في ناس ما يحبون ياكلون شي حاااااااااار على الفطور بس اختكم من ميانين
الفلفل وما استغنى عنه…والحمدلله خواتي يشتركن ويايي في هالشي
يعني ينان مشترك…
اليوم يايبه لكن برياني السمك الهندي وطبعا له اكثر عن طريقه وويايبه
بعد سلطة الناريل السيلانيه (هي نوع من المقبلات عند اهل سيلان وسميتها
سلطه) طبعا تعلمتها من البشكاره (وهي اللي سوت الناريل وانا صورت بس)
لكن البرياني من صنع ايدييييي………ماشاء الله علييي عن الحسد
أدري ………….أدري ………….تقولن اختصري :gum: ان شااااااء الله
تفضلن:
برياني السمك
المقادير:
كيلو سمك مقطع ومنظف (احسن تختارين سمك لحمه متماسك مثل الكنعد، الخباط أو التبان)
حوالي 3 ملاعق طعام بهارات جارام مسالا
ملعقة طعام كركم
ملعقة طعام فلفل احمر بودرة (اختياري)
ملعقتين طعام ثوم مدقوق
ملعقة طعام زنجبيل مدقوق
نص كوب كزبرة مفرومة
نص كوب شبت مفروم
4 ملاعق طعام عصير ليمون طازج (حوالي 3 حبات ليمون)
كوب ونص روب
بصلتين مقطعات جوانح رفيعه
4 او خمس فلفل اخضر
طماطه كبيره مفرومه
نص كوب زيت
كيلو عيش بسمتي منقوع في الماي حوالي نص ساعه
الطريقة:
اخفقي الروب بالشوكه او الخفاقه اليدويه عشان تتخلصين من الكتل (لا تحطينه في الخلاط)
ضيفي للروب كل البهارات والليمون والفلفل الأخضر والملح والثوم والزنجبيل.. واخلطي
ضيفي قطع السمك للروب وخلي الخليط حوالي نص ساعه
حمري البصل في الزيت وضيفي قطع السمك (احتفظي بالروب) والكزبرة والشبت والطماط وكم حبة فلفل اخضر وقلبي لين ما تلاحظين ان الزيت ابتدى ينفصل عن الخلطه
الحين ضيفي الروب للسمك واخلطيه وياه واتركيه يطبخ على نار متوسطه وغطيه..لا تنسين تقلبين كل شويه عشان ما يحترق خليط الروب او يلصق…المهم ان تبقى كميه من السائل عشان ينطبخ
العيش….مثل الصوره
اسلقي العيش في ماي وملح وشوية زيت نص سلق بس..
عقب ما تشخلين العيش، ضيفيه على السمك عقب ما انطبخ وغطيه وخليه على نار هااااااااااااااديه عشان يستوي العيش عدل…….
اخلطي العيش ويا السمك اثناء الغرف وقدميه ويا سلطة الروب
سلطة الناريل السيلانية
المقادير:
نص ناريله
بصل مفروم
فلفل اخضر مفروم
فلفل احمر بودرة
ملح وليمون
افرمي جوز الهند بالطريقه اللي تريحج (بشكارتنا تستخدم هالكرسي المخصص لفرم جوز الهند ونسيت اصوره بس لقيت في النت هاي الصوره )
وبعد هاي الفرامه اليـدوية وممكن تلقينها في سوبرماركت اللولو
او اي سوبر ماركت يبيع اغراض هندية
افرمي جوز الهند بهالطريقه
ضيفي الفلفل الاحمر للناريل المفروم
دقي البصل والفلفل الاخضر وابتدي بإضافة الناريل على دفعات ودقي الكل
حطي الخلطه في أي إناء تفضلينه وضيفي الملح والليمون……
وبالعاااااااااااااااااااافيه
تسلم ايدك ياغاليتى مجهود واضح
وفى انتظار مزيدك ان شاء الله
ابدعتي ما شاء الله عليك كل اطباقك روعــــه ,,
والله يعطيك الف عافية على المجهـــــــــــــود
 |
اقتباس |  |
 |
المشاركة الأساسية كتبها reemo_002 |  |
 |
|
تسلم ايدك ياغاليتى مجهود واضح وفى انتظار مزيدك ان شاء الله |
||
 |
 |
سلم غاليج اختي وان شاء الله
ما انحرم من طلتج الحلوه:shy:
|
اقتباس | |
|
المشاركة الأساسية كتبها ^ السفيرة^ | |
|
|
ابدعتي ما شاء الله عليك كل اطباقك روعــــه ,, والله يعطيك الف عافية على المجهـــــــــــــود
|
||
|
|
تسلمين يا سفيرتنا وهذا بعض مما عندكم
خاطري فالبرياني شاسوي الحين
ذكرتيني يوم كنت في استراليا وسويت برياني دياي حاااااااااااااااااااااااااااااار
وكلناه قبل الامساك بكم دقيقه
مع خالص حبي
:clap: :clap: :clap: