والله ماتكل شيء او بمعنى اصح من كملت السنة والنصف وهي الاكلات اللي كانت متعوده اعطيها اياها
مثل الخضروات المهروسه مع الرز وهاي الاشياء ما تحب كلش تاكلهااا
مادري شاسوي
حياتها الروب مع العيش 🙁 🙁 🙁 او معكرونه مطبوخه وروب بس كل شيء روب روب روب
احسهااا بتنبط من الروب مادري شنو اعطيهااا
الله يخليج ابغي حل حق هالمشكله
:shy: :shy: :shy: :shy: :shy:
؟؟؟؟؟؟
لاني كان عندي ظروف ومادخلت النت
المهم عزيزتي
اكتبي لي جدولها اليومي الغذائي
ومعاه الاوقات،،،
وراح انعدل في الجدول،،،
وندخل فيه اكلات ،،،
ثانيه بس تحتاج فرصه
يعني مو في يوم وليله ،،،
المهم راح انتظرج وبارد عليج بسرعه ان شا ء الله ،،،
مشكوره على الرد
وانا اعذر كل البنات والله
انا حاولت اسوي اللي قلتي لي اياه
ونفس الشيء ماتاكل كلش
امس نامت ولا تعشت ولا كلت شيء
صار وزنها الحين 12 وهي الشهر الجاي بتكمل السنتين خلاص
مادري شاسوي والله
لا تحاتين من ناحيه الوزن
اما عن الاكل ياريت لو تخبريني احين شنو سويتي معاها علشان نتتبع الحاله
هي ما شاء الله عليها طويله شوي يعني طولها تقريباً 79 سم
اوكي
امس مثلا خلطت لها بطاطس مع جزر وشوية مرق (( صالونه )) وعيش وهرستهم شوي علشان تتقبلهم وكلت بس مو وايد
وبليل بالغصب شربت شوربه بطاطس مع الشعيرية
يعني تقريبا اكلها اليومي عادي عيش مع روب ولا مجبوس مع روب
بس ابغي نظام غذائي اسوي لها اكلات يعني اغير غير عن اللي تاكله
ومشكوره حبيبتي على الرد
طرق متنوعه لاكلات الاطفال
لا تحاتين عزيزتي
ان شاء الله انا اعد الحين
موضوع لطرق الطهي والتقديم
للاطفال وطبخات مبتكره ولذيذه
ان شاء الله قريبا راح يكون في القسم