لو سمحتوا لي أبي صالون يعالج الشعر ويكون متخصص عندنا هني في الدوحة لأن شعري تالف بشكل فظيع
أستخدمت زيوت و خلطات وايد بس للأسف مافي فايدة ,,,, و حبيت أروح صالون بس عاد تكون النتايج حلوة ,,
وأتمنى الرد بأسرع وقت
الله يعطيكم العافية
مركز ابولو في شارع سلوى جنب البتيل…صديقتي راحت عنده والوضع مش بطال
مركز قطر للشعر وهذا خالتي توها مداومه عنده وتقول انهم في البدايه يفحصون الشعر وفروه الراس ويراوونج كل شي عن حالتج بالكمبيوتر وبعدها يبدا العلاج عباره عن جلسات وشامبو خاص يعني كل حاله لها علاجها الخاص..لحد الحين تقول ان التساقط صار اخف من قبل وهي مرتاحه معاهم..صديقتها في الشغل استفادت جدا من الجلسات… عاد انتي وحظج..يعني في عوامل ممكن تكون مأثره فيج و مو مأثره فيهم وسهله علاجها معاج ومو معاهم او العكس…يعني كل حاله تختلف… بس على فكره ترى مثل هالاماكن ممكن انها تكلفج…هاذي معلوماتي واتمنى اني افدتج
مع احترامي للأخت اللي دلتك على مركز ابولو بصراحه
هالمركز بياخذ فلوسج وماراح تستفدين منه شي صدقيني
شوفي في مركز تجميل امسه ليدي ان وفيه خبيرة تجميل
اسمها اميه جربي عندها ولاراح تخسرين بأذن لله وراح تدعين
لي
و بجرب حظي وإن شالله تضبط معاي 
وبعد سمعت عن صالون سارة في السد شغله حلو في العناية بالشعر..
وبعد عندج الصالون اللي في مجمع البستان اللي جنب السد بلازا-سابقاً-… نسيت اسمه الصراحة
اما مركز قطر للشعر فهو فعلا مثل ماقلت قبل واايد يمدحونه..وخالتي مداومه تروحلهم الحين والحمدلله مستفيده