بنات الامارات ساعدوني 2024.

بنات دخيلكم

ابي طريقه العصيده

لو تعرفونها هي من الحلويات

مب متاكده من الاسم هي تقريبا نفس الخبيص

ويمكن اسمونها مضروبه:down:

سلااااااااااااااااام

هيه أأأأسمهاااااااا العصيدة لونهاااا بني محروق

كنت من زماااااااان أأأأأأأأسويهاااا بس أأأأحين

نسيت كيف طريقتهاااااا 😮

بس طباخنا يضبطهااااااا عدل ويسويهاااااا وااااااايد

حلوة

طالبتنج طلبه

قولي تم

أكيد تم طبعا

حاولي اجبين الطريقه خاطري دخيلج والله

مشكوره اختي

انا بعطيج الطريقه بالظبط اول شيء تسلقين الجزر لين ما يستوى بعدين تحطينه بالخلاط مع كاس شكر وتجيبين ربع زبده علبه كبيره وتذوبينها على النار وبعدين تصبين الخليط ما الجزر عليها وبعدين لما يسخن شوي مش كثير تحطين عليه كوبين من الطحين المحمص وتظلين تظربينها لين ما تنعم وبعدين تحطين عليها الهيل والزعفران وماء الورد كميه الجزر (من 6 الي8
) جزرات وبعدين تحطينها بالفرن عشر دقايق وعليج بالعافيه:shy:

السلام عليكم ورحمة الله وبركاته هلا باختي نوووسه انا طريقتي بالعصيدة هذي وانشاء الله تعجبج الطريقة المقادير: 2كوب طحين اسمر 2كوب تمر منزوع النوى 1كوب سكر نصف كوب سمن 5اكواب ماء 2ملعقة كبيرة زبدة سائحة وفلفل اسود مطحون الطريقة: يوضع الطحين في قدر ويقلب على نار هادئة حتى يصفر لونها قليلا ثم ينخل ويوضع جانبا يضاف الماء الى التمر ثم يوضع على نار هادئة ويقلب باستمرار حتى يذوب التمر تماما ثم يرفع من على النار ويصفى. يوضع سكر ثم يضاف اليه عصير التمر ويستمر بالتقليب على النار حتى يغلي ثم يرفع ويترك جانبا حتى يبرد يذاب الطحين في نصف كمية خليط التمر والسكر, ثم يقلب على نار هادئة ويضاف اليه بقية الماء بالتدريج مع التقليب المستمر يغطى القدر بورق القصدير ثم الغطاء ويترك فوق قطعه معدنية على نار هادئة لمدة 45 دقيقة . عندالتقديم يسكب في اطباق ويمسح بقليل من الزبدة السائحة وينثر عليه قليل من الفلفل الاسود المطحون وبالهناء والعافيه عليكن:shy:

شوفي أختي أحضري الطحين الأبيض ( الطحين الأبيض رقم واحد) وحمريه في شوية سمن عربي وخليه يبرد أحضري 4فناجين سكر وخليهن يحمرن في طاسة على النار ثم أضيفي شوية ماءعليه وحطي فيه زعفران وهيل مطحون وسمن عربي وخليه شوية لين يغلي الماء ويتتفكك السكر اللي حمرتيه، ثم أحضري الطحين اللي حمرتيه وأعجنيه بشوية ماء وأشخليه بالمشخله اللي فتحاتها صغيرة علشان مايتكتل عليك وحطيه على الماء وحركيه زين الى ان تغلظ …أسمحيلي أختي أنا أسويها بدون مقادير جذيه على البركة
ملاحظة:يوم تعجنين الطحين لاتحطين عليه ماي وايد علشان ماتتطلع رفيعة العصيدة جربيها وخبريني بالنتيجه ……..