بنات ساعدوني انا تعبت نفسيا من الرجيمات لي الف سنه اسوي رجيم وما ضعفت :confused:
والاكثر من كل ها بنات عايلتنا كلهم منيكانات 🙁 انا الوحيده الدبه اللي بينهم
يعني تتخيلون اذا التمينا او اجتمعنا كل كلامهم عن الضعف والجسم .. ولا .. وفوق كل ها اتكون الوحده فيهم طولها 166 تقريبا ووزنها 55 واتقول متينه تبا تضعف
والله صارت نفسيتي زفت .. ما احب التم وياهم ولا اطلع اشتري وياهم اي شي .. وبيني وبين نفسي صرت احسدهم لانهم ضعاف
كم حاولت اضعف بس ماشي فايده كلها كمن اسبوع ويرد وزني يزداد اكثر عن قبل وما قدرت كل اللي اصغر عني واكبر عني ضعاف 🙁
ساعدوني ابا اضعففففففففففففف :confused: :confused:
لا تزعلين ولا تاخذين على خاطرج ,, ولا اتمين حزينه لانج بتتعبين نفسيا وهالشي بيخليج تاكلين اكثر واكثر ,,,
ان شاء الله بتضعفين ,,, والله يوفقج ,,
حبيبتي ,,, الغاليه اهم شي العزيمه والاراده والتوكل على الله ,,,
عزيزتي انا يبالي اضعف 20 كيلو ,,, نقصت الخمس قبل رمضان ,,, واول ما بديت رمضان وزنت عمري وكتبته في ورقه ,,, وتوكلت على الله وبديت ,,, حبيبتي ,,, اتمنى انج اتسوين اللي انا اسويه او ممكن اتغيرين ,,,
الغاليه ,,, فطوري عباره عن ثلاث تمرات ولبن ,, وطبعا اي نوع من انواع اللبن ,,,
وعقبها اسير اصلي واقرا قران وبعدين ايلس مع الاهل الين صلاة العشاء واسير التراويح وعقبها ارد البيت او ازور حد من الاهل ,, واكلي يكون عباره عن سلطة فواكه بقدر ماتبين ,,, او سلطه خضراء ,, وسير اقرا قران وادعي ,, وبعدين ايلس مع الاهل اشوي ’’ عقب اسير امشي على الة المشي ,, نص ساعه او ساعه ,, وعقبها اخذ شاور وارقد ,,, والله ,,, لو اتبعتي هالشي بالظبط ان شاء الله بتنقصين ,,, انا الصراحه اتبعت هالنظام ولا تنسين تكثرين من الماي ,,,,
بقالي بس عشر كيلو ,, وان شاء الله بستمر واخسرهم ,,,
حبيبتي انتي حلوه لا تزعلين عمرج ,,, وصدقيني الله ان شاء الله بيوفقج وبيساعدج
السموووحه
حاولي تخففين من الاكل والله وياج.
reemo_002
مشكوره ع التواجد والكتاب
انا نزلته وان شاءالله بقراه
عيون وساع
مشكوره الغاليه ع الرد والتواجد والمسانده
قصايد بوظبي
مشكوره غناتي .. وبسير ع نصيحتج ان شاءالله
والله يعطيج الصحه والعافيه يا رب
ردج ومساندتج ريحوني .
تسلمين الغاليه