شلونكم عساكم طيبين
انا ملجتي راح تكون تاريخ 10-10-2008
وحنتي 4-11-2008
وزواجي -11-2008
فياريت تفيدوني
ابي فستان حق ملجتي يكون بسيط وايد ومديله حلو دلوني على مكان زين
لاني ناويه اروح السعودية
رحت سهره الشرق عجبني مديل بس قلت بروح السعوديه بعد العيد باجيك
وبالنسبه حق حنتي ابي مديل يكون اخضر وهندي لاني ناويه في حنتي اسوي استايل هندي
فماعرف شرايكم ابي حركات حلوة وابي افكار
وبالنسبه للعرس ابي محل يسوي شنيول في السعودية ماعرف اذا يمدي او لا الوقت
وابي اسعارهم تكون معقوله لاني بسوي 3 حفلات
والله مخي مشتت
وابي افكار حق توازيع الملجه والزواج شلون
وابي بعد اشتري ستيانات للفساتين وابي كورسيه من وين ايبيعون وين احصل في السعوديه او البحرين
ياريت تفيدوني باسرع وقت
وابي محل في السعوديه عشان اخذ شبكتي
ولكم جزيل الشكر
وفي ميزان حسناتكم
الف مبروك و الله يسعدك ان شاء الله !
شوووفي بقولك .. بالفساتين مابتحتارين دامك رايحة السعووودية !
مجمع الجمعة اللي عندهم من فوقه لتحته محلات فساتين و متنوع و فيه الرخيص و الغالي !
و ان شاء الله السعوديات يفيدونك بعد !
اللهم امين يارب العالمين
اي والله ياريت باسرع وقت احد يفيدني لان الوقت ضيق
في السعوديه بتحصلين ان شاء الله ..
بس شنيول مااظن احد بيفصل لج لان مافي وقت كلش ..
وتبين نصيحتي .. صرفي نظر عن انج تسوين ليله هنديه في الحنه .. صارت موضه قديمه مستهلكه
و بالنسبه للشبكه .. هذا يعتمد على الميزانيه !! شنو ميزانيتج عشان نعرف ندلج على اماكن تناسبج ..
°
°
°
بالنسبـة للفساتيـن
وايد في فساتين سهرة حلوة في السعودية
وفي رخيص & غالي
وموديلاتهم متنوعة
يوم واحد طلعي السعودية حق تشترين فستان بس
أفتري على المحلات وإذا أقتنعتي بواحد أخذيه بدون تردد
وفي في البحرين بعد عدة محلات
/
وبالنسبة للساري الهندي , شفت على صديقتي وكان خيالي كله مشغول تطريز وشك
وصج صج حلو . . قالت لي من السعودية جنه بـ 60 أو 70 دينار
وأنا أقول سعره فيه ويمكن بعد يستاهل أكثر
وفي الحنة ما في أي أفكار ممكن تسوينها سوى الستايل الهندي وتلبسين الساري بكل الإكسسورات
أو تسوين الستايل التراثي وتلبسين لج ثوب نشل وتسوين شعرج مثل أول حطي فيه مشموم
وأنا بصراحة أميل للستايل التراثي . . لأنه يعبر عن ديرتنا وعاداتنا وتقاليدنا أكثر
والنشل ممكن تستآجرين لج واحد أو تشترين
أسعارهم على ما أظن تترواح بين الـ 120 إلى 150 إذا كان مشغول عدل وبعدة ألوان
يعني سوي لج جلسة عادية للحنـة
وتقدرين تستآجرينها
وفي وايد حريم ومحلات يآجرون سوالف ليلة الحنة من ( جلسة – سفرة عجم – أكسسورات .. إلخ )
/
التوزيعات أنصحج تروحين حق حرمـة تسوي لج
وايد بنات ما شاء الله فنانات ويسون توزيعات حلوة بأسعار رخيصة
وأنا أفضل التوزيعات ( قرآن – شبة وملح عن الحسد – حنة – عسل – سكر )
ولا تروحين محل أما روحي حق حرمة أو سويهم بنفسـج
/
لا يتشتت فكرج ولا شي
تقريباً باقي شهر وكم يوم عن عرسج . . حاول تخلصين بسرعة بس لا تضغطين على نفسج
وأهم شي حجزتي الأساسيات
والله يتمم على خير إن شاء الله
°
°
°
اول شي الف مبروك
ثاني شي
ليه متأخرة كل هالقد لان انا الحين ادور على فستان العرس والتفصيل من الزحمة ياخد 4 شهور
فاانا بدلك على الاماكن الجاهزة
في الشرقية
بالنسبة للملكة
تحصلين في
فنسيا مول في الخبر
الراشد مول في الخبر
الجمعة سنتر بالخبر
مارينا مول في الدمام
الواحة بالدمام
لمسات طيبة بالخبر اذا ميزانيتك من 5000 ريال وطالع
للحنا
تحصلين قماش هندي بالموديل يعني اذا تعرفي خياطة تفصل لك بسرعة لان مايبيله شي انا سوالي خياط ب5 ايام
في محل في الجمعة سنتر اعتقد اسرار الهند شي كذا اسمه
وتحصلين على ضربة حظ في فؤاد سنتر بالخبر في محل سارة بدلة جاهزة لان احيانا يجيب اشياء واحيانا لا
وفي سوق الحب بالدمام والسويكت بالخبر
فساتين زفاف
عندك مختارات عبد الواحد بالراشد
وفي الشاطئ مول بالدمام
عندك ازياء الاسعد في ابن خلدون
شارع السويكت
سوق الدمام
بالنسبة للملكة
ممكن تسوين صواني شكولاتة راقية ومزينة
والحنا
تسوين محفة او سلات صغار تحطين حنا فيها
او قرآن صغير ملفوف بشيفون
والزواج ممكن تشوفي اشياء جاهزة
روحي محل الافكار الذهبية بسوق الدمام المفتوحة ( شارع العدامة قريب البلدية) بتحصلي شغلات حلوة وبسعر مرة رخيص
او عندكم بمركز الانوار انا اخدت منهم حق ولادة ربيعتي
ورامز بعد
وهذي صور ممكن تساعدك
تحصلين في نعومي
وفي محل في مارينا مول تحت اسمه الحياة روز
واسماء في الشاطئ مول
مثل ما قالت الاخت الي قبلي
اذا رحتي
 |
اقتباس |  |
 |
| فنسيا مول في الخبر الراشد مول في الخبر الجمعة سنتر بالخبر مارينا مول في الدمام الواحة بالدمام |
||
 |
 |
ما بتضيعين اكيد بتحصلين ،،
والف مبروك مقدما
أما بخصوص ليله الحنه إحنا نسميها الغمره
وفي مجــال إننا نسويه ليلم مدنيه بدل هنديه
نفس الأشياء تقريباً
بس بدل مايكون الفستان ساري يكون مديني
ويطلع حلو