هل أحدكن تعرف علاج لآثار الحروق في اليدين فقد باتت أيادي أختي مشوهة منها
ساعدونا عاجل ؟؟
ان شا الله أكفيكم من الأسئلة وأعطيكم معلومات مفيدة بس أخلص أول .
او اتسير عند دكتور جلدي يمكن يقدر يساعدها
انا قريت في أحد المنتديات عن علاج للحروق وهو عن طريق العسل بس راح أييب لج المووووووضوع كامل .. وإلا انا صراحه ماا عندي فكره بس قريت عنه …
أختي هذا هو الموضوع ويعود للأخت (أحبه حيل ) من مدونة عالم حواء ..
واتمنى تستفيدين منه ..
تبغى اثار الحبوب تروح تبغي اثار الحروق تروح طيب عن الموضوع هدا لا تروحي بعيد اتفضلي
اخواتي قبل ما اقلكم ايش هوو هذا المستحضر ابي اقلكم قصه واقعيه
اخواتي لي صديقه انحرقت في يدهاا ما تركت مكان الا وراحته علشان تروح الاثار ما في فايده
وهي انحرقت وهي عمرها تسع سنين
بعد 19 سنه تزوجت واثار الحروق بيدهااا زوجها اقترح عليها ان تعمل من هدا ……؟
وهي كانت له سمعنا واطعنا المهم وضعت ما قال لها زوجها لمده اسبوعين وكانت النتيجه مذهله
ايضا اختى الصغرى انحرقت في وجهها ولم يبغى اثر الان اسبوعين وهي تعمل …..؟
اخواتي وايضا اختي كانت اثار حب الشباب متعبتها والان لا اثر لها
اخواتي
اذا هدا الماده ازالت اثار حب شباب وحروق لها سنين
يعني ما حيبيض لنا وجهنا اكيد له تاثير
والله يا اخوات اني قلت الصدق وقصص من الواقع وليست سمعتها
اخواتي شي بسيط وفي كل بيت
انه العسل ويفضل الاصلي
اخواتي نحن من المفترض نبحث ونفكرر بالاشياء اللى اوصنا بها الرسول والله سبحانه وتعالى
نرى فوائد العسل والزيت والحبه االسوداء والسنا مكي والسنوت
اخواتي نحن باستطاعتنها ان نعمل خلطات ونخترع كريمات با نفسنا بالى امرنا به حبيبنا محمد
اخواتي المشكله نحن المسلمين انه يكون حبيبنا او في كتاب الله اشياء اخبرنا بها حبيبنا محمد صلى الله عليه وسلم
ولا نعمها اما اذا اخبر نا بها الغرب وهم يكتشفونها منا نصدقهم
واتمنى لكم وجه مشرق ومنور بنور طاعته
منقووووووووووووووووووووووووووووووووووول 
ونحن بالخدمه ..
قبل زواجي بثلاث ايام ……تخيلي ثلاث ايام رحت للكوفيرة اصبغ شعري واشقر وجهي بعد ماصبغت شعري وخلصت رحت اشقر وجهي عند المختصه بالتشقير واول ماحطته على وجهي احس بوخز مثل الابر بعدين صرت احس بنار شابه في وجهي واقولها انا احس بحرارة مو طبيعيه تقولي لا عادي هو كذا المهم حطته ربع ساعه على وجهي وانا مستحمله
واتصبر بعدها غسلت وجهي الا واشوفها انقلب وجهها يوم شافتني وقالت دقيقه اروح واجي واطالع في المرايه…………….واشوف وجهي محروق!!!!!!!!
بغيت انهبل يوم شفته الجبهه رايحه فيها وخدودي لونها اسود قسم بالله اني حمدت ربي ان عقلي ماصارله شي
هذا كله قبل زواجي بثلاث ايام كانت ايام الله لا يعودها مأساة جيت البيت منهارة من البكى وقامت امي وحطت على وجهي خوا جوا مدري اذا تعرفينه تراة وحدة بوحدة مثل ما يقولون للحروق ممتاز ممتاز ممتاز
بس عيبه لونه احمر وريحته شينه وحطيت بعد كينا كومب اذا تعرفينه بعد زين
حتى ليله زواجي حطت الكوافيرة كميات وطبقات من كريم الاساس عشان ما يبان وانا دموعي تنزل حارة على وجهي وترجع تعيد لي المكياج بس ما اقول غير حسبي الله عليها ونعم الوكيل الله لا يسامحها
معليش انا طولت لكن من الحرة الي اونسها في قلبي عشان كذا كرهت التشقير ومستحيل ارجع اسويه مهما كانت الظروف
خلاصة الكلام عليها بخوا جوا تلقاة عند العطار وتدعليلي ان الله يرزقني بالذريه الصالحه
اذا حصلتي منه زيت اصلي صافي باذن الله ينفع واذا حواليك ناس
من العراق او بلاد الشام خاصه فلسطين اساليهم ويسمونه زيت
السيرج 0
وعسى ربي يكتب لها الشفاء اللهم آمين 0
الشفاء يعتمد على درجة الحرق اذا كان وااايد عميق يمكن تحتاج اكثر عن 3 شهور لكن ان شاء الله اظمن لج نتيجة مرضيه
هي قطعة سيليكون اسمها سيكا كير تحطها مكان الحرق واتشيلها كل 24 ساعه عشان تغسلها و ترجع اتحطها .. لمدة 3 شهور او اكثر على حسب الحرق
Cicacare.com
اقراي عنها انا نفعتي و الحمدالله تخفي الاثر ..
اي استفسار انا حاظره