[CENTER]
السلام عليكم ورحمه الله وبركاته
شخباركم يابنات ياعسل
الموضوع باين من عنوانه
انا عرسي ان شاء الله بيكون في نص سبعه وبديت اجهز من الحين بس مثل مااتعرفون الاسعار في الدوحه غاليه وايد واللي بقى من مهري تقريبا 35.000 ريال ومااقدر اشتري كل شي من هنا فقررت اني ان شالله باروح الحسا والخبر وودي افصل فستان العرس هناك واشتري باقي الجهاز
ياريت تدلوني محلات زينه ورخيصه ابي اول شي خياط ومصمم لفستان العرس وياريت تكون اسعاره مقبوله وابغي محلات للعبايات والشيلات موديلات حلوه وجديده طبعا" على الكتف
ومحلات للقمصان والبدلات الكشخه للطلعه والمناسبات (ياريت محلات تبيع للدبدوبات امثالي)
ومحلات مفارش(ملاحف) وجواتي (الله يعزكم) وشنط وقطع (خام) للفساتين.. وقمصان النوم
وكل شي اتحسون انه بيساعدني
انتظر ردودكم بفارغ الصبر لأني ناويه اسافر قبل نص خمسه
ويابنات الدوحه اذا تدلون مصمم لفستان العرس في قطر بسعر مقبول لاتبخلون علي
اختكم
بنت قطر
اما مو من خبر
بس شو اقول حشورة
الله يوفقك ويسهل عليك
حتى انا عرسي شهر 7 وعلى خير ان شاء الله
وشوفي الخبر موووووووول محلات الأقمشة وسأليهم عن الخياطيييين الزينين
وفي الجمعة سنتر ثياب على كيف كيفك
ومبروك ياعروسه
تحياتي
مرايم السعودية
اول شى اذا بغيتى قماش حلو عندك الخبر مول
والحياة بلاز
اقمشتهم حلو واسعارها معقوله
اذا تبين مقسات كبيره عندك محل DOROTHY PERKINS
هذاتلاقينه فى مجمع الراشد تحصلين عنده مقسات كبيره
وزى ماقالت مها الاموره فى السويكت وشارع الخياطين تحصلين مصصمين هناك الاسعار متفاوته
ملابس داخليه عندك لاسنزا ونعومى
جواتى عنك ميانو وناين ويست او شارع الحب فى الدماما تلاقين جزم اسعارها حلوه
والعبيات عندك محل امين للعبيات تلاقينه فى الحسا
او بو كنان وبدون اسم
ملاحف وديبجات عندك قصر الدانه فى الحسا او فى الدمام
وفى قصر المهند فى سوق الهفوف
طولت عليك هذا الى فى بالى
انا حابه اساعدج رفيجتي مفصله فستانها وللاسف الله ماكتب انها تتزوج
وهي مليانه وفستانها حلووو بصراحه وفيه شغل بس بتبيعه بسعر اقل من اللي مفصلته
وعلى فكره هي مفصلته في الامارات وتعبت وايد وهي رايحه وجايه بين قطر والامارات وسعره 12 الف
راسليني عالخاص وانا من رايي تشوفينه واذا اعجبج تشترينه وانشالله بتراعيج بالسعر واذا اعجبج بحاول معاها تنزل لج نص السعر
لان قلبها معورها عليه وعلى فكره مو ملبوس ابدا
مشكووووووووووورين على ردوودكم
وان شالله نخدمكم في الافراح
ياريت تساعدوني شوي زياده وتعطوني اسامي محلات واماكنهم
ووين الدمام بعيده عن الخبر والحسا
… لأني ماعمري رحتها بس رحت الخبر والحسا
وعمري قطر … انا جايه لج على الخاص …
بس انا حبيت اسال اذا حد يعرف حريم او محلات ياجرون فساتين و باسعار حلوة.. لاني عندي عروس جريييييييييييب و ما فصلت فساتين..
حبايبي اللي يعرفون طرشولي ارقامهم على الخاص او دلوني عليهم
و الله يعطيكم الف عافية