8 شهور تنام معاي على السرير
احس بتوتر وقلق ومو عارفة اخليها تنام بسريرها
احس كأن احد بياخذها مني
وايد متعلقة فيها
عن جد احس قلبي يعورني وانا مجرد اني بخليها بسريرها ولاصق بسريري
مو عارفة شسوي
اكتب واحس دموعي بتنزل
دورت سرير بدون حواجز حتى ما يكون فيه حاجز بيني وبينها بس للاسف ما لقيت
…لازم تعودي نفسك انها تنام بسريرها والحمدلله انها جنبك مو بغرفة تانية … وحنان الام لابد منو بس مو زياده موفقة حبيتبي لاازم تعودين البنت على الاستقلاليه بشوي شوي
يعني لا تخلينها تعتمد عليش بكل شي حتى بالنوم
فكري بمصلحتها واتركي العواطف على جنب..
انا بعد كنت مثلك لكن عرفت ان من مصلحة البنت انها تنام لحالها
أختي انصح نصيحه خليها بسريرها احسن لك والله يابنتي من يوم
هي صغيره انيمها جنبي لمن يروح ابوها الدوام والى الان عمرها 7سنوات
وهي لازم كل يومين تجي تحط راسها جنبي ماقوم من النوم الا وهي لاصقه فيه
اقولها ياماما خلاص انتي كبرتي لازم تنامي بغرفتك تقولي ماما احبك انتي ماتحبيني :confused:
وتحزن قلبي وهذا كله لاني عودتها 
فانتبهي ترا بعدين راح تحسين بغلطتك
الحمدالله بنتك جنبك عالسرير يعني مو ذاك البعد الله يحفظها لك
لا تخلينها تعود
الله يخليها لج إن شاء الله
بس كانه باعدها عني مسافاااااااااااااااااااااااااااااااات مو حاجز بيني وبينها
دورت اللي نتحكم بطرف واحد منه وينزل الحاجز لتحت بس حسيت صناعتهم مو شي ومو قوية
جنبي كسرت خاطري وحسيت ان شي يفرقنا وصارت تقعد وتنام جنبي ارتاح بس هالشي
غلط وصار اخوها الصغير ما ينام جنبي وهي بعدهي تنام على سريري
والحين خليتهم بغرفة لحالهم
وبنتي الصغيرة الحين بعمر نجد تقريبا وباعودها تنام في سريرها
نصيحة عوديها تنام على سريرها وعوضيها الحنان وهي جالسه
مشكلتنا نعصب عليهم ونقصر ونحاول وقت النوم نعوض عليهم ونعطيهم الحنان في وقت
هم نايمين
فديتك حبوبه
يالله بلاش دلع تعودي وعودي بنتك على تحمل المسوليه من دونك من الحين
ههههههههههههههه
عسى الله يوفقك ويصبرك ترى ما من بعدها عنك
اوي البك يا بنت
قعدت نص الليل
شافت نفسها في سريرها قامت تضحك
رجعت نيمتها مرة ثانية
حسيتها تبي تنام
وتبي تساعدني انها تنام
اخذت اللحاف مالها وغطت وجهها
كسرت خاطري
اخذتها نيمتها يمي
ونامت للصبح
اليوم الصبح نيمتها بسريرها ونامت
شقد ارتحت لما شفتها نايمة يمي
ما ادري شنو اقول لج حبيبتي بس انتي غلطانه انك ما خليتيها في سرير من يوم كانت صغيره
لانه حتى انتي لازم تكون لك مساحتك في النوم بالصراحه
عن نفسي من يوم ما كانت بنتي قبل الأربعين اخليها تنام لوحدها في سلتها وبعدين السرير
اهو صج لازم اخذها للرضاعه وبعض الأحيان انساها معاي بس متفقه معه زوجي لو قعد اهو من النوم بعد يقوم يخليها على سريرها
لانها إذا ما تعودت من الصغر بصير صعب في الكبر
حاولي تستمرين ولا تغلبج الحنيه احسن لج ولها
تحياتي