مرحبا بنات شورايكم في مكياج هيفاء صفر او عروس الخليج الي في بوظبي او دولي؟؟ منو تقترحون احلى مكياجها للعرايس؟؟
((عقبالكلوحدهانشاءاللهاتكونعروس))
الصراحه .. انا شفت طريقة مكياج كل واحده فيهن …وكلهن يمكيجن حلو .. يعني الواحد يحتار يروح عند منو فيهن .. لانه كل وحده فيهن .. اطلعج .. ملكة جمال بلمساتها .. واستايلها في المكياج ..
باختصار شديد… الواحد ما يقدر يقارن بينهن ..
فلو كنتي عرس .. ولا عندج عرس .. روحي عند اقرب وحده لج ..
مرحبا
انا انصحج مكياج هيفا لانه روووووووووووووعه لين الحين انا شفت ثلاث عرايس رايحين عندها خلال الاسابيع الماضيه واااااايد عيبي
والحين كل العرايس يروحون عندها 00000
تحياتي لج
اموله الحلوه:clap:
عروس الخليج مب شي بس اذا ااحتطيتي اتسوين عندهم خل مريم البكستانيه اتسوي لكم لان مكياجها رهيب
هيفاء مااعرفها
دولا رهيبة انا سويت مرتين عندها (( كاتيا ))
والله الكل ماعرفني صدق اطلعج جميلة وايد 
تحياتي ربشوووة
السلام عليكم
انصحج بمكياج مدام هيفاء وااايد حلو بس مشكلتها انها ما تطلع من الصالون إلا للعرايس 
بس مكياجها روعه
دولي بعد حلو كانت عدنا عروس قبل شهر مسويه مكياجها وكانت طالعه جميله وبسيطه وناعمه واايد عجبني طريقة حط المكياج
بس انصحج عروس الخليج ما ينفع مكياجهم ما دري احس انه كله تلطيخ وخاصة مكياج غيتا ما يعجبني وما يناسبنا نحن هي دايما اتميل للمكياج الاستعراضي واتحطه على العروس خلال عشر دقائق وبسرعه وما يكون يناسب العرايس اللي شفت غيتا اتحط المكياج لهن . ومريم الباكستانيه هي احسن وحده عندهم اتحط ..
بس انصحج لمكياج العرايس غراشيب في دبي روعه روعه وحتى تسريحاتها اتجنن (( عن تجربه ))
انا بس اعرف عن دوللي وحده من اهلنا راحت عندها بس الصراحة وووايد غيرت من شكلها…
كانت مب لهناك بس مكياج دوللي غير ملامحها وخلاها مثل البيبي…
دوللي وايد يمدحونها بس ماسووويت عندها ابدا
:smile:الصالونات وووايد بس على حسب البشرة انا انصحج بالمكياج الهندي
دولي رهيبة…ما شاء الله عليها… في مرة كانت وحدة من صديقاتنا مخطوبة ونا قلت في قلبي "مسكينة هالبنت …حتى لو عدلوها ما بتطلع حلوه…قلبي يعورني عليها صدق مسكينة لكن الله يعينها شو اتسوي؟ الله خلقها كذا وهذي هي الدنيا"… وطبعا انعزمت على العرس… وواالله يا إخواتي ما بتصدقون يوم دخلت العرس… مستحيل…ما صدقت أنها هي العروس…ظنيت أني دخلت عرس غلط…. وسألت عشرين مرة إذا هذي العروس هي فلانة بنت فلان الله أعرفها والا أني داخله عرس غلط… ويالله يالله بالغصب وبعد البراهين "القاطعة" صدقت أنها هي زميلاتنا اللي نعرفها… مستحيل صراحة البنت متغيرة 360 درجة وطالعة ملكة جمال إلى درجة أني ما بغيت أترك العرس أبدا وقعدت أبحلق في مكياجها ومن اللي سواه لها إلين صارت أجمل عروس شفتها في حياتي (سبحان مغير الأشكال !)… المهم إختكم ما سكتت… تمت تسأل و تسأل إلين ما عرفت أنه صالون دولي في أبوظبي هي اللي مسوية المكياج لصاحبتنا العروس(a)
بصراحه انا ما جربت هيفا واول مره اسمع بها
بس مجربه عرووس الخليج ودولا وتبين رايي عليج دولا