مرحبا امهات
بنتي عمرها سنة وخمس شهور
بس ما تحب الفواكه ابدا ولا نوع
يوم كانت صغيرة كنت اعطيها بس الحينة ما تحب ابدا يوم تشوف الفواكه تشرد
واذا خليت شوي في في حلجها تصيح وتصارخ ما تحبة شو اسوي وياها
اكلاتها الي تاكل شوي
ارز مع بطاط بسكويت خبز وزبادي ولبن بس اي شي ثاني لا
شو اسوي عطوني اقتراحاتكم
بعد فترة بيتغير مزاجها وبتجوفينها تحب نوع واحد
من الفواكه وترد تكره وتحب غيره ….
فيه أطفال واجد جذي ..
بس بعد فيه طرق تخلي الطفل يرغب بالفواكه مثل
طريقة تقديم الفاكهه بنتج سنة وخمس شهور
يمكن ما تحب الفواكه مهروسة عطيها في يدها
مثلا خوخة تكون لينة وتراقينها وهي تاكل أو قطعي
ليها موز وتركيه في صحنها وكل ما تاكل حبة
تصفقين لها وتشجعيها …
وترا انا بعد أستانس حدي اذا أطفالي أكلو فواكه
يريح تحس الأم عطت طفلها أكل صحي أكيد ..
جوفي بعد اذا كلش رافضة الفواكه تقدرين تعوضين
لها في الخضروات أدعسي لها مع الرز خضرة ( جزر
، قرع ، بطاطا حلوة ، يقطين ، كوسا )
كل مرة نوع من الخضرة وأكليها وهي تتابع كارتون
مثلا وحتى الفواكه تقدرين تهرسين لها وهي تلعب
أو تتابع كارتون تحبه وتأكلينها وهي لاهية …
وبالتوفيق والله يخلي لج بنوتج ويحفظها 😉
بنتي ما تحب لا مقطع ولامهروس اذا شافت احنا ناكل الفواكة او بيدي فاكهة تشرد البنت ما ادري ليش
يمكن كنتين تجبرينها تااكل و بالغصب
من جي ألحين هي لما اتشوفكم تاكلون تشرد
الله يهديها ان شااء الله
و زوريناا أختي بهالموضووع
و ان شااء الله تستفيدين
ممكن تعوضينها بالعصير
و أشوف من الي قلتيه يعني سنة وخمسة شهور قليل بالنسبه لها الي تاكله
وين اللحوم والسمك؟؟؟
حاولي تتداركين الأمر لا يصير عندها أنيميا
قدمي لها بطريقه حلوة وسوي فيه أشكال جذابه
زوري موضوع الأخت ام مرام و ان شاء الله تستفيدين
بس انتي اقطعيه عنها شوي علشان كل ممنوع مرغوب
ولما تاكلي قوليلها رووحي رووحي ماراح اعطيكي …اممممم لذيذ << سوي دعاية لان كل ممنوع مرغوب
وبعدين الفواكه خليها مقطعة مثل سلطة الفواكه بس حطي فيها عود اسنان مثلا اناناس و بطيخ وفراولة بس فيهم عود ا سنان و حطي عليه شوي ايسكريم او صلصلة فراولة علشان يصير شكله حلو و قدميه بصحون او اكواب مميزة و كلي و مثل ما قلت لك تمنعي يعني خلي نفسك ماراح تعطينها وان شاء الله ينفع
عموما انتي حاليا اقطعيه فترة قصيرة عنها وعوضيها بالفيتامينات عسى الله يفتح شهيتها و يفتح شهية بنتي معاها