بنات الي خبيره بماليزيا وتايلند فقط تدخل ابي منها استفسارات واكون لها شاكره 2024.

السلام عليكم ورحمة الله وبركاته….

1- توقيت سفرتي بعيد الفطر مناسب او بيكون هدوء ومافي اي فعاليات مثل الصيف؟

2- هل فعلا يقولون تايلند غير امنه كلها سرقات وبلاوي..؟؟

3 ابي افخم ااسواق بالبلدين اقصد الماركات العالميه مثل شانيل ولويس وغيرهم ابي الي يبيعون البضاعه الاصليه مو التقليد….؟؟؟

وش تنصحوني اروح بهالبلدين واتسوق شي مو موجود ونادر وحلو…؟؟

وش احلى شي للاطفال من تماشي بس يكون مكان مؤدب خخخخخخخخخخخخخخخ؟؟؟

4-هل فعلا في جزر كل منتجع فيها بعيد عن الثاني عشان نفسي اخذ راحتي وافك العبايه واسبح خخخخخخخخخخخخخخخخخخخخخخخخخخخخخخخخخخخخخخخخخ؟؟

5-كم كلفت السفره لمدة كم يوم كل وحده فيكم والى اي الدولتين؟؟؟

اممممممممممممممممممممممممممممممممم ايش كمان

نسيت بس بردودكم بتذكر واتمنى تتفاعلون معي ولكم جزيل الشكر والدعاء بظهر الغيب من اختكم بدر البدور بهالليالي الفضيله…

صح واهم شي من ايش تحذروني…؟؟؟

انا رحت ماليزيا وبخبرج عن احسن الاسواق حسب الترتيب:
1- ميجا مول(mega mall)
2- sogoللأقمشة
3- time squer
واحلى جزيرة بيننج وفيها سوق الليل (كلة تقليد مركات)
واذا تبين سؤال ..تفضلي

حبيبتى ان شالله البنات ما يقصروا يا قلبى وحبيبتى ياسمين 88 ماقصرت جزاها الله كل الخيـــــر

حياتى موضوعك نقلته فى ركن انت تسأل ونحن نجيب

تحياتى لكــــى وبالتوفيـق

انا رحت ماليزيا الصيفيه اللي راحت يعني قبل كم شهر واخذت معلومات بالمره مهمه من النت مثل الاماكن السياحيه والاسواق والمزارات والحدائق والمدن الجميله ونصائح مهمه واسعار الفنادق والاهم ارقام سائقين وان شاء الله ارسلها لكي على الخاص
ولاتنسي دعواتك لي بالتوفيق
وان شاء الله تنبسطي في رحلتك
وبالتوفيق

حالي مثل حال الاخت بدر البدور
اريد المساعدة كذلك

مشكورين مقدما

انا توني راجعة من تايلند ماصار لي اسبوع

بس كتبت ردي وانمسح كلــــــــــــــــــــــــــــه فانقهرت بكتب لك بعدين
انصحك تشوفي موضوع الاخت الغالية عن تايلند روعة
ونصيحة ثانية
روحي تايلند قبل لا يدلوها الناس حالها حال ماليزيا وتصير بايخة … للحين السعوديين فيها مو كثير والوقت اللي بتروحي فيه فرصة
بتكلم لك بس عن الاسواق وبعدين برجع اكمل والله قهر كتبت وانمسح كل شي

في بانكوك عندهم مجمعات كثيرة خاصة بالماركات الاصلية مو تقليد وماركات صعب نلاقيها هنا
عندك سيام براغون
غيزرون
ايروين
سنترال وورلد
وسنترال
هذي بتلاقي فيها كل الماركات حالها حال المحلات الاوروبية مو مثلنا محل صغير وفيه عينة من الماركات
شانيل وديور ولويس فيتون وغوتشي وبرادا وكوتش ودولتشي آند غبانا وفيرزاتشي وغيرها

وفيه مجمعات عادية بس فيها محلات حلوة وماركات مو عندنا برجع اكتب لك عن الجزر والاماكن الترفيهيةوالاسواق بالتفصيل بعدين
ولو قدرت بنزل موضوعي عن رحلتي لتايلند بالصور ان شاء الله اقدر في وقت قريب

وكل عام وانتم بخير

انا رحت البلدين ..

رحت تايلاند بشهر 3 .. شنو كان حرررررررررررر .. بس ما فيه خليجيين ..

والمناسبة اللي صادفناها مظاهرات بالشوارع على الضرايب .. خخخخخخخخ خوش احتفال ..

بسالمحلات الماركات الاصلية مثل ماذكرو البنات ..

بس الساعات تقليد درجة اولة عندفريدة علي .. صدق درجة اولى .. لليوم ما طاح ولافص منها ..

وتجيج حبكة الفصوص مطفية وصغيرة مرة .. تقولين اصلية ..

المهم .. احذرج .. من شي
تحملي تكاسرين بالسعر والا تتحلطمين بصوت واطي عند اللي يبيعون بالارصفة ..

تعرضنا لموقف كان بيودونا بداهية .. لانا انا كنت اكاسر بالسعر الا اخوي يقول تحسبينهم مثل الهنود يعطونج بالسعر اللي تبين .. وضحكنا .. ؟؟

قام استلعن وصرخ ويبي يمد يده .. على اخوي .. وقال غصب تشترون .. قلنا له باجر قال لا ..

وبس الله ستر اخوي فهمه واعتذر منه .. انه ما قال شي ..

بعد احذرج اذا مريتي حذا كلب .. تحممممممممممممممممممملي تركضين والا تصرخين ..

والا بيصير لج عقدة نفسية ..مثلي .. مرتين ركضو وراي كلاب بغو ينتفوني قطعة قطعة ..

