شلونكم يابنات وشاخباركم
حبيت استفسر منكم عن المكياج
صارت لي فتره ادور وحده تمكيجني حق عرس اخوي وللاسف ولا وحده دش مزاجي مكياجها
سمعت عن مجموعه تمكيج لكن ما عجبني مكياجهم حيل مثل شريفه المهندي دينا خوري وصالون مدى وفاديه
مكياجهم عادي بس دورت وحده ترسم عدل ما لقيت سمعت عن فجر الجابر كانوا حاطين مكياجها في المجله وشفته غريب شوي
حبيت استفسر عنها اذا في وحده تمكيجت من قبل عندها او لا لان مكياجها حلو بس خايفه اغامر
مكياج دينا يقولون راح عليه ومدى قالت لي اذا تبين مميز ب 700 ريال وانا مستخسره المبلغ بصراحه
حبيت اعرف شرايكم في مكياج فجر الجابر يعني اتوكل واحجزها ولا لا
وشرايكم في مكياج سعاد البحرينيه وفاديه؟؟!!
انصحوني لاني ضايعه وابي اطلع مميزه في عرس اخوي
سلامي للكل
بصراحه المصاريف إلي فوق اللازم مو زينه تصوري اني حطيت مكياج في صالون عندنا في البحرين ب5 دنانير ووووواااااااااايد حلووو يعني مو مهم السعر الظئيل المهم إلي اتحط المكياج
احنا عندنا في البحرين بنات وووووواااااايد احطون مكياج ماادري اذا عندكم ولا لا
http://www.3roos.com/forums/showthre…5&pagenumber=1
انشالله تحصلين الى تبينه فى هالرابط خاصه بالصفحات الوسطى والاخيره :cool2:
عن نفسى سمعت عن مكياجها بس مامدحوه بس بصراحه ماشفته شوف العين يعنى ماقدر احكم على مكياجها :pain:
تسلمي عالمرور
يعني صج اسعار خياليه بس شنسوي
كلهم جذيه
تحياتي لج
يسلمو عالرابط
بس ياليت لو تفيديني عنها يعني مثلا تقدرين تسالين ولا لا
مشكوره
انا باقول لج .. اذا تبين مكياج حق حفله تنكريه روحي حق فجر الجابر ..
انا شفت مكياجها اليوم في مجلة يا ربييييييييي شنو هالخرابيط .. يخرررررررررع .. اشرف لي احط مكياجي بروحي ..
وبعد جربتها وحده معانا في المنتدى تقول شي فضيع يلوع الجبد .. وعلى ذيه اسلوبها زفت ..
بالنسبه لسعاد البحرينيه عادي صار مكياجها جدا جدا .. وعلى ذيه ممكن تحجزينها وتقول لج اوكي وعقب تطنش عاد حزتها طقي اصبع :cool2: يعني دينا احسن منها بوايد .. وفاديا بعد ..
عندج لينا اللبنانيه .. اللي صالونها اسمه( لينا ) في المرخيه مقابل فتــــــــول على طول في الشارع الثاني .. مكياجها ناعم وحلو انا جربته ..
وووووو نسيت اذا تذكرت باقول لج ..
كل كلامها اللي في المجله كذب لاراحت الكويت ولا فرنسا ولا المانيا على قولتها وسمعت عنها اانها راعية مشاكل تقول كلام وتخربط وايد والدليل مكياجها اللي متخصص لحفلات تنكريه على قولة الخياليه
اسم مكياجها (( كيف تصبحين ساحره في حفل زفافك )) .
عندج بنات توهم طالعين على الساحه صافيه و منى كلهم قطريات مكياجهم حلو ويرسمون على الجسم والويه وروعه شغلهم ويمدحونه بعد .
تحياتي :shy:
انا ماعرفج ولا شفتج لكن انصحج نصيحه لوجه الله تحملي ثم تحملي ثم تحملي تفكرين مجرد التفكير فيها
استغفر الله مكياجها يلوع الجبد انا مجربتها شخصيا والدليل عزيزتي الصور الي في مجلة امس ( هي وهو – جريدة الراية )
والله لامكياجها ولا معاملتها وغير كل هاي استحملي التنفخ الي يجي بويهج والله خاطرج تدزين ويها
تبين بنات مكياجهم حلو وايد بنات بتلقين
عندج ناديا أو الموناليزا أو مها العامر
انا جربت شخصياً الموناليزا وايد حلو وغير جذيه ترسم على الوي والجسم وبعد عبير ترسم اذا تبين
حبيبتي الي قتلج عنهم شغلهم شغل ،، فن وابداع مش خرابيط وصبغ ولطخ تحملي و الله
اذا تحبين بطرشلج رقمهم ، والا جربي حظج معها بس عقبها امانه تعالي وقليلنا تجربتج معاها والدموع اربع اربع في عرس اخوج
اختج فرس الدوحة
و سعرها وسط 200 ريال مع الرموش وانا جربتها ابعدي عن فاديه تراها توهق الوحده وشغلها مال بسرعه
وسعاد
طلعت عروس باهته من ايام فشلون العاديه
و دينا خلاص طاح كرتها
وعبير روووووووووعه
ومها العامر مو لين اهناك[/SIZE]
اول شي جزاكم كلكم خير يابنات بلادي
زين اني ما توهقت وحجزتها والله توقعت انها صاجه وانها فنانه عالعموم اهم شي ماتهورت
شكلي في الاخير بالجأ حق مدى او شوق او عبير
بنات من اللي جرب مكياجهم يعني مو مجرد ان سمع عنهم بس انتوا قصدكم عبير يعني عبير تلفت ولا وحده ثانيه ومن الموناليزا؟؟!!
انتظر ردودكم ومشكورين