر vip
هاي دهن عود كمبودي من الوالد ربي يحفظه ويطول عمره
ريحته ثقيله بس رووعه ومن يشمه فيكم مايبعد
هاي بعد دهن عود من جنيد قديم بس توه ماعطني اياه لان تم فتره طويله احلوت ريحته زوود
هني صوره جماعيه لهم كلهم
راجعه لكم بعد دقايق لحد يرد حتى اكملF:
الحين بحط لكم الدخون
عندي دخون خاص فيني ماصورته لان حاطته بعلبه عاديه
اهو عباره عن مزج بين كذا نوع من العود بالاضافه لي بخور نعمته فلما ايي اتدخن اكون شايل بقفشه فيكون فيه من كلشي فتخيلوو الريحه واووو
المهم
هاي من اجمل الكل يعرفه ريحته حلوه وبارده وثابته
وهاي سلمكم الله تعرفت بعد على عيله اماراتيه ثانيه بالهند وماشاءلله حبوبين فطرشت لي بعد مارجعت البحرين دخون بلمسات اماراتيه شغل حريم
وذي العود الملكي المعطر
من التاجره ام خلافي ريحته اتينن وحلوه مع المزج
الحين دور العطور اللي اعشقها وبعضها بينذم لان تحسفت ان اهي عندي
عطر مونتال الوردي عطر مميز يستحق التجربه
عطر من الحمادي لما نزل المعرض ريحته اتينن وموحسافه فيه 14 دينار خذته وانه ساكته لان يستاهل
عطر غروب من جنيد
شميته عندهم جذبني بس عندي مادري مارغبت فيه وايد اخليه لفترات وارجع له
عطر الف ليله وليله وياهي ليله اللي بتتعطرون منه
ريحته ثقيله نوعا ما بس حلووه للمناسبات وخصوصا في الشتا
عطر عود الجفري من كويت من اطياب المرشود
اشكر عضوه هني نصحتني فيه وماتحسفت اني طلبته خيال وابداع وريحه موطبيعيه
عطر باقه
من محل نزل بالمعرض وله فرع في السوق الايراني حلوو لما شميته عندهم بس يوم يبته هني حسيته موستايلي نظافه على مادري شلون
لاتروحون بعيد تراني راجعه اكمل اخر جزء
عطر ريما من الماجد ياني هديه
حلوو وثقيل لما يبرد يكون شي
عطر مادري شسمه<<الله متعبج
بس حلوو صراحه هديه من ابوي استعمله بالبيت او بطلعاتي الخفيفه
هالعطر بعد من ابوي
احس ريحته مو عاديه نفس اي عطر
هالعطر اللي اقولكم لحد يخسر فلس حمر عليه اهو عطر شيخه من الملكي للعطور حده ماساه من مآسي الزمان
متحسفته بس لي احطته مايتم شي ماخلطه وياه
مجموعه من الفودري حلوه وناعمه انطره ينزل بالمعرض لان عنده معمول البيت ايننن للعبي والبيت
عطر امتثال
عطر حلو خذته من المعرض ونفس المحل اللي بالسوق الايراني
عطر اجنر
ثقيل مايناسب الاذواق الناعمه
حلوو للطلعات الكشوخيه
عطر شيك من كارولينا هريرا
ريحته حلوه وناعمه وتخليني منتعشه
وبس جذي خلصت مجموعتي الثانيه
اتمنى تدعون لي بتيسير الامور والزوج الصالح واتخرج هالكورس من غير مشقات
ولاتنسون التقيم
ولحد يطخ الصور وينقلها من غير ذكر اسمي ولا هااا نتقابل يوم الحساب
شجعتيني .. شكلي باصور عطوراتي ههههههه
ماقصرتي
مونتال جربته ذيد المره وعجبني والحين حطيته في لستة عطورات العرس
والجفري من وين خذتيه؟؟
وشسم العطر اللي من الحمادي؟؟؟
من الحين قاعده أجهز لستة المعرض
بس الوهقه اني كلش ماعرف اتسوق حق العطورات،، يدور راسي ولا أعرف شنو آخذ
فكله أرجع خالية اليدين خخخخخخ
يبيلي أشيلج وياي
شكر ليكي حبيبتي،،،
انا فعلا محتاجة دروس في العطور العربي،،بي فعلا موضوعك ممكن يكون مرجع..
يعطيكي العافية و في انتظار جديدكF:
 |
اقتباس |  |
 |
المشاركة الأساسية كتبها روح رفحاء  |
 |
 |
| ماشاء الله روووووووعه وخاصه عطر ريما جربته ريحته خيااااااااااال .. مشكوره يعطيك العافيه … | ||
 |
 |
تسلمين حبيبتي ياذوق
ريما حلوو مع الدخون يصير تحفه
بس بعضهم يقولون انه للحريم الكبار بس انه اعارضهم لانه يستاهل التجربه