بليزززز ارجو المساعده انا منحرجه وخايفه 2024.

اول شي شلونكم خواتي ان شاء الله بخير

خواتي ماعندي احد الا الله ثم انتووو ساعدوني لو سمحتوووو

انا مخطوبه وبعد جم يوم بتيي ام اللي خاطبني و اهي اول مره بتشوفني وانا خايفه ومستحيه لاني الصراحه متينه وابي اضعف واخاف يحرجوني لاني متينه 🙁

وبعدين شنو البس من رايكم علشان اخش المتن وشلون وشسوي ؟ مع العلم لوني افتح من اللون الحنطي بشوي وشعري اسود مادري من رايكم اصبغه ؟ اي لون ؟

ساعدوني الله يرضي عليكم

ناطره حلووولكم

ينقل لركن افكار وخبرات

أول شي الف مبروك اختي الغالية والله تم لك على خير وسعدك دنيه وآخره ان شاء الله

ثاني شي خلي ثقت بنفسك قوية لايهمك شي وان اء الله اح تسوي الرجيم وتصيري زي الفل يارب واجمل بعد و خلك كشخة البسي دراعة بلون حلو وفخم بس يكون قماشها ناعم وماتكون ضيقة وله كبيرة كثير يعني وسط وبالنسبة لشعرك افضل انك تخلنيه طبيعي عشان يشوفوكي على طبيتك وبعد فترة اذا حابة تغيري من شكلك تقدري تسألي خطيبك ش يحب اكثر شعرك على طبيعته وله يحب شوفه مصبوغ من باب التغيير؟يمكن يعجه على طبيعي

موفقة ان شاء الله

خليكي حبيبتي على طبيعتك ما في احلا من الطبيعي
اوعى تتصنعي او تحاولي تغيري بشكلك

كوني واثقة من نفسك وهيدا رح يجملك ويجذب الكل الك وتذكري انو الجمال هوة جمال الروح

الله يوفقك ويسعدك يا رب

اللون الاسود ترى يبين ان الوحده ضعيفه انصحك البسي لبس يكون اسود عشان تبينين اضعف من جسمك الحالي
وشعرك احلى يكون اسود

خلك واثقة من نفسك

وشوفي كل البنات السمان ما ضرهم تزوجوا

مو شرط عشان تعجبينهم تنحفين

يوم كنت على وجه زواج كانت امي تحاول تسمني عشان يزين وجهي

بعدين اذا ام خطيبك كبيرة فيمكن تكون تحب البنت الملايانه على طبايع اول

أنا أقول بعد إلبسي أسود لأن ينحف..

ولا تلبسي شيء ضيق.. لأن يبين مساوئ الجسم..

يعني الزبده شيء واسع وأسود وخليك واثقه من نفسك..

سولفي معاها شوي مو تقطين الميانه وتقول هذي هذاره ولا تسكتين كلش بتقول إش فيها هذي ما تتكلم..

صادقين البنات خليك واثقه من نفسك بعدين اكيد هم عارفين انك مليانه وحتى لو سويتي رجيم ما راح تلحقين المهم
البسي شي غامق وحلو
ولا تصيرين مستحيه
خليك على طبيعتك
وبيني لهم انك طيوبه وحبوبه وكل ماكنت بسيطه ومرتبه كان شكلك اجذب واحلى والله يوفقك وتعجبينهم
وبعد مايروحون وتجيك الاخبار قوليلنا وش صار

انا اقول خلج على طبيعتج احلا

ولاتكثرين من المكياج

واللبس اعتقد التنوره تخفي اكثر

ومايفضل تلبسين مشلح

والمتن مرات يكون حلو

اهم شي ثقتج في نفسج

واذا تبين تضعفين والله ماعرف حل للضعف فيومين؟؟!

والله يسهل اموركم وتم الخطبه على خير

اهم شي ثقتك بنفسك اهم من كلللللللللللللل شي وليش خايفة يعيبون عليكي هم لما خطبوكي اكيد يعرفون عنك مليانة لو ما كانو يبغونك ما تقدموا لك صح؟

ثانياً حاولي تكونين رشيقة لنفسك اولاً ثم لزوجك واهل زوجك .. وانتبهي في فترة الخطوبة لأن الوحدة تبدأ تسمن مثلي على العموم امتنعي قد ما تقدرين عن النشويات (الخبز، الرز) والحلويات والدهون طبعاً حاولي من الحين لين الخطوبة تكونين نقصتي من وزنك واكيد راح تقدرين إن شاء الله كلشي يصير بالعزيمة .

وخاصة ان الحين مجرد يجوفونك ويروحون بس بعدين دايماً بتكونين قدام خطيبك .