اشلونكم حبيباتي عساكم بخير
انا باذن الله بزور البحرين في هاليومين وبتسوق بس مادل شي فيها ….
الله يعافيكم اذا تدلوني على محلات حلوة ورخيصة للدراريع او ملابس حق رمضان والعيد ..طبعا اقصد بالرخيصة مو ام دينارين لا اقصد المعقولة
وابي صالونات حلوة وزينة لقص الشعر
وكل شي تعروفونه عن التسوق في البحرين
جزاكم الله خير وعسى البحرين دوم عامرة بأهلها وحبايبها
ومشكوووووورين مقدمااا
أنا اقولج بما اني ساكنة بالبحرين ، كسرتي خاطري محد راد عليج……… شوفي الله يسلمج:
1- عندج مجمع السيف متنوع ويعقد
2-العالي للماركات والاشياء الراقية
3-المارينا صاير على دوار اللولو بالضبط
4-مجمع البحرين ( جيان) هم وااااااااااايد عائلي وحلو وكل شي تقريبا فيه
5-مجمع الدانة حلو وايد وفيه مجمع يتيم ومجمع اللولو وسوق المنامة وكثير بعد وبمدينة عيسى فيه مجمع صغيرون
والمحرق فيها سووق واااايد حلو.
وفيه عندج اذا حق العبي صوب مدينة الذهب تحصلين اشياء واااااايدة وتراثية ( اللي اهي بوابة المنامة)
واماكن وااايد بعد بس انا هذي الاماكن اللي اكثر شي اروووحها 
وفيه صالونات بالمحرق واايد ، بس اللي احف عندهم صالون بقابل بيتزا هت نسيت اسمه ( اهو على اسم وحدة) ! لووووووووووووول والله كله ادش بدون مااقرأ الاسم
المهم واذا بغيتي اي شي حاظرين للحلوين
وتحياتي
بس حق الجلابيات ماعندك غير سوق محرق اغلب الزوار تحصلينهم في سوق المحرق حق الجلابيات الحلوة حق رمضان وحق العيد بعد
أختى تقدرين تحصلين الجلابيات في سوق الرفاع (بوكوارة) معروف الشارع بالمحلات اللي تبيع الجلابيات.
سوق المحرق أكثره صار محل عبايات ، تحصلين الرخيص والغالي، أنا أتعامل مع العبايات الراقية أول السوق على اليسار.
عندك المجمعات:
السيف/ فيه المحلات العالمية مثل ماركس وزارا ومانجو ةمذركير وآدمز.
العالي/ ماركات عالمية راقية.
البحرين/ نفس محلات السيف تقريبا ومحلات المرينا مول.
المارينا مول/ سبلاش، هوم سنتر، شو مارت، سارة، رعاية الأمومة، بوسيني
سوق المحرق والمنامة/ ملابس تقليدية وشغلات رخيصة وممكن تحصلين في سوق المحرق جلابيات حق رمضان وفي محل أسمه المهيزع في عراد يبيع شعلات من الكويت وله فرع في سوق المحرق بس مو متأكدة منأسمه قرب المركز الصحي اللي بالسوق.
مجمع سترة/ (جديد بعده ماكمل فتح المحلات) محلات أطفال ونساء ورجال وداماس.
ماتعرفون عطار عندكم يبيع لطوف للمتزوجات ياليت اللي تعرفه تقولي لاني ابي منه كميات كبيره
وعذرا لصاحبة المووضوع