السلام عليكم يا أمورات
طلبتكم ….
هذا أنبوب المكيف … مخرب شكل المكان وايد …. أبغى أفكار علشان أخبيه غير الصبغ ..؟؟
أبداً شكله مو شي ….
هذي صورتين للمكان عندي …
معلش على قد المقام …
هذي صورة الزاوية كاملة
وهذا المكان اللي أبغى أخفيه
ساعدوني ….. جزاكم الله خيراً ….
تحياتي
انا فهمت مشكلتك تقريبا بس ما بقدر اساعدك لان الصور مو طالعة لي وعشان اقدر افكر في شي يناسب ديكورك لازم اشوف الصور
اختي سامراء …. انا شفت الصورة … 🙁 اول مرة تطلع عندي الصور … بصراحة معاج حق شكله كلش غبي ومو حلو … مخرب ديكور صالتج اللي ما شاء الله كلها ذوق ….. قابلت الصورة وقعدت افكر شي الحل …..شي الحل ……؟ تسوين معجون للحائط يمكن تخربين الدنيا وما راح اتعرفين …… المهم اللي طلع معاي : احسن شي انج تحطين رف زغيرون قريب من البوري (البيب) تثبتينه وتحطين عليه نبتة ظل من النوع اللي تارس السوق (نسيت اسمه ) المهم وتمدين اوراق هالنبتة على البيب اللي مشوه الجدار ….. صدقيني راح يخفيه بالمرة ويزيد جمالية المكان نبات الظل المتسلق على الحائط …….. هذا اللي عندي ارجو اكون افدتج ….. وتحياتي لج يا الغالية
او ممكن تحطين اصيص زرع بين القنفتين … لأنها منطقة جامدة او ميتة لأن فاضية ….. والنبتة هني تتسلق على الحائط وتغطي البوري …… وبجذيه ضربتي عصفورين بحجر واحد .
او ممكن تحطين اصيص زرع بين القنفتين … لأنها منطقة جامدة او ميتة لأن فاضية ….. والنبتة هني تتسلق على الحائط وتغطي البوري …… وبجذيه ضربتي عصفورين بحجر واحد .
أختي رومي … مدري ليش الصور ما تطلع عندج …؟؟ بس يا ليت تساعديني انتي كلج ذوق
أختي مساءات الندى انتي روعة وأفكارك روعة
رح أشوف بقية الآراء ….. وبعدين أقرر … بس تصدقي فكرتج جت ببالي ….
مشكوريييييييييييين
السلام عليكم
هلا الغاليه اختي سامراء
بالاول ماشاءالله صالتج حلوه تبارك الرحمن
شوفي الغاليه
تقدرين تحطين الستاره الي تيج على شكل زوليه(الفرش) الي تتعلق بحديدة الستاير
اتييج اشكال واحجام
اخذي ثنتين عسب تحطينهن على جانين المكيف السنترال
منها ديكور جميل للصاله او الميلس ومنها غطيتي المكان
ولا تحاتين لان هالنوع من الستاير اتييج ثابته وما تتحرك لانها تكون مثبته بالحديده وماشي مجال انج تحركينها
اتمنى انج فهمتي الي اقصده
المشكله ان ما عندي صور
اتمنى اني قدرت افيدج
اختج في الله
ام خليفه
هلا الغاليه اختي سامراء
بالاول ماشاءالله صالتج حلوه تبارك الرحمن
شوفي الغاليه
تقدرين تحطين الستاره الي تيج على شكل زوليه(الفرش) الي تتعلق بحديدة الستاير
اتييج اشكال واحجام
اخذي ثنتين عسب تحطينهن على جانين المكيف السنترال
منها ديكور جميل للصاله او الميلس ومنها غطيتي المكان
ولا تحاتين لان هالنوع من الستاير اتييج ثابته وما تتحرك لانها تكون مثبته بالحديده وماشي مجال انج تحركينها
اتمنى انج فهمتي الي اقصده
المشكله ان ما عندي صور
اتمنى اني قدرت افيدج
اختج في الله
ام خليفه
هلا حبيبتي أم خليفة
هذا من ذوقج العسل يا عسل ….
حبيبتي يا ريت لو فيه صور … لأني ما فهمت قصدج يا الغالية … رح أحاول أقرا الرد كم مرة يمكن أفهم …. >>>>> معلش عقلي مسطل من الصيام
مشكورة على العموم … ولا تنسي تدعي لنا في مثل هالايام
في نوع من البلاستك يستخدمونه في تغطية الوايرات والاسلاك يجي على شكل بوكس
يمكن تحصلين منه على حجم انبوب المكيف
بعد ما تركبينه وتصبغينه على لون الغرفة لو تستخدمين نبتة زينة متسلقة مثل ما قالت الأخوات وتخلينها بين القنفتين
وتمدينها فوق انبوب المكيف بعد تغطيته
يمكن تحصلين منه على حجم انبوب المكيف
بعد ما تركبينه وتصبغينه على لون الغرفة لو تستخدمين نبتة زينة متسلقة مثل ما قالت الأخوات وتخلينها بين القنفتين
وتمدينها فوق انبوب المكيف بعد تغطيته
ممكن أختي أتجيبي أشجار زينة صناعية وأتحطيها ملتفه حوالين الأنبوب بس أنتبهي ترا هذي كهربة ولا تحطي نباتات حقيقية .