شخباركم عرايس ان شاء الله بخير
المهم ان شاء الله بسافر الخبر نهاية الاسبوع للتسوق وحابة اشتري فساتين لأعراس ناس يقربون لنا المهم ابيكم اتدلوني على محلات حلوة وانا احب الموديلات الناعمة وفيها قصات واتكون الاسعار مناسبة يعني مش نفس اسعار الدوحة الفستان على 4000 او 6000 :confused: ابي اسعار حلوة :cool:وفساتين كششششششششششخة
وثانيا شنو المجمعات والمحلات الحلوة والي تبيع تنانير وبلايز وبنطلونات وشنط وجواتي وانتو بكرامة وشنو معلات العباءات الي تنصحوني فيها
وااااااااسفة على الاطالة بس محتاجة المساعدة ضروووووووووري
:encore::encore:
بالنسبة لفساتين السهرة
عندك مجمع الجمعة سنتر بالخبر ومارينا مول بالدمام وفنسيا مول بالخبر
تحصلين من 800 ريال وطالع واغلب الفساتين الراقية تحصلينها عند المصمم اللبناني هناك وليسا غالبا تكون اسعاره بين 1200 ريال الى 1800 ريال انا دايما اشتري منه
وعندك بالخبر بلازا بشارع السويكت والواحة بالدمام وشارع الحب اسواق الدمام المفتوحة تحصلين من400 ريال وطالع
وبالنسبة للمجمعات الي فيها تنانير وشنط وجزم
الراشد بالخبر
الظهران مول بالخبر
الشاطئ مول بالدمام
مارينا مول بالدمام
ومحال العباءات في محل اسمه الملكة في شارع السويكت كل الغريب والراقي تحصلينه عنده بس اسعاره من 600 ريال اقل عباية وانتي طالعة يعتمد على الشغل الي تبينه
وعندك بو كنان تحصللينه بالشطئ مول احب قماش العبايات تبعه
ونيولوك بالسويكت
عندك عمارة البندرية فيها محلات حيل حلوة ، (f)
فلورينا ماشاء الله ماقصرت قالت اللى بقوله وزياده .. 
رديت امس في الليل من الخبر وياليتني مارديت بهذي السرعه الصراحة الخبر رررررررررررررررررررروعه والمحلات كلة جديد وحلو هذا غير اهل الخبر الطيبين
رحنا مجمع الراشد تغدينا وكان مغلق للصلاة فدرنا على المحلات انشوف البضاعه من برى بعدين رحنا جمعه ستي وكل فساتينا من هناك وأول مرة بحياتي اشوف فساتين اسعارها 500 او 800 والفساتين الي اشتريناهم اسعارهم تتراوح من 2200 الى 800 ريال صدقنوني الفستان ابو 800 ريال لونة بقطر يوصل 3000 ريال
ورحنا مجمع فينيسيا الصراحة حلووووووووووووووو وجديد واشترينا منة
بعدين رحنى الاحساء واشترينا من مجمع البستان
جزااااااااااااااااااااكم الله كل خير حبوبات