بديت أرجع لعاداتي السيئه في الأكل ساعدوني 2024.

السلام عليكم

يابنات بديت أرجع لما كنت عليه من عادات سيئه في الأكل وهي

اني صرت اكل على كل وقت وحين وخاصة بآخر الليل :gum:

ورجعت أكل السكريات وخاصة الشكولاته

ورجعت للدهون وأكل المطاعم والطلبيات الخارجيه :qaq:

ورجعت للقرمشه والأكل قدام التلفزيون والكيك وانواع الأكل والمعجنات ({)

هذا اضافة الى أني تركت الرياضه في المكان اللي كنت فيه من هالأسبوع

وهذا اللي خلاني من نهاية هذاك الأسبوع بعد مارجعت من الرياضه متضايقه

بسبب الناس اللي كانو فيه (n) حسيت اني زعلانه ومتضايقه مره وماشفت نفسي

الا وانا منكبه الأكل والشكولاته والوجبات والى يومكم لأني تضايقت

لأني تركت الرياضه وناعارفه زين ان الرياضه هي اللي كانت مصبرتني

وخلتني أواصل مع التخفيف من الأكل كون اني أروح وأشوف عالم تجتهد

على نفسها عشان تنحف فأتشجع منهم:clap: بس سبحان الله هالمكان الزفت

اللي رحته هالمره كرهني بالرياضه عندهم وخلاني أتركها

فما أدري وش أسوي خايفه لاأرجع زي ماكنت سمينه وأشمت الأعداء فيني

واللي مايحبوني واللي يحسدوني كل ماشافوني نحفت وأحس بنظراتهم

قهر مني :angry: وبنفس الوقت مو قادره أسوي رياضه بالبيت أحس مافيه تشجيع

ولا عندي معنويات تدفعني اني أسوي بالبيت رياضه اوحتى مشي 🙁 مو عارفه

شسوي بجد تعبانه نفسيا تصور الان ونا اكتب لكم أكلت شكولاته وشبس

وطول اليوم جالسه بس أكل في هالشكولاته ووطلبت وجبه من بره واكلت

أشياء كثيره والله مدري وش أسوي أنصحوني يابنات ودي انحف قبل العيد

نفسي أوصل لطموحي وموعارفه وش أسوي مع نفسي :confused:

نفس الحاله ياختي

مع اني اراجع عيادة التغذية بس من شهر ونص ماقدرت ارجع للريجيم

واللحين ناوية على حبوب سد الشهية
يا ريدكتال

او فايتوشب

وان شاء الله اني ابتعد عن السهر لانه سبب البلاوي

اااااااااااااااااف وش هالكلام وش هالخرابيط انتي فكرى وش سوى الاكل زين نفسيتك الاوالله اعدمها صدق 0تعوذي من ابليس واهله 0ابعدى عن كل شي يزيد الوزن وسوى اي حركه في البيت شوفي اهلك الى يبونه قومي انتي سويه منه معاونه وتكسبين اجر وتنحفين بعد يا الحلوين الاكل الى مافيه فايده ماوره الى الشحم 0 والله يساعدكم والمسلمين اجمعين0

نفس المااااسااااااه سهر وزياااده وزن

والله تعبت نفسي اتشجع ويكون عندي اراده

بس مااقدررر ان دخل النت وشفت اارادة من بعض الاخوات اقول خلاص بكره ببداء بالرجيم

من اشوووف الاكل تجيني حاله والشي الثاني ان شقتي صغيره يعنى مااقدر امشي واسوي

ريااااضه والشي اللي مكسلني زياااده رضااااعة بنتى بنتى الاولى نحفت وانا ارضعها بعكس

الثااانيه الله المستعااان

مالقيت حل لك بس ابي اريحك ان فيه ناااس نفس الشي

ياختى يامقهورة الله يبعد عنك القهر ويجعلك دايم سعيده ومبسوطه حاولى تكثرين من الدعاء والاستغفار ومارسى التنفس العميق راح يريح نفسيتك ولاتنسين ترى النظرة المتشائمه والافكار السلبية راح تاثر عليك فغيريها الى افكار ايجابية ولاتقولين مااقدر انتى تقدرينونص واخيرا اقول لك صالحى الجسد الذى تملكين لكى تحصلى عاى الجسد الذى تريدين

انتي رجعتي للاكل لانج مب لاقيه شي يشغلج عنه

حاولي ترجعين للرياضه في المكان اللي ارتحتيله

وبتردين تحبين الرياضه وبتنسين الاكل

دعوااااتي لج

واللة نفس حالتي
انا من بعد الصبر والريجيم والرياضة
وبعد ما ضعفت خايفة ارجع مثل اول
لكن راح احاول ارجع للريجيم وراح احاول امشي ساعة في اليوم
والله يوفقك اختي اتركي الاكل واشغلي نفسك بأي شي
بالقراءة او شغل البيت كل يوم دوري لك شغلة وسويها او بالطلعات والزيارات او بالنت
انا شاغلة نفسي بقراءة الروايات في النت اضيع وقتي وانسى الاكل
وانشاء الله تعبنا مايروح ع الفاضي

