بنات حد جرب السدر؟ + دمج موضوع شوفوا السدر .يا سلام البشرة كرستال واللة 2024.

اهلين بنات..

كيف الحاااااااااااااااااااااااااااااال..

انا بغيت اسال اذا في وحده منكم جربت ورق السدر..

انا سمعت انه وايد زين للجسم.. ينعم ويفتح..

اذا وحده منكن جربته تفيدنا.

هلا والله بااسيرة الامل

السدر يمدحونه

اي والله عزيزتي ، انا جربت السدر وأمدحه وأنصحج أنج تجربينه ، وإذا تبين تعرفين الطريقة أنا بقولج … شوفي أشتري السدر المطحون وتلقينه عند الحواج أو العطار اللي يبيع الأدويه الشعبيه بس أنصحج لما تشترينه يكون ناعم ولازم تتأكدين أنه نظيف وخالي من الإسمنت لأن بعضهم يضيفون له الإسمنت علشان يزيدون من وزنه ، عاد انتي روحي للعطار الزين .. بس خذي كمية صغيرة أو قد شعرج وجسمج وأخلطي معه قليل من الماء حتى يتماسك ويصبح كالعجينه وأتركيه ينقع لمدة نصف ساعه أو ساعه حسب الوقت اللي متوفر لج ، وبعدين لما تغسلين شعرج بالماي أخذي قليل من السدر وأفركيه بشعرج لين تحسين أنه صار مثل الرغوه ، وبعدين أغسليه زين بس لاتستخدمين الشامبو وراح تحسين بالنعومه … أي على فكره ماقتلج نخلي السدر بالمنخل قبل لاتخلطينه بالماي علشان يصير ناعم أكثر وأكثر .. وبنفس الطريقة للجسم أفركيه على جسمك زين وبعدين أغسليه وبيصير جسمك ناااعم وفي بعضهم يضيفون لخلطة السدر حنا علشان تعطيهم اللون البرونزي بس عن نفسي ماقط ولا مره جربتها ..

أتمنى أني أفدتج وجربي ماراح تخسرين ..،

السلام عليكم ورحمة الله وبركاته

حبيبتي انا والله العظيم مجربة السدر وهو فعلا رائع ومنظف ممتاز للبشرة والشعر وزمان كانوا يغتسلون فيه لأنه ماكان عندهم صابون

والطريقة انك تستعملينه لوجهك مثل القناع وزيليه بالفرك ثم بالماء البارد ثم ماء الورد.

انصحك فيه وانصح كل من يقرا الموضوع ..

انا جربته للشعر ونفعني وايد ..اما من ناحية فايدته للجسم اسمع انه ينعم وزين للبشره والله اعلم

سؤال

بنات نستعمل لوجه ونخليه لفترة طويلة لما يجف؟؟

وبعدين نغسله

انا سمعت انهم يستعملونه بدال الصابون

الله يعطيك العافية شجون على هذه المعلومةالقيمة
والله عندي سدر من زمان واصلي ولا استخدمه من بكرة بجربه

يعطيكن العافيه خواتي على مروركن

وشكرا اختي شجون على الوصفه.. الله يعطيج العافيه.. افدتيني وافدتي الاخوات

:clap:

يا بنات….انا عندي سؤال
سمعت من صديقتي ان السدر يساعد على نمو الشعر فهل لاحظتوا هالشي على وجهكم….او جسمكم…:eek2: