شخباركم يا بنات
انا بس ابي اتأكد من كذا شي وبليز اللي تقدر تفيدني ترد علي
هو الموضوع وايد قريت عنه في المنتدى وبحثت عنه في ركن البحث بس في بعض الأستفسارات كان لها ردود مختلفه
فأنا رديت كتبته على اساس اقدر احصل اجابات كامله عن اسئلتي لأن من خلال قراءتي حق المواضيع المكتوبه بخصوص ذي الشي في بعض الأسئله لقيت لها رد وبعضها لا
طولت عليكم
الموضوع بخصوص لاسواد اللي في المنطقه الحساسه وخلطة الجلسرين مع الليمون ( معروفه بأنها تفتح المنطقه الحستسه )
أسئلتي كالتالي
1- شنو مكونات الخلطه بالضبط انا شفت بعضهم كاتبين الجلسرين السائل + ليمون+ ماء
2- ثاني شي الجلسرين السائل شنو اسمه .. هل هو نوع معين؟؟
3- انزين الليمون هل هو جيد لأستخدامه في منطقه حساسه مثل ذي يعني لايسبب تهيج او حرقه ؟؟
4- ابي المقادير بالضبط للخلطه ؟؟
5- واذا تركتها راح يرجع السواد ولاشلووون؟؟؟
6- نتيجة الخلطة تحتاج شكثر وقت عشان تطلع؟
7- طريقة الأستخدام بالضبط؟
8- الخلطه تصلح للبنت الغير متزوجه او لا؟
بليز ابي استفسارات عن جميع ذي الأسئله اللي تعرف تفيدني
وشكرا
سامحوني اذا طولت عليكم بس لأن صج انا متردده استخدم الخلطه ومو معارفه بالضبط شلون
أتمنى الي تعرف تجيب على كل أسئلتي
شكرا لكم
اتمنى من الاخوات ,, يفيدونج ,
ونستفيد كلنا ,,
انتظري اخواتج ,
بس مثل ماقلتي أتمنى ان أحد يجاوبني على الأسئله كلها
شكرا
نتمنى احد يجاوبنا عليها بسرعة
وانشاءالله اقدر ارد على اسألتج
1- انا احط كميه من الجلسرين تكفي جسمي واحط عليها كميه من عصير الليمون بس الجلسرين يكون اكثر اشوي يعني مالي مقادير معينه.
2-اهو اسمه زيت الجلسرين وتلقينه عن العطار (الحواج)
3-انا استخدمه للمنطقه الحساسه والحمدلله ماسببلي تهيج او حرقه وطبعا البشرات تختلف.
4-ما احط مقادير معينه تقدرين تحطين ملعقه جلسرين ونص ملعقه ليمون او 1:1 حسب راحتج اتخففين او اتكثرين الليمون
5-والله ما ادري لان انا كل فتره استخدمها لانها مو بس للبياض بعد اتنعم فكل اسبوعين او ثلاثه قبل لا اتسبح بساعتين ادهن جسمي
6-النتيجه اتبين بعد عشر ايام او اسبوعين بس راح اتلاحظين ان لونج بدا يفتح بعد رابع يوم تقريبا طبعا تستخدمينها يوميا
7-تدهنين المنطقه اللي تبين اتفتحينها قبل لاتنامين وتلبسين ملابسج واذا قعدتي من النوم تسبحي عادي
8-انا بنت (مو متزوجه) واستخدمها للمنطقه الحساسه عادي
بس سمي بإسم الله وتوكلي على الله وانشاءالله تستفيدين منها
وانشاءالله تحسين بالنعومه والبياض
تحياتي
فنوووره
وترى فعلا الخلطة هذي أضمن خلطة من ناحية البياض ومالها اي آثار جانبية حتى بقايا الحبوب والنمش والبقع تشلها لو استمريتي عليها وانا امي زمان كانت مداومة عليها بس بعدين مع كبر السن خلاص ماقامت تستخدمها وظلت بشرتها صافية وماتميزين بي ركبتها وريولها من بياضها حتى كانت تنصنا دايما واحنا صغار انه نستخدمها يعني مليون في المية مالها آضار على البنات الغير متزوجات
وأي مكان بالجسم استخدميها لأنه الليمون مع الجليسرين مواد طبيعية جدا وفعالة يعني مبيض + مرطب
توكلي على الله واستخدميها وماراح اطولين النتيجة بتحصلينها على طول صدقيني عن تجربه
اعملوه وادعولي