الليلة ذكرى زواجي
ما تتخيلون شصار
قلت راح اسوي حق زوجي حركة رومانسية افاجئه فيها
المهم دخلت على موضوع للاخت ( مملكة القلوب) واخذت منها فكرة وايد بسيطة وحلوة وقلت راح اطبقها
هذي الفكرة هي عبارة عن اني اكتب رسالة صغيرة حق زوجي واخليها في مقبض الباب
انا سويت هذي الرسالة وخليتها في مقبض الباب من برا
والليلة تصادف ان زوجي سهران مع اخوي الكبير بره البيت جايين ربعهم من برا البحرين
اول ما جوا كان اخوي سابق زوجي يبي يفتح الباب فاتفاجيء بالرسالة وكان زوجي وراه مباشرة
النكتة وين ؟؟؟ :dd: :dd: :dd: :dd:
هم اثنين تفاجئوا بالرسالة اللي كنت انا مسويتها اصلا بالكمبيوتر ومخليتها بالباب
:dd: :dd: :dd: :dd:
شالوا الرسالة وشردوا
انا تفاجئت قلت وين راحوا؟ انا كنت اسمع صوتهم من داخل وهم عند الباب فوين راحوا
قلت ما راح اطلع وانتظر
شوي الا هم جايين وزوجي واخوي حدهم متبهذلين
يقول لي زوجي: شوفي حبيبتي انا ما ادري من اللي حاطة لي هذي الرسالة عند الباب
هني ما قدرت اتمالك نفسي ومت من الضحك
ففهموا ان انا اللي حاطة الرسالة
بس صراحة ما توقعت ان ردة فعلهم راح تكون بهالطريقة
ما توقعت بيشيلون الرسالة ويشردون
لا وزوجي كان جايب لي وردة وعطر وبعد ما شاف هالحركة نسى يعطيني اياهم
شرايكم بنات؟؟
صراحة ردة الفعل كانت فظييييييييييييييييعة
يالله شهالموقف المحرج لو انا مكانك ماكنت اعرف شقول
شكرا حبيبتي
صدقيني انت لو شفتي اشكالهم ما كنت بتحتاجين تقولين شي لانج على طول راح تضحكين
وين بقية الردود صراحة وايد زعلتوني معقولة 47 قراءة ولا رد واحد
حتى لو ما عجبكم اللي صار خبروني
على العموم ما قصرتوا
بصراحه تضحك
أكيد أخوك طاح بزوجك ضرب
و الله مسكين ههههههههههههههههه
ضحكت من قلبي
اححس قمة الاحرررراااااااااج بس ياترى وين شردوا ؟؟؟ ههههههههه
مره 2 تأكدي ان زوووجج هو اللي يرجع برووحه
الله يخليكم لبعض (العمر كلللللله إن شاء الله)
بصراحة ما فهمت يا اختي وين شردوا ؟؟!! يعني خافوا ويله راحوا يقابلوا حد ؟؟؟!!! شو صار بالضبط؟؟ وشو كتبتي فالرسالة علشان يصير هيك ؟؟؟
ههههههههههههههههههههه
من جد موقف لاتحسدين عليه ,,
يمكن ما كانت غرامية صح
اختي سوسو لما سالت زوجي وين رحتوا تخيلي شقال؟ يقول: وقفنا في الشارع نبي نطلع طريقة نفاتحج في موضوع الرسالة، واحلف لج اني ما اعرف من اللي رسلتها
وحبيت اطلع صورة الرسالة بس ما طلعت
على العموم كنت كاتبة فيها:
احترت في هديتي
ولكني اخيرا
قررت ان اهديك هذه الوردة
لانها نقية وطاهرة
وجميلة مثلك تماما
كل عام وانت حبيبي
18-11-2006
والبطاقة كانت من تصميمي بس حجمها كبير وما نزلت