ياليت تساعدوني وتقولون لي ايش اعمل في النظره الشرعيه يعني ايش البس
وهل الدخول يكون بحجاب ولا كيف
اضع المكياج ولا هذا يعتبر من الغش
واذا دخلت اقدم شي اطلع على طول ولا اجلس ؟؟؟
واذا جلست هل يحق لي اكلمه قصدي ارد عليه اذا سألني
طيب ايش المفروض البس المستحسن يعني عشان ماياخذ عني فكره كذا ولا كذا
اللي جربت ياليت تقول لنا عن تجربتها
ومشكورين انتظر ردكم لاتخلوني
انا من اسبوعين بالضبط مريت بهالموقف .. وشفت بو الشباب وشافني :shy:
وكان هذا شرط انا شرطته قبل لا يستوي اي شي رسمي
علشان نكون نحن الطرفين مقتنعين ببعض
بس بصراحه ندمت لووووووول
هذا اصعب موقف ممكن تمرين فيه
انا كنت متوقعه إنه الأمر بسيط
لأنه الحينه اصبح من السهل نشوف ونتعامل مع الرياييل
سواءاً في الدراسه أو العمل وتوقعت الامر هيّن
لكن هذا الموقف شيء يختلف تماماً ..
تحسين حيا الدنيا كله نزل عليج وقتها
بس اهم شي بقولج اياه إنج تكونين على طبيعتج
وإذا بتحطين ميك آب حطي شي خفيف علشان يشوف شكلج الطبيعي
ولا تستعيلين لأنه عقب إذا الله كتب لج نصيب وياه بتقدرين تكشخين له على كيف كيفج
وافضل ادشين بحجابج لأنه سبحان الله
يمكن الله مايكتب لج نصيب وياه فما يجوز يشوفج بدون حجابظ
والبسي بدله بسيطه وساتره وألوانها فاتحه .. لأنه الألوان الفاتحه تنعكس عالوجه وتنوّره
وإذا اهلج يسمحون إنج تجلسين معاه .. اجلسي بس نصيحه لا تطولين
وإذ سألج او كلمج جاوبي ولا تترددين
والله يوفقج ويكتب لج الخير إن شاء الله
وإن صار لج نصيب وياه .. بشرينا
(f)
أختي بكبك
لازم تكوني لابسه العباية والشيله وما يظهر الا ويهج ويدينج فقط
لانه الريال بعده غريب ويحرم عليج يمكن لا سمح الله ما يصير نصيب
ولا تحطين مكياج حطي بس كحل خلج على طبيعج أفضل
وعادي يحق لج تردين عليه اذا سأل وتناقشينه
والله يتمملج على خير إن شاء الله
ويوفقج لما يحبه ويرضاه
أختج الدانــــــــه
يا ناااااااااااااااس يجوز لها تطلع امامه بلباسها امام المحارم
يعني وجهها وشعرها ويدينها وقدميها تكون طالعه!!
اجل وش الفايده اذا دخلت بالعبايه؟؟كيف يقدر يشوفها؟؟؟
بصراحه موقف وايد صعب .. تحسين انج بتمموتين من المستحا .. بس ان شاء الله يتمم على خير ..
البسى جلبابك و حجابك و متحطيش مكياج خالص و ربنا يوفقك
 |
اقتباس |  |
 |
المشاركة الأساسية كتبها fantastic_girl |  |
 |
| وشو له العبايه والشيله؟؟؟ يا ناااااااااااااااس يجوز لها تطلع امامه بلباسها امام المحارم يعني وجهها وشعرها ويدينها وقدميها تكون طالعه!! اجل وش الفايده اذا دخلت بالعبايه؟؟كيف يقدر يشوفها؟؟؟ |
||
 |
 |
:clap: :clap: :clap:
|
اقتباس | |
|
المشاركة الأساسية كتبها fantastic_girl | |
|
| وشو له العبايه والشيله؟؟؟ يا ناااااااااااااااس يجوز لها تطلع امامه بلباسها امام المحارم يعني وجهها وشعرها ويدينها وقدميها تكون طالعه!! اجل وش الفايده اذا دخلت بالعبايه؟؟كيف يقدر يشوفها؟؟؟ |
||
|
|
ايه يا حبيبتى هو لسا متجوزهاش و بعدين اذا ربنا موفقهمش هيكون شافها كدا
يعنى تخيلى واحدة تقدملها 10 او 20 عريس و كلهم شافوها
حرام انك تخلعى حجابك لانه مش من محارمك:angry: