بنات ابي مساعدتكم ف الرجيم 2024.

السلام عليكم ورحمه الله وبركاته ..
راح ادخل بالمووضوع ع طوووول ..
انا من النووع اللي يحب اهتم بشكلي وبأنوثتي بشكل عااام
وخصوصن جسمي ..

ما اقوول لكم اني ضعيفه كثير ولكن متكته كان جسمي كثير يعجبني يعني
لا ضعيفه وااايد ولا متينه ..
لاحظت بالفتره الاخيره انه ثيابي بدت تصير ضيقه علي
وصرت اكل بكثره معني كنت احرص ع اكلي ..
وخصوصن انا من النووع اللي اقل شي اكله بسرعه امتن ..

فألي اللي طالبته منكم يا بنات .. ابي رجيم يضعفني شوووي لان احس روحي متنت ابي ارجع نفس قبل ..
راضيه بكل انووواااع الرجيم بس ابي وزني يرجع .. لاني تعقدت كل من لاحظ اني متنت ..
نااس يقولون لي احلى عليج .. بس انا كلللللش مو عاجبني ..

للعلم بنات لو ما عليكم امر ما ابي رجيم فيه بيض مسلووق 😮 ..

حتى لو فيه مره وحده بالاسبووع بتصبرر ..
لاني استغفر الله ربي يزيد النعمه من اشم ريحته او اجووفه جبدي تلووع ..

انتظر ردوودكم علي ولا تبخلوون علي بتجاربكم ..
اختكم ..
كشكووووشه ..

والله يا ختي انا مثلج ابي اضعف وجربت رجيمات كثيره بس لاحضت انها مالها فايده كثر ما انج تقللين الاكل وتعتمدين على الخضروات وشرب الماي بكثره
زائد الرياضه والله يضعفنا على خير يارب ..

تخسري من 4-5 كيلو على حسب التزامك:

رجيم الـ 5 أيام
هدا الرجيم لمدة خمس ايام
وممكن تكرري لكن بعد ما تعملي يوم راحة بين كل 5 ايام..
الفطور لمدة 5 ايام:
ملعقة شاي لبنة أو شريحة جبنة توست +2قطعة توست +كوب حليب خالي الدسم
الغداء:
اليوم الاول:1 توست +صدر دجاج مسلوق أو مشوي+ 1 لبن زبادي
اليوم التاني: سلطة خضار أو كوب خضار مسلوقة+فقط شريحة برجر +حبة تفاح
اليوم الثالث: 2بيضة مسلوقة أو 2 نقانق +1 توست
اليوم الرابع: علبة تونة مصفاه من الزيت+ 1 توست
اليوم الخامس: نصف كوب رز +علبة لبن
العشاء لمدة 5 ايام:
نوع واحد من الفاكهة حسب الرغبة
وبأي كمية..
ملاحظة هامة :
يجب شرب 8 اكواب من الماء يوميا
يسمح بشرب العصيرات الخالية من السكر(مو اكتر من 3 اكواب في اليوم)
و الشاي و القهوة بدون سكر
—————————-

يعطيييييكم الف عافيه ..
واختي مغتربه سندي ..
فديت راسج يعطيج الف عااافيه ..
وتسلمين ..

ان شاء الله راح اجرربه ..
وراح ابلغكم بالنتايج اول بأول ..
وادعوولي اضعف وارد نفس قبل ..

ربي يضعفك من غير شر
صدق السمنه <<تغير نفسياتنا
بس انتي عليك بالرجيم واهم شيء اذا نحفتحي تمارسي الرياضه 3 مرات بالاسبوع وتشربي الشاي الاخضر3 مرات

سبحانك اللهم وبحمدك أستغفرك وأتوب إليك

إن شاء الله تنحفي على خير

و توصلي للوزن اللي بدك إياه يا قمر