كيفكم؟؟
مثل ماقريتو انا من الشرقيه وادور محلات لغرف الاطفال بس باسعار معقوله 00مابي اشياء غاليه 00على قد الميزانيه
حاليا باخد سريرين بس بدون باقي الغرفه لانو شقتي صغيره
رحم الله والديكم ابي اسماء المحلات اللي في الدمام او القطيف او الجبيل او رحيمه يعني قريب لي
بسرعه خلال يومين رايحه
انا صحيح مو من الشرقية بس انصحك بمحلات ستي بلازا وبالاخص هوم بلازا او هو سنتر
مااعرف بالضبط التسمية عندكم .. لكن اسعاره معقوله جدا وبضاعته رائعه ..
بالتوفيق يارب
انا رحت السيتي بلازا بالدمام 00غرف الاطفال روعه
بس الاسعار غاليه مره
وما دري هوم بلازا وهوم سنتر وين احصلهم هدول؟؟
وكيف هم محلات منفصله ولا فروع للسيتي بلازا
فيه محل الاطفال 09 في الجبيل اسعاره حلوه وتلقين عنده اللي تبين اسعار السراير من 300الى 900
على حسب عمر الطفل بس رووووعه المحل قريب من مجمع الفناتير مول ….
وان شاء الله ساعدتك…
الله يعزك يارب00
بس ممكن اسم المحل بالظبط ؟؟
واولادي 4و 8 سنوات 00بس باخد سريرين نفس الحجم (كم تتوقعين اسعارهم لهالاعمار)
ومره ثانيه مشكوره
فعلاً الهوم بلازا تلاقين عندهم أثاث غرف أطفال
فيه محل في الدمام بس بصراحه ما عمري دخلت المحل ولا أعرف أسمه
بس أشوفه وأنا بالسياره
راح أحاول أوصف لك موقع المحل
المحل يصير أول شارع كبري الدمام الخبر
يعني لو أنتي جايه من الدمام الشارع إللي فيه مجمع الواحة
بعدين يجيك الستاد الرياضي على يدك اليمين
عند نهاية الستاد تكونين في إشاره
يسار يوديك كوبري الدمام الخبر
وبيكون في الأشاره قدامك مبنى مقر الإدارة الأقليمي للشركة العربية للعود
تاخدين الأشاره هذه يسار
وقدام شووووي بس بتلاقين المحل
وهو جنب صالون نسائي أسمه نيرمين
وهو قبل الحديقة إللي عند عمائر إسكان الدمام
أحس أن الوصف ملخبط شوي
بس أتمنى أنك فهمتي علي
موفقه إن شاء الله
وشو اسمه المحل بلززز
اني ابي الى البييبي الي جاي
وبنتي عمرها سنتين وابي لهم نفس التفصيل
هالمحل اسمه ارنوبي
وعنده اشياء من برا واضح انه روووووووووووووووووعه
شفت شغلات ورق جدران وسوالف حلوه
بس مدري عن اسعاره روحي وشوفي لانه يستاهل العنوه
و الميزانية محدودة
راح تلاقي في شارع التلفزيون أسرة على 300 /400/600 ريال..