انه دايما اكون في المنتدة واتابع بصمت بس هالمرة اضطريييت اني اطلب طلب واتمنى ان متردووني حتى لو من خواتي بره قطر بس لأن عمتي بتيي البحرين عقب اسبوعين واهي عايشة هناك>>>>>طلبي وخلصينه:qaq:
انزين انه ابي اشتري ميك اب من يديد يعني ابتدي من الصفر لأن ابي ارتب كل اغراضي من البدايةوفي بالي اخذ من كريولاين وبن ناااي وسمعت ان موجود في قطر في مركز البستان وبشارع السد اذا صح خبرروني اوكي واذا غلط بعد علموني الصح..
بس مشكلتي ماعرف درجات او اسماء الآي شدوو والستك وكونسيلر وكل شي كلشي وهالسوالف كلها فياريت اذا تحسون ان في اشيا حلوة ماعليكم امر ياريت تحطون لي اسماء وارقامهم بالضبط واذا في صور بعد يكون احسن واحسن عشان اطرش لها ايميل,,
وخاطري بعد فونديشين ثقيل حق الأعراس والمناسبات بس ماعرف شنو درجتي من هالماركات..انه باقولكم وانتوا قولو اذا في درج نفسها
استعمل جيرلان الفونديشن 523 لأني حنطية مايله الى البياض بس اخاف اتوهق بس ياريت تحاولوون يا بنات بلييييز
وياريت بالصور واللي ترد علي الله يوفقها يارب ويعطيها اللي في بالها ويرزقها من واسع ابوابه قولووو امييين..والله لايحرمني منكم:shy:
مرحبا فيج اختي وياليت دوم تشاركينا في المنتدى
اول شي بغيت اخبرج عن ماركه بن ناي
كثير من الخوات وفي اكثر من منتدى حذرونا منها وانها ماركه مسرطنه يادافع البلاء
فالافضل انج تبتعدين عنها دام ان حولها شكوك .
بالنسبه لماركه كريولاين
هالماركه حلوه و اسعارها مناسبه بس للاسف ماعندي صور لها
بس هالماركه موجوده في البحرين في مجمع الدانه في محل كريولاين
راح احاول ابحث لج انشاء الله لاني الصراحه ماستخدمتها بس اسمع مدح البنات لها .
لي رجعه انشاء الله
واتمنى من كل البنات الي عندهم خبره في هالماركه يساعدونج
اسمحيلي على القصور
عاشقه الدوحه
:gum:هالماركه حلوه و اسعارها مناسبه طبعا هي متوفره عندي
بس في قطر ما اعرف بالضبط وين و ما اعرف حتى الاسعار
بالنسبه لكرولاين
فهي موجوده في مركز البستان في شارع السد عن صالون قنطار
انا ماجربت من عندهم الا الجليتر والشدو المائي
الجلتر اللي اخذته لونه اسود وواحد لونه ذهبي والصراحه ثابتين لما تبللين الفرشه بالماي
والشدو مائي ولونه ثابت بس لما تحطين فوقه لون ثاني بودر ممكن يعتفس
انا اقولج عن تجربتي
ولو تبين تاخذين شدو مائي المفروض تكونين شطوره في دمج المائي وتعرفين تحكمين فيه
الشدو اسعاره فالستينات والجليتر في الثمانينات انا ماخذتهم من فتره عشان جذي ما اذكر الاسعار
بالنسبه للفاونديشن عندهم الفاونديشن ستيك والكيك اللي هو المائي وايد ثابت على مدح الناس
والصالون نفسه يستخدم مكياج كارولاين وزباينه بالهبل
كذلك استخدمت ارواج كارولاين وهي عباره عن باليته فيها عده الوان من كذا تدرج ووايد عمليه وسعرها فوق الميه
::
بالنسبه لـ بن ناي
فهي تنباع في مركز الاسوار وفي مجمع المانع
انا جربت من عندهم الفاونديشن المائي ( الكيك) وجربت الستيك بعد
استخدم المائي للمناسبات لانه ثقيل وثابت ويغنيني عن الكونسيلر وطبقات الفاونديشن
والستيك استخدمه كونسيلر لان درجته فاتحه وحسيته يثبت الشدو بس ممكن تستخدمينه للوجه لانه بجد ثابت ويغطي العيوب
كلها ,, درجة الكيك 40 ودرجه الستيك بعد 40 سعر الكيك في الميه والاربعين يمكن والستيك 109 ريال
انا اقولج عن الدرجه اللي استخدمها لاني احس لون بشترج نفس لوني
::
سمعت البنات يحذرون من بن ناي انها مسرطنه بس انا ما توقفت عن استخدامها لاني احس مانزل شي رسمي
عن كونها مسرطنه
شدوهات بن ناي ثابته بعد وفيه عندهم الباليتات اللي تختارين الالوان اللي تبينها منها وسمعت ان شدوهات بن ناي
احسن من كارولاين بس للعلم انا ما جربت شدوهاتهم وماعندي فكره عن اسعار الشدوهات
اتمنى تجربتي فادتج
تحياتي لج
لان كريولان ماركة للمكياج السينمائي وتصلح للمناسبات والأعراس
احسها ثقيله وايد للاستخدام اليومي
وعندج ماركة ماك عندهم الوان وايد حلوة وخفيفة وثابته بعد
بالنسبة لدرجات الألوان او الفاونديشن
الأحسن انج تروحين المحل وتجربينهم بنفسج
لان ممكن تاخذين رقم من البنات وما يضبط معاج وتتوهقين
وممكن تشوفين صورة لون ع الشاشة حلو
بس في الواقع تنصدمين منه
يعني الأحسن تشترين بنفسج بعد تجربة
ولا توصين حد يجيب لج شي من بره بدون ما تكونين شايفته وواثقه منه لان الالوان مثل ما قلت لج تختلف في الطبيعة عن الصور
وايد مستانسة انكم مهتمين فيني هالكثر<<<<مسكينه فاقدة حنان
المهم اجوف شيصير معاي وشالله ايسير واخبركم:shy:
تحياتي للجميع
واذا حبيتي تشوفين منتجات بن ناي واسعارهم فهي متوفره عندي واوصل لكل دول الخليج
