ياليت اكون موضوعي في مكانه المناسب ولا احد يحذفه زي قبل
ياليت الي مرت بنفس حالتي او تعرف شي ممكن اساعدني اتقولي عنه الله يجزاكم خير..
أنا مشكلتي اني قبل سنه استخدمت خلطه هذي الخلطه كان فيها فكس
استخدمتها على كل جسمي ولاكن هذي الخلطه سببت لي بعدين مشكله مع وجهي عكس جسمي الباقي ألي ماتأثر فيها..
المشكله الي صارت لي هو ان وجهي صار فيه حساسيه صار لي حكه فضيعه في منطقه الانف والجبهه وصارت تتقشر أذا حكيتها رحت لدكتور جلديه ولا فاد عطاني مرطبات وكريمات مغذيه للوجه ولاحسيت بتحسن حتى بعضها قالي اشتريها من الصيدليات وعلى نفس الحاله..
غريبه يعني نستخدم خلطه فيها فكس
سوي لك بلاسم طبيعيه مثلا مرري على وجهك قطعة ثلج من ماي الورد
وسوي لك ماسك النشاء راح يريحك ان شاء الله
موفقه وعطينا اخبارك
وممنووووووع استخدام الفكس على الوجه
ادهني بشرتك بزيت الخروع ومرري ثلجه عليه
على كل الله يشفيك اختي ويعافيك ويعافينا جميعا مما ابتلانا به.
جربي استعمال دقيق الشعير مع القليل من الروب او الكريمة السائلة. وحطيه كماسك للوجه لمدة 20 دقيقة ثم يغسل بماء واستعملي كريم الواقي من الشمس الخاص بالبشرة الحساسة ولو تحبي اكتب لك على اسم الكريم الذي استعمله اوكي لانه بصراحة كثييييييير حلو ومريح للبشرة الحساسة والجافة.
روح البحرين
نوال33
تسلمون حبيباتي على النصائح..وبالنسبه للخلطه كنت اسمع الكل يتكلم عنها في احد المنتديات وعن تجربتهم
بس الغريب فيهم محد تكلم عن مخاطر الفكس؟؟الا وحده فيهم هي الي خلتني اشك ان الحساسيه الي صارت لي من ورى الفكس..
نوال يؤيؤ برص الحمدالله الي وقفتها ولاكان صارت علوم تسلمين حبوبه وبالنسبه للكريم والله ماأدري اخاف استخدمه بعدين اثر علي بشوف الخروع والثلج ان شاء الله اكون مفعولها احسن مع النشاء..ومشكورين يالغاليات.
/
::
البرص
اعوذبالله
/
::
مو كل شي صار يضر وفيه مرض وو زهقنااااااااا هههه
..
ان شاء الله تلاقي لك حل لبشرتك 
ياعمري قد تكون الخلطه جيده والبعض استفاد منهــا
ولكن الاجسااااااام تختلف من شخص لاخر والبشرااااااااات تختلف عن بعض وفيه بنات يتحسسون من بعض الكريمات وبنات لا
يعني مو اي شي وحده تسوويه ويطلع معاها كوويس ممكن انا اسويه وتطلع نفس النتيجه
كل جسم يفرق عن الثاااااااااني وانت طلع عندك تحسس من الفيكس
عليك بزيوت البشره للترطيب المكثف وفتره وبتخف إنشالله