بدايتكم مع المكياج ارجو الافاده 2024.

السلام عليكم

شخباركم ؟

مبارك عليكم الشهر جميعاً

F:

حبيت استفيد من كل وحده تعرف تحط مكياج وابي كل وحده تقول شلون كانت بدايتها

لاني حابه اتعلم خطوه بخطوه وابي اعرف افضل طريقة لاختيار مستحضرات التجميل

وسلامتكم

ارجو الافاده

حبيبتى اولا المكياج موهبه وبعدين التعليم لاساسيات المكياج واهم شى الممارسه والثقه فى النفس الله يوفقج حبيبتى

ما ادري مع الممارسة تتعلمين

افضل طريقة لاختيار المكياج هو انج تاخذين مكياج معروف مب شرط الماركات الغاليه و اذا بشرتج حساسه خذي شيسيدو او كلينيك

يعطيكم العافيه عالمرور

والافادهـ

نفس مأساتج

بإنتظار الخبيرات يدلونا على طريقة تساعدنـــا

اذكر انا اول ما بديت اعشق المكياج كان عمري 10 سنين .. كنت من احط مكياج يضحكوون علي ويسموني شعشبوونه } ..

ويوم وصلت 14 سنه صرت اعرف احط مكياج يعني ماشي حالي .. ومن دشيت 15 الكل بدا يسالني شتحطين وشلون تحطين .. قلت والله دنيا من كم سنه تضحكوون علي .. هو الشي يبدا مع الممارسه .. انا كنت اقعد فليل في الغرفه بروحي واحط مكياج ولما احسه مو اوكي امسحه واعيده مره ثانيه .. لين ما تعودت ..

وبالنسبه حق ماركات المكياج ابتدي كبدايه بالماركات الصغيره مثل نيفيا وماكس فاكتور وريميل ولوريال وغيرها .. اخذيلج جوله في المحل وانتي من نفسج اسالي الفلبينيه .. { هاي حق شنو } { ومتى احطه } .. لين ما يصير عندج خلفيه ..

وخصوصا الكحل السائل يبيلها يدج تتعود عليه .. يعني مع الممارسه بتضبطين الميك اب … كلنا كنا في البدايه ما نعرف .. بس مع الممارسه عرفنا ..

ولي عوده .. وبحط لج صور لمكياج من ماركات مختلفه ..

لاني صج حابه اساعدج … بس ممكن تعطيني لون بشرتج .. ونوعها .. وقصه عينج ..

انا بعد ابي اتعلم وياكم
وخاطري موت اتعلم شلون ارسم عيوني بالكحل . في بنات صج فننات يعرفون يرسمون عينهم بالكحل بطريقة تناسب عيونهم وانا بصراحة ما اعرف استخدم الكحل الا داخل العيون خاطري ارسم عيوني بشكل حلو ساعدوني

يعطيكم العافيه منورين الموضوع

اختي كيكه قطريه

تسلمين ع الافاده الغاليه

انا لا سمره ولا بيضه عادي

ونوع بشرتي مختلطه

والقصه ماعرف شلون اوصفها لج :S

وشكرا مقدما

مع الممارسة تتعلمين المهم رغبة التعلم

من كانت بدايته محرقة كانت نهايته مشرقة

وفقك الله 00