ومايجوز لانه يمنع وصول الماء للشعر
استغني عنه بالقبعه حقت الكوافيرات الي تطلعين منها خصل وجيبي لون ثلجي من اي صبغه وطلعي خصل كبيره او صغيره على حسب رغبتك
يعني بلياج اوهاي لايت وتطلع شئ
بدل ماتروحين للكوافيرات ويسحبون فلوسنا على كم خصله
اني بصراحه احب الميش وخاصتا اللون الثلجي والبلاتيني ,, مره وحده بحياتي سويته عند حلاقه سويديه وبعدها صرت اسويه بنفسي في البيت
بما انه شعري طويل فما استخدم القبعه لان يوجع من اسحب الخصل , فاحسن شي بدل القبعه هو القصدير
ما اكثر الخصل لان مو حلو بس اعمل كم خصله صغيره
احط المقادير حسب الاحتياج وكمية وطول الشعر ,, بس اهم شي الخلطه تكون على شكل زبادي مخفوق جيدا يعني مو خفيفه ولا ثخينه
اما اللون فانتي تقدرين تتحكمين فيه كل شويه لازم ترفعي ورق القصدير وتشوفي الى ان تختاري اللون الي وصل له الشعر وعجبك
بعد غسل الشعر من الميش وعصره جيدا استعمل صبغه مكتوب عليها مطفي هذي الصبغه هي الي تعطي اللون الثلجي او البلاتيني للخصل المميشه
احط شويه منها بايدي وافرك به الشعر مثل طريقة وضع البلسم واتركه 5 دقائق واغسله بالشامبو والبلسم , وخلص صار احلى لون ميش
اما الصبغه ففيها ماركات كثيره الي عندي من ويلا انتي بس اسألي صاحبة الصالون او المحل عن المطفي وهما يعرفو بس قولي مطفي بعد الميش
المقادير للخصله الوحده ,,, ملعقة كوب من البودره , ملعقتين كوب ونصف كريم الاوكسجين
عملت الخلطه وحطيتها على خصلة شعر من شعر باربي تقريبا طول الخصله 20 سنتمتر
ان شاء الله تضبط معك
المطفي تحطي منه شويه بين كفيك وتمسحي فيه الخصل اذا كنتي مستخدمه قبعه وساحبه منها الشعر قبل ما تشيلي القبعه وتتركي 5 دقائق وتغسلي تشيلين القبعه وتغسلي كل شعرك
بس اذا تستعملي اوراق القصدير فعادي افتحي ورقة القصدير واغسلي الخصله من الميش و ورقة القصدير تكون موجوده نشفي الخصله بالمنشفه وحطيلها شويه مثل البلسم من صبغة المطفي , وكرري العمليه مع باقي الخصل اتركي 5 دقائق وشيلي ورق القصدير من الخصل وعادي اغسلي كل شعرك ما يأثر على باقي الشعر
الصبغه الي عندي من ويلا ورقمها 2 على صفر بس اعتقد هذي الصبغه تستعمل بس بعد الميش لان لونه يطفي شدة اللون الذهبي والاصفر الفاقع
وفيه كثير منها في اي صالون حلاقه تلقين منها او اي محل لمواد التجميل
خاصتا وانتي في دوله عربيه لان قبل كنت اجيب من الدول العربيه
وفي انتظار ردك ونتايج التجربة