كيفكم بنات
اريد كل وحده مجربه تجاوبني :
شو رايكم في بضاعة البودي شوب من ناحيه النوعيه
وشو احسن شي يبيعونه عندهم
وشو باالنسبه حق الاسعارهم
وشو احسن مكياج عندهم
(a)
وشكرا للي بيرد وللي مابيرد
اختكم
؟! ان شاء الله تمام..بنسبه لاسئلتج الغاليه ان شاء الله البنات ما بيقصرون..
من ناحية اختيار الماركه انتي هيكه (y)..
شو رايكم في بضاعة البودي شوب من ناحيه النوعيه؟
ممتازه وروعه وأحلى شي انها خارج نطاق المقاطعه..
وشو احسن شي يبيعونه عندهم؟!
طبعا الغاليه كل وحده والشي الي اشترته وذوقها والمبلغ الي تمشي عليه صح!؟ بنسبالي الأرواج وبودره السائبه ومنتجات تنظيف البشره (الميلك) + (تونيك)+ (مرطبات).. وعندهم الاشياء تووووب الي تخص الاظافر من المقراض والسحات وال Nail Pulish ………الخ.. وطبعا الشادو الي اييج في علبه دويريه بلون واحد روعه خاصه اذا استخدمتيه ويا الماي.. ولا تنسين عطورهم ولوشناتهم البسيطه..
وشو باالنسبه حق الاسعارهم!؟
أسعارهم مناسبه وتستاهل وأنا أشوفها رخيصه.. يعني من ال25 درهم تقريبا لفوق..
وشو احسن مكياج عندهم!؟
قتلج على حسب الذوق.. وطبعا نوعية البشره.. أنا أشوف الارواج طبيعيه وتناسبنا نحن الخليجيات.. وكريمات أساس والبودره روعه والمحدد بعد
وأي سؤال نحن بنات المنتدى في الخدمه ان شاء الله
وشكرا جزيلا
انتي دايما في الخدمه وتردين علي بالجواب االمناسب واي شى مني انا في الخدمه
وشكرا مره ثانيه الغاليه الحبوبه
😉 😉 وبضاعه البدي شوب .. ماعليها كلام … كل شيء عندهم …حلو ..
تحياتي ..
مشكوره حبيبتي حوراء
حبيبتي هيمانه مشكوره جزيل الشكر
حبيبتي zazlan:حبييت اسال عن البودره المضغوطه كيف شكلها وهل هي مع كريم اساس لاني سمعت انه في مع كريم اساس ياليت اتشرحيلي كيف شكلها
وشو احلى لون حق اللروج والي انتي اخذتيه شو لونه
وبعد الكور الي قلتي عنهم شو احلى لون وهل الوردي يطلع حلو
انتي شو طبيعه بشرتك ولونها
وياليت تفهميني شو هو اصبع مخفي للحواجب وانتي ترسمين الحواجب
طولت عليج حبيبتي ومشكوره مره ثانيه
)
يابنات الكويت الغاليه اتعلمووووووووني وين الاقي محلات البودي شوب