واللة نفس حالتي 🙁
انا من بعد الصبر والريجيم والرياضة
وبعد ما ضعفت:shy: خايفة ارجع مثل اول:angry:
لكن راح احاول ارجع للريجيم وراح احاول امشي ساعة في اليوم
والله يوفقك اختي اتركي الاكل واشغلي نفسك بأي شي
بالقراءة او شغل البيت كل يوم دوري لك شغلة وسويها او بالطلعات والزيارات او بالنت
انا شاغلة نفسي بقراءة الروايات في النت اضيع وقتي وانسى الاكل
وانشاء الله تعبنا مايروح ع :salam:

السلام عليكم

مشكورين بنات على ردودكم

بس انا فعلا منهاره من شكل جسمي الجلد اللي كان انشد وصار افضل من الأول رجع ترهل وبطني تدلى والشحوم رجعت وطلعت الان حاولت اني امسك نفسي بالتخفيف من الأكل بس بجد حاسه اني منهاااااااااااره ضيعت كل التعب اللي تعبته في 3 أسابيع تصورووووو يعني فعلا الوزن ممكن يزيد خلال ايام معدوده اما اذا جا ينزل في شهور وسنين بجد ندمانه على اللي سويته بدل ما اكون الان موصله لهدفي أخرته الى مشوار طويل بعد ماكان بإمكاني لو كنت مستمره انه يكون قصير للأسف تعبت ومليت بس ان شااااااااااااء الله بإذن واحد أحد التزم هالمره وينزل وزني ولا عاد أرجع لما كنت عليه من عادات سيئه يااااااااااااارب والله تعب الرجيم والتخفيف وكل شي بس بإذن الله ماأرجع لماكنت عليه وأضيع تعب هالسنين وأشمت فيني منهم مقهورين مني ولا حتى يتمنون لي أرجع مثل ماكنت واللي متحسفين علي اللي وصلت له يااااااارب تتمم علي وتكملي مابديته وأوصل لهدفي وحلمي ولا أرجع أبداً لما كنت عليه يارب العالمين ..

لااله الا انت سبحانك اني كنت من الظالمين

استغفر الله العظيم الذي لااله الا هو الحي القيوم واتوب اليه

اللهم لك الحمد ولك الشكر كما ينبغي لجلال وجهك وعظيم سلطانك

ويااااااااااارب كل وحده فينا توصل لهدفها عاجلا غير آجل يارب العالمين

ولازم نشجع بعض ونستمر لأن بدون العمل بالأسباب ماراح يكون فيه نتيجه

والتوفيق من رب العالمين والدعاء يتطلب العمل بالأسباب حتى نلاقي

نتيجة تعبنا بمساعدة رب العالمين لنا يعني ماناكل ونخربها ونقول ياربي

ليه مانحفنا ترى مافينا من زياده في الوزن كله من أنفسنا لو كنا مخلصين

مع الشغل على أجسامنا كان شفنا نتيجه بإذن الله ولكن للأسف دائما نتهرب

عن إعطاء هالجسم حقه والعنايه فيه ورحمته من بعد رحمة ربه له من هالأكل

بس للأسف احنا مانحس نبغى نوسع صدرنا بالأكل وبالأخير نقول كيف فلانه

نحفت واحنا لا مع انه احنا مبتدين قبلها حبيبتي هالأنسانه أخلصت لجسمها

فشافت نتيجة هالإخلاص والعمل وربي تمم عليها اما احنا همنا بطنا

وكأنه خايفين لاالأكل يطير عنا ولا ناكله يارب رحمتك بس هذا اللي أقوله

والله حرام لسى ببداية عمرنا ومبينين كأنه جايبين عشر أعيال بطن وارداف وصدر

وحالتنا حااااااااااله والكل يظن انه متزوجين الله المستعان بس ..

ترى على فكره انا أقول هالكلام لكم ونا اوجهه لنفسي قبلكم لأني عارفه

صحة اللي جالسه اقوله ومع كذا مو جالسه أطبقه بس يارب هالمره تكون بدايه

صحيه وصحيحه وجديه للرشاقه ويارب يدوم علي وعليكم الصبر والعزيمه

والاراده اللي توصلنا لهدفنا برشاقه وجمال وحيويه ونظره متفائله للحياة

وبحب وثقه بالله وتوكل عليه سبحانه والعمل بالأسباب وربي كريم

وواسع العطاء سبحانه ورحمته أوسع.. واخيرا اتمنى التوفيق لي ولكم إن شاء الله