بنتي والروضه بلييييز ساعدوني 2024.

مرحبا اخواتي
انه مشكلتي بنتي عمرها 3سنين وشهرين
وتروح الروضه من اول يوم مافي احلى منها ومن بعد اول يوم وهي حالتها حاله ماتبي تروح كللللللش رافضه الفكره ماتنزل من السياره وتفتح باب الصف تبي تطلع مع العلم انها ماتشتكي من اي شيئ فالروضه ابدا لا تيجر ولا غيره شسوي رحت قعدت معاهات كم يوم بس ماقدر ازياده

ههههههههههههههههه

وي فديتها بنتج شبيهتي .. هع

نفسي بالضبط يوم كنت صغيره

شوفي فديتج ادري هالشي صعب عليج بس استحملي

انتي قعدتي معاها كم يوم خلاص المره الجايه وصليها الصف وطلعي وخليها تصيح

مصيرها بتسكت .. 😛

والتيجر لاتفتح لها الباب .. انا كنت ارفس الباب .. هههههههههههههههههه

واخذي رقم جوالها عشان تطمنين على بنوووتج

والله يبلغج فيها عروووس ياارب

نفس مشكلتي مع البطل

رحت معااه كم مرة أول الأياام يعني

و بعدين صرت أوديه و أمشي و هو يصيح و أناا اشووي و أصيح ويااه ..

لدرجة ان أبووه قاال خلااص ماا رااح أخليه يرووح

ماا أقدر أشوووفه بهالحاال كل يوووم

و أني أقوول له لاا بس أول الأياام لأنه موو متعووود

و بالفعل بعدين صااار كل شي تمااام

و الله يهدي ولدج و فترة و اتعدي ان شااء الله

خوفتوني على ولدي و الروضة

الله يستر

عااادي كلها كم يوم ويعدوا وتتعود ان شالله
انتي مثلا روحي معها كم يوم وكل يوم حاولي تطلعي قبل بوقت يعني بالتدريج حتى تتعود على غيابك
بوقت المدرسة….-
_ كمان ممكن تعطيها حلاوة كمية معينة وقوليلها بكرا اعطي صاحباتك بون بون
_قليلها راح اشتريلك هدية حلووووة اذا جلستي شطوورة من غير بكاء
يعني كم حيلة بالاول وبعدين ان شالله بتتعود

ههههههههههههه يحليلها بنتج ..الله يحفظهاا ..

انا عندي بنت وولدي ولدي خلص الروضه ويه الدور على البنت للحين مادخل شهر 11بتفتح الروضه ..والله يعني جان ماتردح عن باب الروضه ..

اما من خلال تجربتي ويا ولدي ..كان نفس بنتج ..والله ماجذب عليج انا اول مادخلته الروضه قلت حق الادراه اني مابدفع لكم الا لين شفته ولدي قعد في الروضه ..وتميت سبوووع كامل يروح بدون صياح ومستانس على الروضه واليهال والالعاب وبعدها بسبوع دفت رسوم الروضه ومن دفت البيزات الا اشوف مايبي يروووح ..ويقعد يصيييييييييج يوميا الصبح …بعدا شوي شوي قام يتأقلم ..قالت لي المديره لاتدخلي وياه لانه اذا كل مره تدخلين وياه الصف بيتعود وبيغربلج ..عاد روضه ولدي في عاملات برعه يفتحون باب السياره ويخذون الياهل ويوصلونه لي صفه ..اشوي قمت اشرتي دونت قبل لوصله الروضه له وحق اصدقائه ..وكل مره اشتري له شي علشان يوزعه على اليهال اللي في الصف ..وسعات اعطي المعلمه هديه اقولها قولي لها ان هاذي من عندج علشان يحب الروضه ويحب المعلمه ..والحمدلله مشه الحال ..بس انتي قبل لاتودينها الروضه ..لاتذكرنها بالروضه يعني قبل لا ترقد تقولي لها باجر بتروحين الروضه ..سكتي عنهاا ولاتيبين طاري الروضه كلششششششششش بس قدعها الصبح وغسلها وبدلها ثيابها وخليها تروح بهدوء وانشالله الله بيهديهااا ..

الله يستر اول ولد وان شاء الله بروح شهر11 الروضة وهو واجد متعلق فيني وفي أبوه ان شاء الله ما يتعبني

يالله الله كريم تعبت معاها والله

ربنا يهدي اولادنا ويحفظهم من كل شر ااااامين

اقتباس

المشاركة الأساسية كتبها قڵب قطړ ..!

	ههههههههههههههههه وي فديتها بنتج شبيهتي .. هع نفسي بالضبط يوم كنت صغيره شوفي فديتج ادري هالشي صعب عليج بس استحملي انتي قعدتي معاها كم يوم خلاص المره الجايه وصليها الصف وطلعي وخليها تصيح مصيرها بتسكت .. 😛 والتيجر لاتفتح لها الباب .. انا كنت ارفس الباب .. هههههههههههههههههه واخذي رقم جوالها عشان تطمنين على بنوووتج والله يبلغج فيها عروووس ياارب

انا معاها(y)