خواتي العزيزات
انا جايه قطر 4 ايام
ياريت لو في مساعده عن اهم المراكز التسوقيه
و إذا في سوق الجمله ؟؟
سوق القطع؟؟
سوق لفساتين السهره ؟؟
محلات الحلويات الغريبه ( فقط تتواجد في قطر)؟؟
سوق فيه تفصيل عبي رووعه
و لكم مني دعوه خالصه
و بغيت اعرف شي واحد هل عندكم مهرجان قطر الحين ؟؟؟ ووين مكانه وشو الفعاليات اللي تنصحوني فيها ؟؟
و اتمنى الرد السريع لاني سفري قريب بعد 4 ايام ان شاء الله
بالنسبه للمراكز التسويقيه عندج فيلاجيو واللاندمارك والسيتي سنتر ورويال بلازا وحياة بلازا ..
وسوق القطع عندج سوق الديره وسوق واقف للجمله وهو سوق شعبي يتحصلين
فيه كل شي… والمهرجانات الحين في المجمعات اللي ذكرتهم
هذا اللي يحضرني وانشاءالله البنات يساعدونج
ذا في سوق الجمله ؟؟
ماعندنا سوق للجملة بس انتي حددي شنو الاغراض اللي تبينها وبفيدج بأفضل الاماكن اللي تبيعها بأسعار معقولة
سوق القطع؟؟
الديرة والعسيري
سوق لفساتين السهره ؟؟
عندج المحلات في السيتي محلات في السد ورا رويال بلاز
محلات الحلويات الغريبه ( فقط تتواجد في قطر)؟؟
وايد محلات عندنا بس انتي تبين اشيه تاخذينها معاج الامارات ؟ عندج هيديارد عند اشارات رمادا
سوق فيه تفصيل عبي رووعه
سوق فالح وفي محلات في الديرة
المنتزه
شارع السد المحلات اللي ورا رويال بلاز
و بغيت اعرف شي واحد هل عندكم مهرجان قطر الحين ؟؟؟ ووين مكانه وشو الفعاليات اللي تنصحوني فيها ؟؟
اي حبوبه عندنا مهرجان وكل مجمع في فعاليات
وعندنا معرض في قاعة المعارض وفي فعاليات في القرية التراثية
انا توني راجعه من قطر من اسبوع ورحت السيتي سنتر وفلاجيو وسوق واقف وارض المعارض هالاماكن الي قدرت اروحها …
واتمنى لج رحله سعيده
و مايقصرون الغاليات بنات قطر
و اختي احلام صغيره بالنسبه للحلويات
اي بغيت حلويات غريبه آخذها معاي الإمارات
و في شي مثل الخبز دواري ( مثل الخبز الرقاق عندنا في الإمارات) بس انتوا عندكم ايكون دواري وصغير و ايكون في علبه مربعه شفافه ياريت حد يخبرني عن اسمه ومن وين اشتريه ؟؟؟
ويزاكم الله خير في حياتكم
اريد احجز في فندق 4 أو 5 نجوم يكون قريب الاسواق و الأماكن السياحيه بشو تنصحوني ؟؟
ووين الاقي محلات الدانتيلات في قطر ؟؟
محلات الجلابيات ( اذا في شي مميز ينفع حق سهرات )؟؟
و شكرا للي اتواصل مره ثانيه
واذا تبين حلوى واشياء شعبيه في سوق واقف
الفنادق عندج الشيرتون والماريوت والفورسيزن قراب من السوق والسيتي والمعرض والقرية التراثية ولاندمارك ورويال بلاز والسنتر والاصمخ مول
محلات الدانتيل عندج الرونق في السوق مجابل سوق الديرة
محلات الجلابيات في السيتي
و الحين يالسه اسوي جدول تنظيمي لزيارة قطر و المرور بجميع الامكان اللي خبرتوني عنها ( ان شاء الله)
و الشكر للجميع 