بنتي والتطعيم,, ساعدوني 2024.

السلام عليكم ورحمة الله وبركاته,,
بنات البارحة رحت طعمت بنتي لانها كملت شهرين,,والدكتورة قالتلي اعطيها أدول كل 6 ساعات,, بس بعد التطعيم بخمس ساعات تمت تصيح وعورت قلبي ف عمتي قالتلي اعطيها أدول كل اربع ساعات,, وطول الليل قاعدة اراقبها والحمدلله عدى اليوم ع خير

بس اليوم قستلها الحراره وطلعت 37ونص ,, واحسها خامله ما تلعب وتضحك مثل الاول,, وبعد ما ترضع وايد,, يعني يعدي اليوم ماتشرب الا رضعتين,, هل هذا الشي طبيعي؟

اي حبيبتي عادي لاتخافين اهمشي حرارتها مومرتفعه لانه الابره قويه عليها مسكينه منجذي تعبانه يومين وترجع لج مثل اول

حبيبتى عادى بعد التطعيم تجى للبنت حرااااره بس انتبهى لاتزيد عليهاااااا حاولى تعطيهااااالدواء بنتظام وتحمميهااا كثير
وسلامتهاااا ماتشوف شر

تسلمون خواتي ريحتوني
ربي يشفيها ويجعلها قرة عين لاهلها ويباركلكم ف عيالكم

عادي بعد التطعيم لازم تعب من يوم الى يومين

الله يكون بعونك يس شي طبيعي انشاء الله ويروح

الله يخليها الكتكوته وما عليها شر

انا بنتي صادها جذي لما طعمتها 4 شهور .. بعد التطعيم بـخمس ساعات قامت تصيح بطريقه مو طبيعيه

لأن مساكين مكان الابره يألمهم .. غير مفعول التطعيم

على طول قيسي لها حرارتها وما عليها شر

تحياتي

نفس بنتي لمى طعمتها وعمرها شهرين عطيتها ادول كل اربع ساعات
لمده يومين وكله اصيح مساكين ايعوروا باالخاطر

عادي لاتحاتين وطبيعي ترتفع حرارتها شرط لانها متدفيه وملفوفة ماعليها شر

مثل ما قالواا البنات هذا شيء عادي .. بس نصيحة انا الدكتورة قالت لي اول ما توصلين البيت على طول اعطيها ادول حتى لو ما ارتفعت درجة الحرارة .. وبعدين كل اربع ساعات ..