احب اتكلم اليوم عن المرأة (هي شئ كبير الحقيقة ) وابي اصحح لها فكرها لانها على زعمها بالطريقة هذي راح تكون تفتن …اذا رحت للسوق مثلا وشفت بنت لابسة البرقع ومكحلة عيونها وحاطة طيب من اللي يدوخ وشنطة من جلد ثعبان او ضب تميزه على بعد 50 كلم …في ظنها راح تفتن (هو بيني وبينكم اكيد تبي تفتن ) بس والله راح تكون انسانة فارغة من الداخل …
اذا كانت متزوجة ويجونها ضيوف ، وقعدت تضيفهم القهوة والشاي وسألوها يوووووووووه !!! ماعندك خدامة؟! :eek2: …قالت هاه! لا والله ماعندي ليه ؟…لازم تجيبين خدامة وش بيقولون عنك الناس ؟؟؟:cool2: …والله زوجي ماينصح بالخدامة تكون في البيت ويحب كل شئ من يدي وغير كذا تاخذ راتب شهري وزوجي عنده التزامات …غلطانة لازم تجيبين ، واذا جاء الزوج المسكين ودخل البيت …قالت له حبيبي انا محتاجة خدامة وش بيقولون عنا الناس (اختنا تبي تكشخ عند العالم على حساب زوجها المسيكين) …
جاء يوم وقالت الزوجة لزوجها حبيبي نبي نروح السوق ، اوكي ابشري ياعمري …راحو للسوق ويوم وصلوا …قالت له حبيبي عمري انت …هاه وش تبين بعد ؟…ابي فلوس …طيب خذي 1000 ريال … 1000 ريال بس !!!!!!!!!!:eek2: انجنيت انت حبيبي ؟؟؟وش تبي يقولون عني صديقاتي ؟؟؟ (تبي تفتن بالغصب الاخت ) …كم تبين اجل؟ …على الاقل حبيبي 4000…..4000 ايش؟…هللة؟ ….حبيبي انت تستهبل ؟اكيد 4000ريال …انهبلتي انتي ؟؟؟90% من راتبي تبين تخلصينه بيوم ؟؟؟ حبيبي الماركات صارت غالية الحين وانا بصراحة انسانة ماشية على الموضة …لا ياشيخة ؟؟؟ مو لازم تاخذين ماركة …خذي صناعة ماليزيا او تايلاند …اهم شئ لبس يسترك …لاحبيبي ( المسألة تبي تطول واستمر الحوار ساعات وبالاخير عطاها 500 ! )…
ابي اعطيكم البقرة (الزبدة ) ان اذا تبين تفتنين فافتني العالم بقناعتك فارضي بأي شئ يعطيك اياه زوجك ، فالزوج ماراح يبخل عليكي راح يعطيكي مايعادل وضعه المالي ، وايضا بالنسبة للبسك اذا كنتي في السوق لاتتكلفين بمكياجك ولبسك ، انتي رايحة تتبضعين مو رايحة العرس ، فاذا كنتي تبين تلفتين الانظار بمكياجك ولبسك (اسمحيلي اقولك انتي ضعيفة شخصية ) …اظهري لنفسك الفتاة البسيطة والمحافظة …هذا البنت اللي تفتنّي بصراحة …ودائما تصرفي على طبيعتك ….ودمتم .
المخلص :
عبدالله ،
المخلص :
عبدالله ،
اخوي عبدالله
رايي بالموضوع ( كوني امرأه ) هو ان الكشخه شي حلو لكن في ضمن استطاعة الشخص .. مثلا
اذا عندي القدرة اني البس ملابس غاليه ليش ابخل على نفسي بس عشان يقولون عني متواضعه ؟؟ التواضع بالاسلوب و الاخلاق مو بالشكل
معاك حق ان في حريم يحبون المظاهر بس بنفس الوقت اذا اهتمت المرأه بأناقتها او انها تفضل لبس الماركات على لبس التقليد ( و نصيحه على الطاير .. لبسي ماركه رخيصه و لااااااا تلبسين تقليد ) هذا مو معناه انها تحب تفتن الغير
ايضا من ناحيه الخدامه ..
اغلب البنات تعلموا انهم ما يسوون شي بالبيت ( و انا منهم كوني فتاة ) لهالسبب وجود الخدامه شي ضرووووري و لا راح ينقلب البيت فوق حدر لان الفتاة ماعندها القدره على الاهتمام بالبيت بنفسها و الرجل غالبا ما يكون متفرج و مايهتم بالترتيب
و تسلم على الموضوع الجميل
ليه الشنطه ب3000 الاف وليه شغاله وليه قماش ب4000 الاف
وليه وليه
انتي تجين لبيته وانتي عارفه كل امور الحياة الزوجيه من طبخ وتنظيف ولباقه وزوج واطفال وحموله ………يعني من مجميعه
نجي عليه هو ساقط ثانويه وداخل الجامعه با الواسطه وفارغ لا ثقافه ولا يحزنون
متعين على بند الاجور ( وهذا شغل مو ثابت بس يقولون له باباي )
وما يودي ولا يجيب عند المشغل ينافخ وعند السوق وشششششوله ؟؟
وعند اهلك امس شايفتهم وخوياه اللي بالاستراحه كل يوم …
وابي بيت ابي اثاث …….يا عمري المسائل ما تجي كذا ؟؟
لالالازم نبني انفسنا طوبه طوبه <<<<بالنسبه له هو
اما شنطه كنتي عند اهلك تشتري اللي اغلى منها لا والف لا
رجال والرجال قليلون………………..
1- لا كفايه بالتوصيل لا مدارس ولازيارات ولا اسواق
2- لاكفايه ماديه ولا صرف دايم مامعاه
3- من تحت لتحت يسحبك راتبك وهو تقل ابليس لو تبين تفله بوجهك من الراتب ما عطاكي
4- لا كفايه معنويه الواحد اذا دخل بيته وين الغداء لعنبو دارك همك على بطنك وجع …….(يشتغل طيب احنا نشتغل يالحريم بعد )
5- وع ايه والله وع
6- هذا من واقع مارى واشاهد واسمع من مجتمع المعلمات ؟؟؟
:confused: :confused: :confused: :confused:
مارايكم اليس حقيقي هذا الكلام اريد ارائكم بكل ما تحمل من غرابه او خضوع …….
😎 😎
والله يا اخ عبدالله
كل واحد يمد رجليه على قد لحافه …
ومو شرط اللي يسويه هالشخص ويطبقه على اسرته
الشخص الثاني يطبقه بلضبط
رب العالمين خلق الناس طبقات
وسبحانه له في خلقه شؤون.
2بصراحه هالشيء صحيح…
خليني أقول لكم قصة صديقة لي…
زوجها خذته وهو مب حيلته شيء وكل تفكيره
بنفسه بس ..أما هي بعدين… وفوق
هذا كله قصرت على نفسها بكل شيء
لدرجة إنها باعت جزء من ذهبها علشان تساعده
وألحين دخل مشروع والله بدا يفتحها عليه جي
حضرته وهز طوله وقال لها بتزوج عليش؟؟؟؟؟؟
بصراحه ما في أحد يستاهل إنك تبديه على نفسك
خذوها نصيحه………………. حبي نفسج …. وسوي كل
اللي تبينه ولا تقصرين على عمرج….. وإياني وياج تبيعين
ذهبج حتى لو كان خاتم بيي ريلج اليوم الثاني وبيقول
بتزوج عليش………
مع إحترامي لكاتب الموضوع….:shy:
المخلص :
عبدالله ،