بنات اللي عندها خبرة تفيدني ياريت اللي ربت بنت اولد تقول لي متى بدأ يسنن ويحبي او يمشي؟؟ بنت الله يحفظها بعد اسبوع تكمل الشهر الثامن انشالله وتدخا التاسع ولللحييييييييييييين ماحبت ولا زحفت عدل ولاسننت؟ اعرف انه الجهال مو مثل بعض بس ماشالله اللي اعرفهم اصغر منها من زمان سننو وحبو من اشهر يعني على السادس؟؟
وبعد للحين ماتاكل شي الا لازم في الخلاط عساني لو خليت نتفة كيكة هرستها لينه اعطيها مسحة الا زوعت اللي في جبدها كله….مادري شسوي وياها؟
على فكرة هذي اول بيبي حقي
بالنسبه لسؤالج مثل ماقلتي مب كل اليهال واحد… وانا بعد مهاري بعد اسبوعين تدخل التاسع وللحين ماحبت ولاسننت..بس تزحف شوي…عادي يا الغلا لااتحاتين باجر تحبي وتعفس لج الدنيا وبتدخلين اتقولين لنا تعبانه من المراكض ورا جنى… 
_smil1:_smil1: وبالنسبه للتسنين عادي فيه من اليهال يسنن في السادس وفيه منهم بعد السنه… انا سعيد ولدي ما سنن الا لما كمل 10 شهور…
اي والله يختش هالشغل يوم يقطعون النت عنا ويوم يشغلونه وبالبيت مراكض الوقت يضيع ماعندش وقت حق شي…
مشكورة حبيبتي عالرد…انشالله بنطر وبجوف
بس من عمره 8 شهور حبي وهو 9 شهور الان يوقف ويمسك بالاشياء ويمشي
بس اشوف ان الحبو في سن 8 شهور متاخر ،،، بس اعرف انه مش كل الاطفال واحد ،،،
وبا يجي وقت ويمشي ويسنن وبس يشتي صبر
شكلها بنتج عياره خخخخخ :B_wink: ،
الحقيقة الكاملة فهي أن بداية ظهور الأسنان قد تمتد من الشهر السادس وحتى الشهر الثاني عشر. وإن تأخر ظهور السن الأولى حتى يوم ميلاد الطفل الأول هو شيء طبيعي. وإن ابن الجيران الذي ظهرت أسنانه في الشهر السادس أو حتى قبله ليس أفضل – عند الله – من طفلك ولا أسرع نموًّا منه.
وإذا أخذت طفلك الآن إلى أقرب مركز أشعة، وقمت بعمل أشعة على الفكين فإنك ستندهشين؛ لأنك ستجدين ما يقرب من عشرين سنَّة – هي عدد الأسنان اللبنية في الأطفال – موجودة في خنادقها ومستعدة للانطلاق للخارج، ولكن الأوامر لم تصدر لها بعد بالتحرك.
اما بالنسبة لولدي ماشاء الله 6 شهور سنن و 6 شهور نص قام يحبي و لما كمل 8 شهور دش 9 قام يخطو . عكس ولد اختي الي في عمره تاخر في التسنين والحبي
وبالنسبة للاكل حاولي بقدر الامكان تعودينها عشان ماتتغربيلن بعدين ، لانه صديقتي تمت جذي مع بنتها وكملت سنتين وكله مهروس بعدين شوي شوي قامت تتعود .
_smil1:!!!!!ولا يحبو ولا ييلس روحه وايد كسول اما بالنسبه لىكل .. ما شاء الله بنتي الحين 9 شهور وتاكل من اكل البيت يعني بلا هرس وبلا طحن نسيناه صح اول شي تعبت معاها مرة ترجع ومرة كانها تغص بس تعودت مع كل مرة اعطيها والحمدلله كل شي تاكل من اكلنا واليوم عطيتها رز مع سمك على الفحم..
حاولي معاها ولا تياسين
كسول حيل يمشي شوي بعدين تشوفينه يزحف ولا قام يمشي عدل الا وهو بو سنه
بس ياريت تخبروني شلون ابدأ اعودها عالاكل اللي مو في الخلاط يعني المهروس عالاقل وشولون وشنو؟
انا الحين اخلي الفواكة او الخضرة اغليها بعدين الخلاط تستوي سائل غليظ وااكلها