كيفكم يا امهات … بدخل بالموضوع على طول
بليز ساعدوني بخبراتكم هاذي بنتي عمرها ثلاث سنين ونظفت من فتره من كان عمرها سنتين وشهرين تقريبا وكله تمام
هي عنيده وتنافس اخوها(عمره سبع سنين) بكل شي بس خوافه وجبانه وكله تصيح خاصة لما تشوف ناس مش متعوده عليهم
الفتره الاخيره يعني من كملت ثلاث سنين بالضبط لاحظت انها تغيرت … يعني بالاصح هلكتني وهلكت ابوها واخوها
من هالتغيرات:
صارت تشخبط على الجدار وكلمتها وقالت خلاص اخر مره … وترجع حليمه لعادتها القديمه، اليوم قمت من النوم لقيتها قالبه جدار المجلس لوحه فنيه مع انه عندها كراسات واوراق
صارت تضرب اخوها ضرب عنيف … تيجي من وراه وتضربه على رقبته … ومره وهو جالس يطالع الكرتون ضربته فجأه باللعبة على راسه!
والطامه الكبرى صارت وانتو بكرامه تتبول على نفسها مش وهي نايمه لا وهي صايحه تروح تتخبى ورى الباب وتسويها!!! وكل مره تقولي خلاص اخر مره واقولها اذا تريدين تروحين المدرسه لا تعملي هالحركه وهي بتنجن تريد تروح المدرسه تقولي خلاص ومافي فايده … قلت للشغاله كل ساعتين خذيها الحمام … اليوم عملتها بعد ساعه!!!
تعبت معاها تصيح وتقول لي اخر مرة هي عارفه انها عامله حاجه غلط … شافت دراجه بنت عمتها تقول اريد دراجه قلنالها اوكي ولايهمك ومسكتها عليها اذا تريدين الدراجه لاتسوين هالحركات تقول اوكي وترجع مره ثانيه
اخذتها للملاهي تصيح تريد تلعب بالعاب الكبار الخطره مع انها بالاول كانت خوافه مره … تخيلوا تريد تركب الجمل!!!
والشغاله مره طيبه معاها وبنتي تحبها
عاده لما اعاقبها اتبع اسلوب سوبر ناني اجيبلها بساط معين بمكان معين واقولها انتي معاقبه وراح تجلسي عليه لمده ثلاث دقايق ينفع معاها يوم يومين وترجع مره ثانيه لحركاتها
مدري ايش اسوي معاها بنتي تغيرت … ممكن امشي كل شي الا حكايه تعملها على حالها
انقذوني بالحل واسفه طولت عليكم
انا ولدي نفس بنتج كله يضرب واحيانا الضرب يكون مبرح ..
بس حاولي تشغلينها واتبعي معاها اسلوب البنت المساوله عن البيت .. يمكن تنفع معاها …
واذا اصرت على انها تلعب لعبه معينه وخطرة عليها طنشيها حتى لو جلبت الدنيا عليكم في المركز …
انا ولدي يوم انزله الالعاب وعقب ما يخلص ابا ارده للعربه يرفض ويصرخ لكن احطه غصبا عنه واطنشه يسويلنا عرس فالمركز ويوم يشوف مافي فايده محد يعطيه ويه يسكت …
حاولي حبيبتي بس انصحج ابتعدي عن اسلوب الضرب لانه مامنه فايده يخلي الياهل عصبي وعنيد …
مرور سرييييييييع.
أختي سوبر ناني تستخدم المدح والمكافأه مع العقاب.
يعني مفروض طول اليوم تمدحينها وانتي طلما تابعتي
البرنامج فاهمه علي ولاتنسين الستيكرات والمكافآت.
راجعه أرد على مطول بعدين ان شاء الله.
أختك