شحالكم خواتي ؟؟
ان شاء الله تكونون بألف صحه وعافية انتوا وكتاكيتكم الحلوين …
.. هل نوم بنتي طبيعي ولا ؟؟؟!!
قولوا ما شاء الله …
المهم نومها وايد صعب .. ما تنام فالليل عدل إلا نااادر جدا …
لازم كل ساعه أو نص ساعه تقوم .. وساعات كل ساعتين وساعات كل ثلاث ساعات ..
كل تقوم من النوم تصيح … والحين وأنا أكتب لكم قامت تصيح …
فكرت كم مره اني أوديها عند دكتور .. بس اللي مطمني انها الحمدلله طول اليوم طبيعيه .. يعني تلعب وتروح وترجع وتضحك الحمدلله عادي .. أعرف بنتي لو فيها شي جان ما بتلعب وبتم كل تصيح طول اليوم .. وهذا اللي مطمني ما شاء الله عليها …
لكن بس فالليل …
ما شاء الله اول ما يبتها … كان نومها مرتب … طول الليل تنام ما أحس بوجودها … وتقوم الصبح أرضعها وترجع تنام … وكنت واااايد مرتاحه ..
ومن صار عمرها 4 شهور .. انجلبت الايه .. صارت ما تنام فالليل إلا نادر ..
وكل نص ساعه تقوم … وآخذها حق مواعيدها في المستشفى .. الحمدلله كل شي طبيعي … بس أنا جد وااااااايد تعبت وياها مادري شو أسويلها .. أنا متعوده أنومها الساعه 11 ونص أو 12 أو ساعات 12 ونص .. ونااادر ما تتعدى هالوقت … وتقوم اليوم الثاني خلاص شبعانه نوم غالبا الساعه 11 الصبح …
وأخليها لحد الساعه 2 أو ثلاث الظهر وأنومها نومة الظهر ما تتعدى الساعه ونص … غالبا ساعه وربع ,, وتقوم شبعانه نوم … لحد الساعه 11 أو 11 ونص بالليل وجذيه …
حربت ما أنومها الظهر على أمل انها تنام فالليل على طول .. بس بعد ما نفع .. نفس الشي يصير …
مع اني الحمدلله دايما أقرا عليها أذكار الصبح والمسا وأذكار النوم من يبتها … ونااادرا ما أنسى …
عمتي أخت أبوي .. قالتلي مره ان ولدها يوم كان صغير كان جذيه .. ما كان ينام أبدا لحد ما صار عمره 3 أو 4 سنين ودخل الروضه تنظم نومه ..
بس جد تعبتني معاها ماعرف شو أسويلها ..
ساعات أفكر أروح لدكتور يكتبلها على دوا ينومها فالليل .. زوجي يقولي الحين انتي تقولين جذيه ؟؟ قبل أنا أقولج نوديها يعطونها دوا منوم وما ترضين ..
وانا بصراحه مب عارفه شو أسوي .. ومن التعب اللي فيني .. سهر وما في راحه في النوم أبدا …
تمر عليها فترات ناااادره جدا عشر أيام أو اسبوعين تنام بالليل عدل ونومها متواصل .. أو كل 4 أو 5 ساعات … يعني نومه مريحه .. بس بعدين ترجع نفس قبل …
أنا ما أشتغل .. و أفكر أشتغل … بس اذا اشتغلت كيف أتصرف .. ما بنام طول الليل وبعدها دوام لين الظهر يعني هلاااك …
فيدوني شو أسوي ؟؟؟؟ اللي عندها حل أو خبره أو معلومه في هالشي لا تبخل علي …
أم مريم ..
الله يعينج صرااحتااا
أني بنتي شهرر لكن سهرهاا دهرر
الله يخليها ويحفظها
مثل طريقة بنتج بالظبط نومها
صعبببببببببب
غير أنها تقعد مفزووعه لين تنام كأن أحد صافعها
غير أنها ماتنام الا على رجولي تخيلي شكلي بالليل وياها
أكوني للحين أغافص وياها من امس للحين مانامت
وأمس مانامت الا الظهر تخيلي الليل بطوله مانامته ومانامت الا الظهرررر
تعباانه وياها عدل
أكتب وهي على حضني تخزني هههههههههههههه
الله يهدي بنتج وبنتي
.✿.
