السلاااااام عليكم
يوم الجمعه إلي طاف طبخت انا وعمتي ام زوجي برياني دياي بالطريقة الهندية وياااااسلاااااام كل إلي يذوقه يسألني اشلون طريقته وطريقته حلوة وسهله وماتتعب ابد
وعلى فكره الصور إلي بحطها لكميه كبيرة بس انا بحط لكم المقادير لدجاجة واحده بس
ونبتدي:
المقادير:
5 إلي 6 بصل صغير مقطع إلى شرائح جدا رفيعه (انا استخدم مفرمة )
اشوي حشيش( كزبرة) تقريبا ملئ يدك
اشوي نعناع بعد نفس الشي ملئ يدك
(( نفرم الحشيش والنعناع مع بعض))
2 روب (زبادي)
دجاجة مقطعه ومنزوعه الجلد
2ملعقتين كبيرتين معجون الثوم والزنجبيل
ملعقه ملح
ملعقة فلفل احمر
ملعقه كركم
ملعقه كبيرة غرام مسالا
في البدايه نقطع البصل شرائح رفيعه جدا ونقليها في الزيت يفضل يكون الزيت وايد يعني
وجذي بيكون شكله البصل
عقب مانشيل البصل ونشيل الزيت نحط اشوي من البصل في الجدر ونحط الدياي ونحمس اشوي
وبعدين نحط ملعقتين كبيرتين من معجون الثوم والزنجبيل ( احنا بما إنه اكلاتنا كلها هنديه فنسوي كمية كبيرة من المعجون مثل هالصورة)
عقب مانحط المعجون نبدا نحمس اشوي
عقب نحط البهارات (الملح والفلفل الاحمر وكركم ) ونحمس
بعدين نحط مفروم الحشيش والنعناع ونخلط ونحط الروب (الزبادي) بعض الاحيان احط ا ونص زبادي موب اثنين
بعدين نحط الماسالا ملعقه ونص كبيرة من الماسالا( احنا نسويه في البيت جاهز بس إذا ماعندج اشتريه بيعونه في السوبرماركت)
ونخليه يطبخ اشوي وعقب نحط ال بصل إلي حمسناه في البدايه ( انتي لين تحمسينه بتجوفين انه صار يابس وهذا المطلوب ناخذ البصل موب كله لا ثلاث اربعاعه بس ونفتته باصابعنا ونحطه على الخليط ونحمسه بتجوفون إنه بدا يصير كثيف وهذا المطلوب عقب نحطه على نار هادئة لين ينشف اشوي)
وخلال هالفترة نسوي العيش ( الارز)
طبعا نسوي عيش نص مستوي كالعاده بس الماي يكون فيه كمون حبوب واشوي حشيش ونعناع وقطعه قرفه (دارسين)
عقب مايستوي العيش (الارز) وتجوفون إن الدياي والخلطه استوت وصارت كثيفه
نحط في الجدر شوي عيش في قاعته ونحط فوقه الدياي بدون الحمسه
ونحط فوقه بعد العيش وفوقه الحمسه
وبعدين نحط باقي العيش وفوقه ننثر الباقي من البصل
ونحطه على النار لين يستوي
وبالهناء والعافيه
وإذا عجبكم قيموني
تسلم الايادى يا قمر
يــــــارب أحـــمـــى مـــصـــر
( يارب أحمى زوجى وهون عليه سفره وأجمعنى بيه عن قريب يااااارب العالمين ووسع رزقه يا أرحم الراحمين )
