انا امرأة متزوجة وام لستت اطفال كنت عاملة بمصنع ولظروف صحية تركت العمل وانا الان اعيش حالة سيئة ماديا ونفسيا لجلوسي بالمنزل واريد ان يكون لدي مدخول حتى لو بسيط يساعدني لظروف الحياة المعيشية الصعبة
فمن لديه افكار لزيادة مدخولي وانا بالمنزل او اي طريقة ممكن ان تساعدني وله الاجر والثواب
تقدرين تشتغلين من البيت
اذا عندش نفس في الطباخ وطباخش حلوو تقدرين تطبعين ورقة فيها الاطباق اللي تسوينها مع الاسعار وتنشرينها في المنتديات والانترنت وتوزعينها في كل مكان ..
تقدرين تسوين خلطات بهارات ومخللات ونفس الشي تبيعينها ..
اذا عندش شهادة حتى لو ثانوية ولش بارض للتدريس تقدرين تدرسين الطلبة وتحلين معاهم واجباتهم طبعا يعتمد على تخصصش او اذا بس ثانوية تحلين واجبات طلبة الابتدائي بيكون سهل بالنسبة لش ..
وشوفي وش الاشياء اللي تقدرين تسوينها مثل موهبة اعمال يدوية خياطة مكياج شعر وتطورينها وعقبها بتحصلين زبائن وبيزيد دخلش
بالتوفيق
بامكانش تسوين الاشياء اللي يبيعونها في الاماكن السياحية مثل النخي والنفيش والذرة وتبيعينها اما اذا ساحل او ممشى او شي
انا دخلت هذا المنتدى وكلي امل على الله ومساعدتكم لي .. انا سمعت ان بعض المصانع تعطي العمل للعاملة بالبيت لتعمل فيه اذا احد يساعدني عن اسماء هذه المصانع
كما اني هناك ايضا طريقة اذا احد يعرف عنها وهي بيع البطاقة السكانية والحصول على بلغ شهري اذا احد يستطيع مساعدتي عن هذه الطرق او اي طريقة اخرى له الاجر والثواب
كل الشكر لك احبتي
اسمعي انا سويتها
اشتري جملة زعفران مطحون
اللي يجي بالكيلو وشريت علب صغيرة وصرت احط بالعلب يعني مو نص العلبة اقل منها بشوي ولاربع اكثر من الربع وابيعها لاقاربي تخيلي تشترينها العلبة اللي بالجملة بــــــ30او 45ريال وتبيعينها بــــــ15كل علبة صغيرة وانا ماغش بالعكس في السوق اقل من الربع بــــــــــ15وربي كسبت الحمد لله
اشكرك اختي
يعني تشوفين تاجرة عندها بضاعة مو متواجدة في البحرين
وتصيرين لها مندوبة.. تسجلين في منتدى مع العضوة.. وتكتبين انش مندوبتها في البحرين
واذا اي وحدة خاطرها في اي شي من عندها تخبرش.. وبعدين يصير بينكم تواصل..
وتخبرينها عن الطلبات والكمبية بين فترة وفترة وهي ترسل الطلبيات واكيد بيكون لش نسبة
>>>هذا اذا كان لش في البيع عن طريق الانترنت