بنات انا بدخل في الموضوع مباشره بدون مقدمات
مثل ما شفتوا بالعنوان ،، عمركم فكرتوا تسون عمليه تجميليه لجسمكم 
؟
يعني المتزوجات ويابوا اطفال عقب الولاده
الترهلات اللى في البطن
وعقب الرضاعه ترهل الصدر
قط فكرتوا تروحون تشدون الترهلات هذه ؟سواء كان في منطقه الصدر او البطن 
؟
بنات انا افكر اسوى شد حق بطني ..
لما اقول حق احد يقولون لي لا شلج وتجيبين لروحج الامراض و و و
ولما اقول بعدل شوي صدري مو حابته جدي يقولون لاااااااااا شلج وتجيبين الامراض لروحج 
يعني فيها شي لما نهتم بنفسنا ،، على الاقل احنا راح نتجمل لازواجنا
يعني انا جبت ولدي الله يحفظه عمري 20 وبنتي وانا 21 وبطني ترهل جني وحده عجوز لان ضعيفه وكان ما فيني كرش نهائيا مسحه الحين 5 سنين وانا بهالحاله شفت روحي عجوز ومترهله وحالتي حاله وانا بعدي في عز شبابي 
مادري بنات شوروا علي انا تفكيري غلط ؟ ولا الناس تبالغ ، ولا العالم مو حابه تجمل نفسها :badly:
مادري الموضوع يناسب هالقسم او لا خليته لان لقيت القسم هذا يتكلم عن العنايه بالجسم والبشره
بنات انتظر آرائكم …
الله انا احيي بنت خالتج على جرئتها وحصرها على جسمها وتألقها
تألمت بس النتيجه كانت مرضيه لان هذا تعزيز للنفسيه والوحده راح تحس بثقه من جديد
عدا ذلك اختي موودي الوحده تكون في هالحاله تجدد وتخلي زوجها يشوفها على طول حلوه وجسمها روعه وما يخليه ينتقدها ابدا :badly:
بالتوفيق يااارب
والله انا مستغربه منك اختي صابرة هلسنين وجسمك وبطنك مترهل كيف اتحملتي.
بعدين جدا سهل شد البطن بعد الولاده من غير عمليات والم
بتقولي كيف بقولك الرياضه لو عملتي يوميا رياضه نصفه ساعه وركزتي على تمارين البطن كان الحين بطنك مشدود وما احتجتي تفكري بعمليات التجميل
واذا مو حابه تسوي رياضه ممكن تسوي شد بطن في مركز تجميل عن طريق جهاز يسخدمونه عندهم اسمه زيرونا وفيه اجهزة غير كثير كم جلسه وانتي خالصه واذا تبين برنامج رياضي وكريمات للبطن راسليني على الخاص لاني ما ارد للمواضيع مره ثانيه.