مشكلة بنوتتي بدت بعد اسبوعين من ولادتها
بدا اول شي ويهها يصير دهني واااايد ..
وبعدين طلعت لها حبوب على خدودها وراسها .. وداخل شعرها
وزاد زاد لدرجة كبييييرة
انا كنت ولازلت متعودة اودي ولدي حق الدكتور ( محمد البستكي) اللي في الرفاع ..
هو الوحيد اللي الحمدلله نرتاح له والادوية اللي يعطينا بفضل من الله يستفيد منها
عاد انا ( اتنفس في بيت ابوي ) وبعيد عن الرفاع
فوديته عيادة الدكتور احمد محمود هناك دكتور عراقي
وصف لي هالدوا
وقلت له: مافيه كورتيزون؟
قال لي واذا فيه؟ اش بيها يعني؟ انا ولادي اذا يصيبهم اعطيهم هالدوا
هو في الاساس مرهم عيون فاخف شي يعتبر لبشرة الاطفال – حسب كلامه –
لكن عقب ما خلصت الاستخدام لمدة 5 ايام .. رد كل شي نفي قبل
شوفو خدودها فديت عيونها .. صاير فوقهم طبقة جااااافة يااابسة تعور القلب
بعدها قال لي استخدم هالكريم مدة شهر
واحين لي اول يوم
صاد عيالكم بسم الله عليهم هالون؟؟
اش سويتو؟
شستخدمتو؟
لازم تغيرين الطبيب
وتعرضينها على طبيب اطفال مختص
اذا ماكانت اكزيما فهي حبوب شباب بسبب الهرمونات الزايده منك تاخذها البيبي
لازم تسون لها تحليل هرمونات
ويتاكد من اعضائها التناسليه والثدي مافيها افرازات
وينعطى لها دهان موضعي خاص على المنطقه المصابه
بدون الكورتيزون لانه راح يضاعف المشكله
لازم فحص حتى يتاكد الطبيب انو الغدد عندها اوكي بحكم انها بنوته ربي يخليها لك
فهو شائع وطبيعي بين البنوتات باول الشهور
وله علاج
موفقه يارب
بس اختي ( ميس الريم ) ما قصرت قالت لك أحسن حل ’’’
لا تهملينها ’’ الله يخليها لك وتشوفيها أحلى عروسه ’’’
حبيبتي حطي لها ع الأقل فازلين يبرد عليهآ شوي ’’’ وزين للحساسيه ’’’
بعد عمري البنوتات
الله بشفيها
و انا اضم صوتي لميس الريم
اختي انا دكتورة و الكريم الي عطاكي اياة الدكتور اول شي فيه كورتيزون ! الثاني كلش زين للاطفال
بس انا رايي تودينها لدكتور جلدية احسن من دكتور اطفال وانصحج بدكتور هيثم في مستشفى الكندي ان شاء الله يكون قريب منج
أنا ولدي صاده جدي من أول ما ولدته وضل معاه 5شهور تقريباً
ما ضل دكتور ولا عياده خاصه الا وديته
كان وجهه كله ملتهب وحتى راسه طلع له حبوب
وصف لي دكتور أول مرهم حطيتيه
بس ما كان على شكل مرهم كان غسول
أحط شوي براسه وأمسح مسحه خفيفه على وجهه
وجسمه ويوم ثاني أغسله
لكن قريت عنه انه مو زين للأطفال …ووقفته ..
كانت نتايجه تبان بشل ملحوظ
بس اليوم الثاني ترد ترجع الحبوب
وكنت أعطي ولدي حليب نان ضد الارتجاع وهو يحتوي
على نشا البطاطس على ما أعتقد
وغيرته الى نان العادي واكتشفت بعدين ان الحليب سبب
من أسباب المشكله عند ولدي..
بإضافه انه دكتوره نصحتني بإستخدام شامبو
يكون محتواه طبيعي ونصحتني بماركه مذركير
واستخدمتها والحمدلله فادت ولدي كثيير ….
وطبعاً لا تستغني عن لوشن QV
قبل كل حمام ادهني جسم الصغيره بزيت الزيتون
وبعدين حمميها بشامبو مذركير وبعدين حطي اللوشن …
نصيحه لا تحطين لها فازلين كذا دكتور قال لي …
وان شاءالله كلها فترة وتعدي وما تشوف بنتك شر
يستخدم لاي مكان وباي وقت وخاصة بعد الاستحمام للاطفال غير المصابين
جاء لبنتي بقعه في كل خد واستخدمت كريم كيناكومب من اول استخدام تبيض المنطقه
وتجف وتخشن وبعدين تتقشر يعني عاااااااادي لا تخافي ماعليها شر القمر كمان سمعت سودو حلو