انا بصراحة من اول ما اتجوزت وانا رافضة فكرة اني اجيب واحدة تنضف الشقة
بحس ان خصوصيتي هتخترق وانها حاجة ملهاش لزمة بس بعد ما ربنا رزقنى بابنى حبيبي بدأت أفكر في الموضوع لأن وقتي بقى ضيق جدا بين الشغل والبيت وابنى
انا بتكلم على فكرة ان واحدة تيجي تنضف التنضيف العميق اللي هوه غسل الحيطان ودعك السيراميك وتنفيض الشيش والكلام ده مرة كل اسبوعين او كل شهر
عايزة كل واحدة تدخل تقلي بتعمل ايه وايه المميزات وايه العيوب
عايزة تفاعل وان شاء الله نفيد بعض
ملحوظة: لو حسيتي ان الموضوع فادك بحاجة ممكن تقيمينى:o
بصي ياستي انا بصراحة من ساعة ماتجوزت وقبل الخلفة حتى كنت بجيب واحدة تساعدني
اولا لان الشقة ماشاء الله كبيرة جدااا فمقدرش عليها لوحدي
ثانيا طبعا عفشي يامه ومراتبي تقيلة وهكذا فمقدرش عليهم لوحدي برضه
فبصراحة هى بتشيل عني يامة وكل الحكاية يوم
غير لو عملتها مع نفسي فيها 3 ايام
عيوبها انها بتعمل اي كلام وخلاص مش زي مانت عايزه مرة قلتلها حرام عليك اعملي بزمة قالتلي لما
اعمل بزمة عند كل وحده يبقى حتروح صحتي
وغير كده زي ما انت قلتي فيها اختراق للخصوصية
ودول مش بيبطلو كلام وكمان سمع
وغيره انه مهما ادتيهم مش بيرضو ….لكن في النهاية لاغنى عنهم بصراحة بس لو لقيتي في الزمن ده حد يجي
برضه ناخد فكرة عن راي كل عضوة وتجربتها
وشكراااا على الموضوع ياجميل
موضوع حلو يا جودى
انا عن نفسي حتى هذه اللحظة برفض دخول اى حد لبيتى الا الست اللى بتنضف لماما لاننا عارفينها كويس وجبتها فعلا نضفت لما ولدت وبس
انا برفض لعدة اسباب
للاسف ناس منهم قد لا تكون امينة ومنهم اللى بتكون عينها عالحاجه بتاعتك وعايزه تاخدها
للاسف بيكسرو حاجات كتير وغالبا بعد كل مرة بتيجي الست تنضف بيكون في خساير لعدم علمهم باهميه او كيفيه العنايه بالحاجه او لانهم بيكونو مستعجلين وعايزين يخلصو
"كانت الست اللى بتنضف لحماتى جت تنضف شقتى قبل ما نفرش الشقه وقامت بالواجب وكسرت الريش بتاعت شفاط المطبخ"
نادرا ما بلاقي واحده بتنضف كويس ولازم اكون واقفه على ايديها وهيا بتنضف علشان تنضف الحاجه كويس ومتكنسلش الحاجه يعنى في الاخر بيتهد حيلي وانا واقفه معاها
فبخثصر الموضوع وبانضف بنفسي وباخدها واحده واحده طالما انه تعب في الاخر يبقى مش هتفرق كتير
هوه عندنا في المنصورة موجودين كتير واختى بتجيب واحدة على طول وبتقولي فعلا لازم افضل واقفة على ايدها طول ما هيه بتنضف عشان متقلبش
وبالنسبة للفلوس هي محددة السعر اللي هي عايزاه
بس انا بردة محتارة ومستوى النضافة في شقتى معدش عاجبني
بصي هي كل النقط اللي قلتى عليها هي اللي مخليانى مش مرتاحة للموضوع بس المشكلة ان في حاجات اساسية معنديش وقت اعملها
يعنى من زمان جدا الحيطان مش اتزعفت ولا السيراميك ادعك
حسه انى بنضف من على الوش بس
مش حتلاقي الى انت عايزاه
يا حيتهد حيلك وانت واقفة على اديها
او يتهد حيلك لوحدك وتعملي بس لو تعرفي الست وضمناها
خليها على الاقل تيجي تساعدك وتشيل عنك شوية
 |
اقتباس |  |
 |
المشاركة الأساسية كتبها جودي*  |
 |
 |
| شهيدة حبيبتى شرف كبير ليه ان موضوعي عجبك
بصي هي كل النقط اللي قلتى عليها هي اللي مخليانى مش مرتاحة للموضوع بس المشكلة ان في حاجات اساسية معنديش وقت اعملها حسه انى بنضف من على الوش بس |
||
 |
 |
بصي انا عندى نفس المشكلة بس لقيت ان حلها انى كل شوية اعمل حاجه
يعنى ممكن تكتبي ايه الحاحات اللى عايزة تعمليها وتعملى كل يوم حاجه
انا بقيت اصنف الحاجات في حاجات ممكن اعملها وعمر صاحى وحاجات اعملها لما بيكون نايم واوقات ببعته مع باباه علشان اقدر انجز حاجات كتير والحمد لله الوضع اتحسن طبعا مش بنسبة 100% بس اتحسن كتير
على شوية انشغال منى على شويتين كسل الحكاية بتضرب خالص هههههه