بشرتي حساسة جدا في منطقة الأنف و الخدين!!!!!!!!!!! 2024.

🙁 يا بنات مادري شنو صار في بشرتي بعد ما كانت وايد حلوة صار لي جفاف و احمرار في الانف و الخدين و ما تتحمل اي شي
اذا حر او اذا برد او اذا في الشمس على طول يصير لي الاحمراااار
شنو تنصحووووني استخدم بشرتي راحت عليها ابي شي طبيعي

انا استخدم كريم يولاي و عقب احط فوقها بودرة بودي شوب قلت بوقف يولاي بس اختي تستخدمه و ما صار لها شي!!!!!!!!!!

يعني محد عنده فكرة!!!!!!!!!!!!!1

اتمنى اساعدج عزيزتي بس ما عندي فكرة ان شاء اللة البنات ما يقصرو معاج

ضعي العسل الطبيعي كخلطه بستمرار ونشاء لله يروح الاحمرار
واستعملي عند خروجك كريم ضد الشمس وبتعدي عن يولاي ؟؟؟ وما انصحج تحطينه
حاولي تستعملين الخلطات الطبيعيه للبشره الجافه بتلقين الكثير من الخلطات للبشره الجافه

والله يساعدج ان شاء لله …

اذا بشرتج جافه .. استخدمي طريقة الفازلين .. يوم تغسلين ويهج وهو مبلل دهنيه بالفازلين لين ما تمتصه البشره .. بس تأكدي يكون الفازلين الاصلي وخالي من العطوووووور .. وسوي هالطريقه قبل لا تنامين يعني بالليل يكون أفضل .

وحاولي تستخدمين كريمات البشره الحساسه .. لانه شكل بشرتج حساسه .. كبسولات فيتامين E حلوه بعد حق البشره الحساسه ..

ترا هالكلام كله اقولج اياه لان كانت عندي نفس مشكلتج .. والسبب كان ان بشرتي جافه وحساسه .. ومع العنايه والترطيب الحمدلله خفت وااااايد المشكله وصارت بشرتي حلوه

وان شاءالله تنحل مشكلتج ^^

كريم يولاي هذا دمر بشرة الكل ………. اقطعيه نهائيا وريحي بشرتج منه وادهنيها كل ليله بزيت اللوز وانشالله بترجع طبيعيه بس يبيلها وقت

مشكووورين خواتي ما قصرتوا تسلمووون

اختي غزال الدماني من وين اشتري الكبسولات هذي؟؟؟