بسبوسة ولا احلى . بالصور من مطبخى بطريقه الشيف حسن

النهاردة هنزلكم طريقه البسبوسة بتاعت الشيف حسن عملتها بصراحه كلمة روعه قليله عليها

طعمها جميييييييييييييل وطريه وبتدوووووووووووووووووب في الفم

امممممممممممممم

وادى شكلها النهائي

طبعا احنا عارفين ان الحلويات بتحب الدقة فياريت يكون عندك ميزان ديجيتال للاسف معنديش بس الميزان اللى عندى حاولت فيه انى اطلع القياسات والحمد لله نفع

نيجي للمقادير

الخليط

500 جرام "نص كيلو " سميد بسبوسة
50 جرام جوز هند
150 جرام سكر
2 ملعقه صغيرة بيكنج باودر
100 جرام سمنه
125 جرام ماء
50 جرام شربات ثقيل "قطر او شيرة" بيدخل في العجينة

بالنسبه للشربات الثقيل
بيتعمل ازاى

مثلا 2 كوب سكر مع 1 كوب ماء يوضع على نار هادئى حتى الغليان ثم اضافه نصف ليمونه وتترك تغلى دقيقتين ثم نطفى عليها ونضع فانيليا

انا عن نفسي باعمله وباحفظه في الثلاجه لفترة طويله مبيجرالوش حاجه

شربات خفيف " تسقى بيه"

2 كوب سكر
2 كوب ماء
نصف ليمونه
فانيليا

اضافه اخرى

سهله جدا

نخلط المواد الجافه معا " السميد – جوز الهند – السكر – البيكنج بودر"

ثم نضيف السمن

ونقلب حتى تصبح العجينة مرمله

ونكون وضعنا السوائل معا في وعاء "الماء والشربات الثقيل" ممكن تسيحي السمنة بدرجه بسيطة وتتضاف مع الماء والشربات " للاسف نسيت اصور الخطوة دى"

وهنا بعد ما خلطنا الخليط ونتركها ترتاح مده 10 دقائق

نضعها في الصينيه المعده للخبز

كوبين سكر
كوبين ماء

نضعهم على نار هادئه حتى يذوب السكر ويبدا في الغليان نضيف نصف ليمونه ونتركها دقيقتين ثم نطفئ النار ونضيف الفانيليا الباودر " ممكن اضافه ملعقه زبدة او سمنه صغيرة حتى تعطى لمعه لوجه الصينيه"

وهنا بعد ما خلص

نسقيها بالشربات "طبعا مش باين الفرق بس هتلاقي العجينة نفشت"

نغطيها بورق الومنيوم ونتركها حتى تبرد تماما

ويارب تعجبكم