مرة من لقافتي قلت للمرشدة ابي ادش معبدكم ؟؟ كله ذهب في ذهب ..قلت باصور ..

بس دخلنا على طول سوت الحركة مالت الاصنام يعني تحط يديها تحت ذقنها وتنزل راسها ..
وتطالعني تبيني اسوي ما عطتها سالفة طنشت ..

المهم خطوتين .. وبنلف على باب المعبد لان داخلينه من ورا .. الا ابي اتفلسف .. وادعيها وافهمها ..
لانها طيوبة وممكن تتقبل الكلام ..

قلت لاكي ( هذا اسمها )شو قدم لج بوذا عشان تعبدينه ؟؟؟ شو عطاج ؟؟

ما كملت جملتي والا الكلاب تنبح وتركض وراي .. وسحبتني على مدخل المعبد .. ومسكت مخمة طويلة .. وتهش عليهم .. وتنادي باخر صوتها . وانا اقرا اية الكرسي واتعوذ من الشيطان ..
واقرا السور .. ما قرب منا بس تم واقف بعيد وينبح شوي
لين جا الحارس وخذاه .. وانا بعالم ثاني من الرعب عمري ما خفت بهالشكل ..اففففففف

المه ركضت تقوللي شوي شوي لا تركضين .. عشان ما يركضون وراج ؟؟

الا كملنا ورحنا السنترال بارك مجمع بشانغ ماي . وانا للحين بخاطري السوال .. اش قدم لج بوذا عشان تعبدينه .؟؟

قالت بوذا هو اللي مسك عنج الكلاب لا يعضونج …يعني طلعت بنتيجة عكسية .. امنت فيه اكثر ..

المهم بعد باقول موقف ثاني ..
طلعت اخر يوم لنا الصبح للسوق مشي كنا ساكنين امباسادور قريب على الاسواق ..

نزلت بروحي وخواتي واخوي وريلي نا يمين .. الساعة 6 .. وطبعا بالعباية السود ا .. مريت الشارع والا ذاك الكلب .. اللي لمحني بلبسي الغريب ..وعطاني نظرة .. كملت .. وانا ابين له انيخايفة .. من حاول يقرب ..
ارررررررررركض لاقرب طاولة.. ورا ظهر ريال تايلاندي ..<<< ما حسيت من الخوف .. خخخ

والكلب ينبح عند ريولي .. يبي يقطعني .. وانا اصارخ .. واتعلق بالريال طيحت الميانة .. خخخخخ استغفر الله ربي العظيم ..

بس جات صاحبته .. ومسكته وانا كملت .. الطريق طيران مو ركض الا طيران ..

ومشيت مسافة والا بالردة .. قربت من مكان الكلب .. مريت ورا الزرع اللي على الرصيف عشان ما يلاحظني ..بس والله من لمحني نبح وركض وانا .. اصارخ .. اكس يوز مي .. اكسيوزمي ..

ومن جات صاحبته … وركيض .. طيران على الندق بظهر زوجي من الخوف والروع .. والتعب والركيض …

بارجع مرة ثانية .. عن ماليزيا ..

اسمحي لي ضحكتيني اختي مشتاقة لقطر
بس تصدقين انا لاحظت مثلك عندهم كلاب كثيرة مثل الاجانب وين ما تمشين كلاب وانتي بكرامة
اكبر غلط انك تطالعين في الكلب في عيونه لانه يعتبر ان هذا تحدي ويمكن يهجم عليك
والركض بعد غلط خليك ماشية بكل ثقة

ويمكن لفته العباية … انا خوفوني من البياعين اللي برة المحلات وانهم ما يحبون المكاسر
جربت وقفت مرتين عندهم وكانوا مثل العسل
اللي يقول you are so beautiful واللي ينكت خاصة الحريم مرة حبوبات وطيبين .. والمكاسرة عادية جدا خاصة منهم اصلا لو سألتي عن شي ومشيتي هم بيقولون لك
انتي تبيه بكم

واحد اهم النصايح للي بيسافرون تايلند .. واللي ناوي يشوف معابدهم ترى موتهم واحد يتكلم او يسخر على البوذا حقهم
صار لنا موقف بس مو سخرية وزعل علينا حارس المكان
الحمدلله والشكر صنم ومسوين له حساب

كنت لابسة جزمة رياضية وانتي بكرامة … ويوم جينا ندخل لازم نفصخ انا عاد فصخت الجزمة وخليت الجوارب طلع المكان مبلل
خلاص ديني ودين البلل مااطيق قمت شريت لي نعال خفيف مرة من المحلات اللي جنب المعبد بما اني كنت ادور اصلا شي خفيف للتمشية على البحر
وزوجي سوا مثلي
حطينا جزمنا في الكيس ولبسنا النعل
يوم جينا ندخل بيت البوذا ماادري خرابيطه … تركنا النعال برة ودخلنا الا الحارس ورنا لان شايلين الجزم في كيس وحاملينه في يدنا داخل البيت
بسم الله والشكر
خير ان شاء الله … هذا وهو صنم لا يحس ولا يسمع
بس يكرهون احد يتكلم عنه او يأشر عليه او حتى يصوره
تشوفينهم يمشون في الشارع واذا مروا عند تمثال وقفوا سوا حركتهم المشهورة ومشوا
وش هالعبادة

بس حلو الواحد يشوف هالاشياء عشان يعرف قيمة دينه

انا استمتعت بكل دقيقة في تاينلد وناوية اكررها بعد

الا خت ملاااك ماقصرت والبرنامج مررره حلو وماليزيا احلى تروووحين وترجعين بالسلامه