ومره تعت معااهم وخصوصا انهم متقاربين في العمر ,,, ولمن دخلتم الروضه خلااااااص النوم تعدل الحمد لله ,,, ينامون الساعه 9 الليل ويصحون 6 وبعدين ينامون من بعد صلاه الظهر الين 2 ونص او ثلاث ,,, والحمد لله ,,,
بس ياام مريوم ,,, روحي المستشفى وشيكي على انفها يمكن تنكتم وهي نايمه ,,, او شي يضايقها في نومها ,,, سبحان الله
وان شاء الله مايسير الا كل خير,,,
خخخخخ كلامج ضحكني …
فديتها انتي خزيها بعد
.. الله يحفظها يارب … والله احترنا ماندري شو نسوي ..
والله ساعات تقوم تصيح من النوم وأصيح وياها
..أكسر خاطر زوجي ويضحك علي … خخخخ
الله يهديهم يارب …
**ام يارا**
مشكوره الغاليه عالرد …
حبيبتي أعرف بنتي يوم تنكتم ..
والحمدلله ما يصير هالشي إلا يوم تكون زجماانه (زكام) ..
الله يهديهم يارب ..
ويفرحج في عيالج يارب …
سكتي الحال من بعضووو
كل ماحطها تنام ابي انام تفزعني فزااع ام اييد
تقهررني ساعات ام عييون اسميها لان كل تخز هههههههههه
اقوولج اليوم قام ريلي للصلاة وشافني وياها وشلوون هي حدهااا مفررفشه
يقوول الله يعينج والله لأن الظهر تنام والمغررب >> يعني وقت الي بجي أحد يشوفها تكون نايمه
يحسدونها على نومها لو شنو يسوون فيها ماتقعد ههههههههههه
من تحت لي تحت
الله يعيني .. اعااني ويااهاا
شووفيها
صوووووورة فرش احين شلون مفرفشه هههههههههه
يااااااااااااااااااربي
شووفووا أم كشه شلوون مصحصحه ومفرفشة
تدلع بعد! 
.✿.
فديييييييييتها الله يحفظها …
ما شاء الله تبارك الرحمن …
الله يحفظها لج …
خخخخ ضحكتيني .. بس الله يعين …
ما شااااء الله أم الساااده اللهم صلي على محمد
وآل محمد تهبل الكتكوته
يا اما من حفاظتها .. أو من لبسها يكون حار على جلدها .. او مكان نومها ضيق مررره .. او تكون جايعه ..
وانتبهي .. انتبهي .. انتبهي .. اكررها لك لأهميتها … انتبهي تلعبينها لعب كثير .. او تضحكينها كثير خاصة في الليل قبل نومها بشوي .. لأن هالشئ هو سبب القلق والفزع بالنوم …!!!!
انتي شوفي المشكلة وين .. وان شاءالله تلاقين حل ..
مشكوره عالرد حبيبتي …
والله يعينج ويعيني ….
.. أمــ عــلــيــ ..
مشكوووره عالرد الغاليه …
فعلا أنا بنتي تضايق من المكان الضيق .. وتحب المكان الواسع ..
وقمت أنومها عدالي على السرير المكان وايد واسع … حتى في بيت أهلي أنام وياها عالارض … والمكان يكون واسع بس نفس الشي ..
وبالنسبه للعب .. أنا نااادرا ما ألعبها قبل النوم .. ما شاء الله عليها هي من النوع الحركي …
وأبوها دااايما يلعبها واايد قبل النوم ..وأقوله مب زين عشان ما تقوم من النوم خايفه .. لكن ما يسمعني …
مادري يمكن هالسبب … بس هي على هالحال من يوم كانت صغيييره .. عشان جذيه ما شكيت …